1 थिस्सलुनीकियों 2:2 - सोरियाली नय्या नियम

² तुम खुदै जाणछा कि तुमार पास उन है पैलि हमूले फिलिप्पी शैहर में कतुक दुख उठाछ। फिरले परमेश्वर ले हमून इतुक हिम्मत दीछ, कि तुमार शैहरा लोगून का द्वारा हमोरो भौत बिरोध हुना का बाद ले हमूले परमेश्वरो को सुसमाचार तुमून सुणाछ।

1 थिस्सलुनीकियों 2:2 Iomraidhean Croise

प्रेरितून का काम 14:3

पौलुस और बरनबास भौत दिन तलक वाँ र्यान और प्रभु की दयाक बारिमें हिम्मतले बात करछो; और प्रभु यीशु ले उनारा द्वारा चमत्कार और अनोखा काम करवाभेरन यो साबित करछ्य कि जै अनुग्रह का बारिमें उन प्रचार करून मर्यान उ सच्चो छ्यो।

प्रेरितून का काम 14:5

तब गैर-यहूदी लोग और यहूदी उनोरो अपमान करनान और अपून अधिकारीन का दगाड़ उनूनमें पत्थराव करनाकि कोशिश करन लाग्यान।

प्रेरितून का काम 16:12

वाँ भटे हम फिलिप्पी शैहर में पुजियाँ, जो मकिदुनिया प्रदेशा का खास शैहर और रोमीन की बस्ती छै। हम उ शैहर में थ्वाड़ा दिन तक रयाँ।

प्रेरितून का काम 16:19

जब उको मालिक ले देखछ्य, कि हमोरो रूपाया कमूनाको जरिया खतम है ग्योछ, तब उन पौलुस और सिलासै स पकड़भेरन नगराक चौक में प्रधानून का सामुनि खीचभेरन ली ग्यान।

प्रेरितून का काम 16:37

लेकिन पौलुसले उनूनथैं क्योछ, “ उनूनले हम जो रोम देशा का रूनवाला छा, मुकदमा ठैराये बिना लोगून का सामुनि मारछैं, और जेल में डालछ्य। और अब क्या हमून चुप-चाप भ्यार निकाल दिन चानान? इसो नै हो! लेकिन जब उन खुद आभेरन हमून भ्यार लिजाला।”

प्रेरितून का काम 17:1

फिर पौलुस और सिलास अम्फिपुलिस और अपुल्लोनिया शैहरून भटे होभेरन थिस्सलुनीके का शैहर में आयान, जाँ यहूदीन को एक सभा-घर छ्यो।

प्रेरितून का काम 17:17

येक कारण उ यहूदीयून का सभाघर में यहूदीनथैं और परमेश्वरा का डर मान्यावाल गैर-यहूदी लोगून का दगाड़ वाद-विवाद करछ्यो। और हर रोज जो ले ऊस बाजारून का चौक में मिलछ्या उन लोग का दगाड़ बाद-विवाद करछ्यो।

प्रेरितून का काम 19:8

येक बाद पौलुस तीन मैंन तलक हिम्मतले यहूदी सभाघर में जाभेरन यहूदी लोगून परमेश्वरा का राज्य को बारिमें प्रचार करछ्यो और उनून समझूनै रूछो।

प्रेरितून का काम 4:13

पतरस और यहूना की बात सुणिभेरन यहूदी अगुवा दंग है ग्या कि प्रेरितून इतुक निडर है भेरन अपूनी बात बतुनान, जब की उन अनपढ़ और साधारण मैंस छन। तब यहूदी अगुवान ले पछ्याण लीछ कि उन यीशुक दगड़िया छन।

प्रेरितून का काम 4:20

किलैकी यो त हम नै कर सकना, जो हमूले देखछ सुणछै, उ हम लोगून बतून नै छोड़ सकना।”

प्रेरितून का काम 4:31

जब उनेरि प्रार्थना खतम हो गै, तो उ जाग जाँ उन जाम छ्या, उ जाग हिलून लागछी, और उन सब पवित्र आत्मा ले भरग्या, और उन परमेश्वरको बचन निडर हो भेरन लोगून सुणून लाग्यान।

प्रेरितून का काम 5:41

उन यो बात ले भौत खुश होभेरन महासभा का सामुनि भटे न्हैजानान, कि हम यीशुक कारण अपमानित हुन लायक छा।

रोमियून 1:1

मैं पौलुस यो चिठ्ठी स लिखछूँ, जो यीशु मसीह को सेवक छूँ, परमेश्वरे ले मैंस प्रेरित हुन खिन चुन छै, और परमेश्वरा का तरफ भटे उ सुसमाचारो को प्रचार करून खिन अलग करिनाको छूँ।

2 कुरिन्थियून 3:12

येक कारण यो आश का कारण हम हिम्मतले बोलनू।

कुलुस्सियून 2:1

मै चाछूँ कि तुम जाणि ली कि तुमार और उनून खिन जो लौदीकिया नगर में छन, और उन सबून खिन जिनूनले मैंस नै देख रै, मैं कतुक मेहनत करछूँ,

1 थिस्सलुनीकियों 1:5

क्याखिनकि जब हमूनले यीशु मसीह का बारिमें सुसमाचार तुमून बाताछ, त तुमार पास केवल शब्दून मेंई नै बल्कि पवित्र आत्मा का सामर्थ द्वारा पुजछ्य, और तुमूले पुर भरोसा का दगाड़ विश्वास करछ्य। और तुम जाणछा कि जब हम तुमार दगाड़ रूछ्या त हमूनले कसीकैं अपूनो जीवन बिताछ जो तुमार भलाई खिन छ्यो।

2 तीमुथियुस 1:12

मैं येक कारण जेल में ले इन दुखून सहन करून मरयू कि मैं लोगून यीशु मसीह का बारिमें सुसमाचार को प्रचार करछूँ। लेकिन मैं शरमानू नै, क्याखिनकि मैं मसीह स जाणछूँ; जैमें मैं विश्वास करछ्य, और मैंस पक्को विश्वास छै कि मसीह उ दिन तक जब तक उ वापस नी आलो, मसीह उ दिन तक मेरि धरोहर की रक्षा करून में पुर तरीका ले सामर्थी छै।

यहूदा 1:3

हे म्यारा विश्वासी भाईयो, हालाकि मैं तुमून परमेश्वरा का उद्धार का बारिमें भौत कुछ लिखून चाछ्यू, जैमें हम सब भागीदार छा, लेकिन अब मैंस यो जरूरी लगून मर्योछ कि तुमून प्रोत्साहित करन खिन लिखू कि सच्ची शिक्षा की रक्षा खिन लड़ा। परमेश्वरेले अपून लोगून यो सत्य एक बार हमेशा खिन दी दीछ जो कभै नै बदलनो।