1 थिस्सलुनीकियों 2:4 - सोरियाली नय्या नियम

⁴ पर जसो परमेश्वरे ले हमून योग्य समझभेरन सुसमाचार सौप रैछ। येक कारण हम लोगून नै बल्कि हमार मन परखून वाला परमेश्वर स खुश करनू खिन उपदेश दीनू।

1 थिस्सलुनीकियों 2:4 Iomraidhean Croise

लूका 12:42

प्रभु ले क्योछ, उ विश्वासयोग्य और बुद्धिमान दास को होलो, जैस घरो को मालिक दुसारा दासून की निगरानी करून खिन नियुक्त करछो। उ ऊस ठीक बखत में खानो दीन खिन कुंछो। फिर उ खुद लम्बी यात्रा में न्हैजाछो।

लूका 16:11

येक कारण जब तुम संसारा का धन-दौलत में ईमानदार नै ठैरिया, त स्वर्ग को धन-दौलत तुमून को द्योलो?

यहूना 21:17

यीशु ले फिर तिसर बार उथैं क्योछ, “ हे शमौन, यहूना का च्याला, तैं मैंस प्रेम करछैई?” पतरस स भौत दुखी हुछो कि यीशु ले उथैं तिसार बार इसो क्योछ, “तैं मैंस प्रेम करछई?” और उले जवाब दीछ, “हे प्रभु, तुम सब कुछ जाणछा, यो ले जाण छै कि मैं तैंस प्रेम राखछूँ।” यीशु ले पतरस थैं क्योछ, “जो लोग म्यारा छन उनेरि देखभाल कर, जसीकैं एक ग्वालो अपून भेड़ून की देखभाल करछो।”

रोमियून 8:27

और हमार मनून को जांचूनवालो परमेश्वर जाणछो कि पवित्र आत्मा कि कुनमर्यो? क्याखिनकि उ पवित्र लोगून खिन परमेश्वर की इच्छा का अनुसार बिनती करछो।

1 कुरिन्थियून 7:25

कुँवारीन का बारिमें प्रभु की कोई आज्ञा मैंस नै मिली, लेकिन परमेश्वरे ले अपून दयाक अनुसार मैंस ज्ञान दीछ जैमें भरोसा करि जा सकछो और मैं उक अनुसारै अपूनी सला दीछूँ।

1 कुरिन्थियून 9:17

अगर मैं अपूनी इच्छा ले सुसमाचार प्रचार करछूँ त फिर मैंस उको ईनाम जरूर मिलोलो। लेकिन अगर परमेश्वर ले मैंस यो जिम्मेदारी दी रैछ, त मैं ईनाम में कि उमीद कर सकछूँ? मैं कोई ले ईनाम की उमीद नै कर सकनू।

2 कुरिन्थियून 2:17

किलैकी हम उन भौतून का नियाती नाहातिन, जो परमेश्वरा का बचन स अपून फैद खिन प्रचार करनान; लेकिन हम परमेश्वरा का बचन को प्रचार सच्चाई और मसीहक अधिकाराक दगाड़ करनू, यो जाणभेरन कि परमेश्वर हमून देखून मर्योछ।

2 कुरिन्थियून 4:2

लेकिन हमूले शर्मनाक और गुप्त कामून छोड़ दी है छै, और नै हम छल-कपट करनू, और नै परमेश्वरै का बचन स अपून फैदा खिन सुणूनू लेकिन हम परमेश्ररा का सामुनि सिर्फ सत्य बतूनू, ताकि हर आदिमी यो गवाही दे, कि हम सच्ची कुंन मर्या।

2 कुरिन्थियून 5:11

येक कारण प्रभु को डर मानभेरन हम लोगून थैं सच्चाई में विश्वास करना को बिनती करनू। परमेश्वर हमून पुरी तरीका ले जाणछो और मैंस आश छै, कि तुमार जमीर हमून निकीकैं जाणछो।

2 कुरिन्थियून 5:16

येक कारण अब भटे हम आदिमीन का नजरून ले केको न्याय नै करना। होई एक बखत छ्यो, जब हमूनले मसीह स आदिमी का नजरून ले देखछ्य, लेकिन अब हम इसो नै करना।

गलातियों 1:10

अब मैं लोगून खुश करना की कोशिश नै करून मरयूँ, लेकिन मैं परमेश्वरे स खुश करून चाछूँ। मैं लोगून खुश करना की कोशिश नै करून मरयूँ, अगर मैं ऐल तक लोगून खुश करना की कोशिश करनै रूनू, त मसीह को सेवक नी हुनू।

गलातियों 2:7

लेकिन जब उन लोगून ले देखछ्य कि परमेश्वरेले मैंस अधिकार दीछ कि जसिकै खतना करिना का यहूदी लोगून खिन सुसमाचार प्रचार करनाको काम पतरस स दी ग्यो, उसीकैं बिन खतना करिना गैर-यहूदी खिन सुसमाचारो को प्रचार करनाको काम मैंस दी ग्योछ।

इफिसियून 3:8

मैं परमेश्वरा का सब लोगून में सबून है नानो छूँ। लेकिन परमेश्वरो को अनुग्रह मैंमें भ्योछ, और मैं गैर-यहूदी लोगून सुसमाचार सुणू, कि मसीह भटे हमून जो आशीष मिलछी, उ हमार समझ है भ्यार छै।

इफिसियून 6:6

तुमून हर बखत अपून मालिकून को हुकुम मानूनो चैछो, उई बखत नै जब उ तुमून देखछो। बल्कि, मसीह का दासून का नियाती बना, जो अपून पुर मन ले उई करछो जो परमेश्वर चाछो कि उन करून।

कुलुस्सियून 3:22

हे दासो, मेरि सलाह यो छै कि तुम सारी बातुन में उन लोगून को हुकमो को पालन करा, जो यो संसार में तुमार अधिकारी छन। उनार नियाती नै, जो आदिमीन खुश करनू खिन इसो करनान, लेकिन परमेश्वरा का डर में और सच्चाई में करा,

1 तीमुथियुस 6:20

हे तीमुथियुस, तैं पक्को कर जो परमेश्वर ले तैंस दी रैछ तैं उई करनै रौ। और उन लोगून की जन सुण जो हमेशा बेकार की बात करनै रूनान, जेले परमेश्वर स आदर नै मिलनो, और बेकार में बिरोध करनान और कुंनान, कि यो ज्ञान छै, लेकिन सच्ची में यो नाहातिनी।

2 तीमुथियुस 1:14

यीशु मसीह का बारिमें सुसमाचार की रखवाली कर जो परमेश्वरे ले तैंस दीईना को छ्यो, पवित्र आत्मा का मद्दत ले जो हमून में रूछो।

2 तीमुथियुस 2:2

तैले मैंस भौत लोगून का सामुनि जो यो गवाह छन मसीह का बारिमें उपदेश सिखून सुण रैछ, येक कारण मैं चाछूँ, कि तैले विश्वासीन योई संदेश सिखौ जो विश्वासयोग्य छै, ताकि उन दुसरान यो सिखा सकून।

तीतुस 1:3

और अब बिल्कुल ठीक बखत में परमेश्वर ले यो सुसमाचार स हमार सामुनि प्रगट करछ्य, और हम येको प्रचार सबून का बीच करनू। हमार मुक्तिदाता परमेश्वर ले यो हुकुम दीभेरन मैंस जिमेदारी दी रैछ, कि उखिन यो काम करू।

इब्रानियों 4:13

परमेश्वरा का नजरून में यो संसारो को कोई ले आदिमी लुकीना को नाहातिन, हमून सब कामून को हिसाब दीन पड़ोलो उक सामुनि सब चीज खुलीना का और प्रगट छन।

1 पतरस 4:11

अगर तुमार पास प्रचार करना को बरदान छै, त तुमून परमेश्वरो को बचन को प्रचार करून चैछो। अगर तुमार पास दुसारा लोगून की मद्दत करना को बरदान छै, त यो ऊस सामर्थ का दगाड़ करा जो परमेश्वर तुमून दीछो। त फिर जो केले तुम करछा उ यीशु मसीह का द्वारा परमेश्वरेस महिमा दिलालो। सारी महिमा और सामर्थ हमेशा-हमेशा खिन उकी छै। आमीन।

प्रकाशितवाक्य 2:23

मैं उन लोगून मार डाललो जो उनेरि शिक्षान मान्नान, और पुरी विश्वासीन की मण्डली जाण जालि कि मैंई छूँ जो हरेक आदिमी का मनाका विचारून और मक्सदून की परख करछूँ। मैं तुमूनमें भटे हरेक स उक कामून का अनुसार फल द्यूलो।