1 थिस्सलुनीकियों 2:12 - सोरियाली नय्या नियम

¹² तुम इसो जीवन जीया जैस देखभेरन परमेश्वर खुश हुछो, जो तुमून अपून राज्य और महिमा में भागीदार हुन खिन बुलूछो।

1 थिस्सलुनीकियों 2:12 Iomraidhean Croise

रोमियून 8:28

हम जाणनू कि जो लोग परमेश्वरा का दगाड़ प्रेम राखनान, उन लोगून खिन सब बात मिलभेरन निको अंत ल्यूछो। और उकी इच्छा का अनुसार चुनी ग्यान, परमेश्वर उनेरि भलाई खिन सबै बातुन में उनेरि मद्दत करछो।

रोमियून 8:30

उले जिनून पैलि भटे तय करि ग्योछ, उनून चुन लीछ, और जिनून परमेश्वर ले बुलाछ, और जिनून परमेश्वर ले धर्मी ले ठैहराछ, उनार दगाड़ अपूनी महिमा स बांणी छै।

1 कुरिन्थियून 1:9

परमेश्वर इसो करोलो, क्याखिनकि उ जो कुंछो ऊस उ करून में विश्वायोग्य छै, और उले तुमून अपून च्याला, हमार प्रभु यीशु मसीह का दगाड़ एक संगति में बुला रैछ।

2 कुरिन्थियून 4:6

येक कारण कि परमेश्‍वरै ले क्योछ, “अन्यारा में भटे उज्यालो चमकछो,” और परमेश्वरेले उज्याला का नियाती हमार मनून में समझ दीछ, ताकि हम परमेश्वरै की महिमा स पछ्याण सकाँ जो यीशु मसीह में दिखाई दीछी।

गलातियों 5:16

लेकिन मैं तुमूनथैं कुंछूँ कि तुम पवित्र आत्मा का अनुसार जीवन जीना की कोशिश करला, त तुम अपून पापी स्वभाव का इच्छान को पालन कसा ले तरीका ले नी करला।

इफिसियून 4:1

येक कारण मैं जो प्रभु यीशु मसीह की सेवा करना का कारण जेल में छूँ तुमूनथैं विनती करछूँ कि जो बुलाहटाक दगाड़ परमेश्वर ले तुमून अपूनी सन्तान हुन खिन बुला रैछ, उक अनुसार अपूनी जीन्दगी जीया,

इफिसियून 5:2

मसीह का उदारण में हिटभेरन, तुम एक दुसरा से प्रेम करा, जसीकैं मसीह ले तुमून प्रेम करछो, और हमार पापून दूर करून खिन अपूनास बलिदान कर दीछ। और परमेश्वर येले खुश छ्यो, क्याखिनकि उ बलिदान उ खिन खुशबुदार इत्र का नियाती छ्यो।

इफिसियून 5:8

क्याखिनकि तुम उन लोगून की नियाती छ्या, जो अन्धकार में रूनान, लेकिन अब प्रभु में उज्यालो छा, येक कारण उज्याला का सन्तान का नियाती जीन्दगी जीआ।

फिलिप्पिन 1:27

केवल इतुक करा कि तुमोरो चाल-चलन मसीह का सुसमाचार का अनुसार हो, चाहे मैं तुमून आभेरन देखू या नै देखू, तुमार बारिमें बश यो सुणू कि तुम एक इरादा में मजबूत हो भेरन, और एक मन होभेरन सुसमाचार का विश्वास खिन मेहनत करनै रूछो।

कुलुस्सियून 1:10

हम यो प्रार्थना करनू ताकि तुम इसीकैं जीवन जीया जसो प्रभु का लोगून जीन चैछो, और तुम हर तरीका ले प्रभु स खुश करला। और हर तरीका भल काम करनै रौला, और परमेश्वरा का ज्ञान में बढ़नै जाला।

कुलुस्सियून 2:6

येक कारण, जैस तुम ले मसीह यीशु स प्रभु करभेरन ग्रहण कर हालछ्य, उसीकैं उमें बनिना का रौ।

1 थिस्सलुनीकियों 4:1

आखरी में हे म्यारा विश्वासी भाईयों, हम प्रभु यीशु का नामले तुमूनथैं बिनती करनू और तुमून समझुनू, कि तुम इसीकैं जीवन जीया, जो परमेश्वर स खुश करछो, जसो हमूले तुमून सिखाछ। कि तुम पैलि भटे इसा तरीका जीन्दगी जीछा, और हम तुमून इसो करनै रून खिन और उत्साहित करनू।

1 थिस्सलुनीकियों 4:12

ताकि उन लोग जो विश्वास नै करना, देखून कि तुम हर दिन कसो ब्यवहार करछा, और तुमोरो आदर करूनो, और तुमून अपून जरूरतून खिन केमें निर्भर नै हुन पड़ौ।

1 थिस्सलुनीकियों 5:24

तुमोरो बुलून वालो विश्वासयोग्य छै, क्याखिनकि उ तुमून पवित्र हुन खिन बुलूछो, और उ तुमून पवित्र हुन खिन योग्य ले बनालो।

2 थिस्सलुनीकियों 1:10

यो उ दिना होलो जब प्रभु यीशु विश्वासी लोगून का द्वारा महिमा पान खिन स्वर्ग भटे वापस आलो। त तुम ले उ झुण्ड में शामिल होला क्याखिनकि तुमूले उ संदेश में विश्वास करछ्य जो हमूले तुमून उक बारिमें बताछ।

2 तीमुथियुस 1:9

परमेश्वरे ले हमोरो उद्धार करछ्य, और हमून पवित्र जीवन जीन खिन बुलाछ। उले हमून येक कारण नै चुनियो की हमूले भल काम कर्यान, लेकिन अपून मक्शद और उ अनुग्रह का कारण बुलाछ, जैकी योजना परमेश्वरे ले पैलि भटे यीशु मसीह स यो संसार में भेजना का द्वारा बनाईना की छी।

1 पतरस 2:9

लेकिन तुम इसा नाहातिन किलैकी तुम परमेश्वरा का चुनिना का लोग छा तुम परमेश्वरा का याजक छा, जो राजा छै, तुम परमेश्वर की सेवा करून खिन समर्पित छा और तुम परमेश्वरा का खास लोग छा। किलैकी उले तुमून अन्यार में भटे भ्यार अपून अद्धभुत उज्याल में बुलाईना का छा, ताकि तुम परमेश्वरा का अद्धभुत कामून का बारिमें बता सका।

1 पतरस 3:9

बुराईक बदला बुराई जन करा और नै गाली का बदला गाली दी; लेकिन येका बदला आशीष दी। किलैकी परमेश्वरेले तुमून येक कारण बुला रैछ ताकि तुम दुसरान आशीष दी सका। अगर तुम इसो करछा त परमेश्वर ले तुमून आशीष द्योलो।

1 पतरस 5:10

परमेश्वर जो पुर तरीका ले अनुग्रह ले भरिनाका छन, उले हमून मसीह का दगाड़ हमार रिश्ताका कारण स्वर्ग में उकी अनन्त महिमा में सहभागी हुनखिन हमून बुला रैछ। तुमार थ्वाड़ा बखत खिन दुख सहन करना का बाद, परमेश्वर तुमून मजबूत करोलो, ताकि तुमोरो विश्वास मजबूत हो, और डगमगून वाला नै हो।

2 पतरस 1:3

परमेश्वर ले अपून सामर्थ का द्वारा हमून उ सब कुछ दीछ जो हमून एक इसो जीवन जीन खिन चैछो जो परमेश्वरेस खुश करछो। यो हो सकछो किलैकी हम परमेश्वरेस जाणनू और उ उई छै जैले हमून अपूनी महिमा और भलाई का द्वारा अपून लोग हुन खिन बुला रैछ।

1 यहूना 2:6

जो कोई यो कूछो कि मैं उमें बनिनाको रूछूँ, त ऊस चैछो कि उ खुद ले उसीकैं रौ जसीकैं यीशु मसीह र्योछ।

3 यहूना 1:6

उनूनमें भटे थ्वाड़ लोगून ले याँ का विश्वासीन बताछ कि तैं अपून दगाड़ का विश्वासी भाईन कतुक प्रेम करछै। अब मैं तैथैं कुंन चाँछूँ कि जब उन त्यारा पास भटे जाला, त तैंस इन लोगून की मद्दत करनै रून चैछो, क्याखिनकि येले परमेश्वर खुश हुछो।