1 थिस्सलुनीकियों 1:5 - सोरियाली नय्या नियम

⁵ क्याखिनकि जब हमूनले यीशु मसीह का बारिमें सुसमाचार तुमून बाताछ, त तुमार पास केवल शब्दून मेंई नै बल्कि पवित्र आत्मा का सामर्थ द्वारा पुजछ्य, और तुमूले पुर भरोसा का दगाड़ विश्वास करछ्य। और तुम जाणछा कि जब हम तुमार दगाड़ रूछ्या त हमूनले कसीकैं अपूनो जीवन बिताछ जो तुमार भलाई खिन छ्यो।

1 थिस्सलुनीकियों 1:5 Iomraidhean Croise

मरकुस 16:20

और उन शिष्यून ले जाभेरन हर जाग प्रचार करछ्य, और प्रभु यीशु ले उनून सामर्थ दीछ, और उनार द्वारा करिना का चमत्कारून यो बात साबित करछ्या कि उको संदेश सच्चो छ्यो। आमीन।

लूका 1:1

लूका लिखछो, हे श्रीमान थियुफिलुस जी, भौत लोगून ले हमार बीच होईना का बातुन का बारिमें एक दस्तावेज लिखना की कोशिश करछै।

प्रेरितून का काम 11:21

और प्रभु की सामर्थ उनूनमें छी, और भौते गैर-यहूदी लोगून ले उनेरि बातुन में विश्वास करछ्य और प्रभु यीशु स ग्रहण करछ्य।

प्रेरितून का काम 16:14

उन स्यैनिन में भटे एकोक नाम लुदिया छ्यो, उ थुआतीरा नगरे की रूनवाली छी, और महैंगा बैगनी कपाड़ान को ब्यापार करछी। जो परमेश्वर कि अराधना करछी। उ हमरि बात सुणूनमरेछी और परमेश्वर ले ऊस पौलुसकि बात समझून खिन और अपनून खिन उक मन तैय्यार करछ्य।

प्रेरितून का काम 2:33

अब उ स्वर्ग में परमेश्वरा का दैन हाता का तरफ सबून है ऊँचा जाग में बैठिनाका छै। पिता परमेश्वरे ले जसो वादा करिना को छ्यो, ऊस पवित्र आत्मा दीछ, और उले पवित्र आत्मा हमून दीछ। जो आज तुम देखछा और सुणछा।

रोमियून 1:16

किलैंकी मैं यीशु मसीह को सुसमाचार में पुरो विश्वास करछूँ, अपूनी सामर्थ ले परमेश्वर उन सबून को उद्धार करछो, जो यो सुसमाचार में विश्वास करनान, सबून है पैलि त यहूदी लोगून खिन और फिर उनून खिन जो यहूदी नाहातिन।

रोमियून 15:13

मैं प्रार्थना करछूँ की, परमेश्वर जो आशो को दाता छै, तुमून विश्वास करून में पुर रीतिले खुशी और शान्ति ले भरौ की पवित्र आत्मा की सामर्थ ले तुमेरि आश बढ़नै जौ।

रोमियून 2:16

यो सब उ दिन होलो जब परमेश्वर यीशु मसीहक द्वारा म्यारा जरियाले सुणाईना को सुसमाचाराक अनुसार लोगून का गुप्त विचारून को ले न्याय कराला।

1 कुरिन्थियून 1:24

लेकिन परमेश्वरा का चुनिना का लोगून खिन, चाहे यहूदी हुन या गैर-यहूदी, योई मसीह परमेश्वर की सामर्थ, और परमेश्वरो को ज्ञान छै।

1 कुरिन्थियून 3:16

सच्ची में तुम जाणछा, कि तुम परमेश्वरा का मन्दिर छा, और परमेश्वरो को आत्मा तुमून में वास करछो।

1 कुरिन्थियून 3:6

मैं तुमून परमेश्वरो को बचन बतून वालो पैलो आदिमी छ्यूँ, येक कारण मैं एक इस आदिमीक नियाती छूँ जैले बी बोछ। उक बाद, अपुल्लोस ले तुमून विश्वास में मजबूत बनून खिन तुमेरि मद्दत करछ्य, ठीक उसीकैं जसीकैं कि कोई दुसोरो आदिमी उन बोटून में पानि दीछो जो बढ़ून लाग्यान। लेकिन परमेश्वरे ले तुमून नय्या जीवन दी रैछ और जैले तुम आत्मिक रूप में बढ़ून मरैछा जसीकैं परमेश्वर बोटून बढ़ूछो।

1 कुरिन्थियून 4:20

क्याखिनकि परमेश्वरा का राज्य खिन भौत सी बात नाहातिन, लेकिन परमेश्वरे की सामर्थक द्वारा जीन छै

1 कुरिन्थियून 9:14

इसीकैं प्रभु ले हुकुम दी रैछ कि जो लोग सुसमाचारो को प्रचार करनान, उनेरि रोजी रोटी उन लोगून भटे मिलून चैछो जो सुसमाचार सुणनान।

2 कुरिन्थियून 3:6

जैले हमून नय्या वाचा को सेवक हुना का काबिल बनाछ। यो कोई मूसा का लिखीना का नियम-कानून नाहातिन बल्कि पवित्र आत्मा की वाचा छै, किलैकी मूसा का लिखीना का नियम-कानून नै मानना को परिणाम मौत छै, लेकिन पवित्र आत्मा अनन्त जीवन दीछो।

गलातियों 2:2

मैं वाँ गयूँ क्याखिनकि परमेश्वरे ले मैंस वाँ जान खिन क्योछ; और जब मैं वाँ जाईना को छ्यूँ त मैं वाँ अगुवान थैं ऐकला में मिल्यूँ, और उनून उ सुसमाचारा का बारिमें बताछ जो मैं गैर-यहूदीन का बीच में प्रचार कर छयूँ, ताकि इसो नै हो, कि जो मैं करूनो जारी राख छ्यूँ, उको कै परिनाम नी होलो।

गलातियों 5:5

मैं इसो कै सकछूँ क्याखिनकि हमून पवित्र आत्मा का तरफ भटे पुरो भरोसा छै कि परमेश्वरे ले हमून धर्मीका रूप में स्वीकार करोलो क्याखिनकि हम यीशु मसीह में विश्वास करनू।

इफिसियून 2:10

क्याखिनकि परमेश्वर ले हमून बनाछ, और यीशु मसीह में हमून भल कामून खिन बनाछ, जिनून परमेश्वर ले पैलि भटे हमार करून खिन तैयार कर रैछ।

इफिसियून 3:20

जतुक हम परमेश्वर थैं माँगनू और सोचनू, ये है ले ज्यादा कर सकछो, क्याखिनकि उकी सामर्थ हमून में काम करछी।

फिलिप्पिन 2:13

क्याखिनकि परमेश्वरई छै, जो तुमूनै में काम करूनमर्योछ, तुमून उ करना की इच्छा और ताकत दीनै रियोछ जो ऊस खुश करछो।

फिलिप्पिन 4:9

तुम लोगून ले मैंथैं सिखछै, ग्रहण करछ्य, सुणछै और मैंमें देखछै, उनार अनुसार चला, तब शान्ति को परमेश्वर तुमार दगाड़ रलो।

कुलुस्सियून 2:2

मैं इसो येक कारण करछूँ, ताकि तुमोरो विश्वास मजबूत हो जौ, और मैं चाछूँ कि उनून पुरो भरोसा हो क्याखिनकि उनून परमेश्वरो को गुप्त रहस्य की पुरी समझ छै, जो खुद मसीह छै।

1 थिस्सलुनीकियों 2:13

येक कारण हम ले परमेश्वरो को हमेशा धन्यवाद करनू; कि जब हमार द्वारा परमेश्वरो को सुसमाचार को वचन तुमार बीच में प्रचार करछ्य, त तुमून ले ऊस आदिमीन को नै पर परमेश्वरो को वचन समझभेरन ग्रहण करछ्य, और अब परमेश्वरो को यो वचन तुमार जीवन में काम करूनमर्योछ जो मसीह में विश्वास रखनान।

2 थिस्सलुनीकियों 2:14

परमेश्वर ले उ सुसमाचारो को इस्तमाल करछ्य, जेस हमूले तुमून उद्धार दीन खिन तुमार बीच में प्रचार करछ्य, ताकि तुम हमार प्रभु यीशु मसीह का महिमा में भागीदार बन सका।

2 तीमुथियुस 2:10

येक कारण मैं उन लोगून का फैदा खिन सब दुखून सहन करछूँ, जिनून परमेश्वर ले चुन रैछ, ताकि उन ले यीशु मसीह में विश्वास करून और बचाई जा सकून, और उ महिमा स पा लीन जो हमेशा खिन बनिना की रूछी।

2 तीमुथियुस 2:8

हमेशा याद राख कि यीशु मसीह को छै, उ राजा दाऊद को वंशज छै, परमेश्वर ले ऊस मरिनान में भटे ज्यून करछ्य, और यो उई सुसमाचार छै जो मैं लोगून का बीच में प्रचार करछूँ।

इब्रानियों 10:22

त आ हम, मसीह का खून का छिड़क भेरन अपून मनैस शुद्ध करभेरन और साफ पानि ले अपून शरीरून धोभेरन साफ करभेरन और सच्चा मन और मजबूत विश्वास का दगाड़ परमेश्वरा का नजिक जा।

इब्रानियों 6:11

आलसी जन बना। लेकिन कड़ी मेहनत करून वालान की नियाती तुमून अंत तक धीरज और विश्वास में मजबूत आश राखभेरन इन प्रेम का कामून करून जारी राखून चैछो, ताकि परमेश्वरा का करिना का वादा पा सका।

1 पतरस 1:12

लेकिन परमेश्वरेले इन संदेश दीन वाला लोगून बताछ कि उनार संदेश खुद अपून खिन नै बल्कि तुमून खिन छ्या। उ संदेश यीशु मसीह का बारिमें सुसमाचार छै जो तुमूनले अब सुणछ्य। परमेश्वरेले स्वर्ग भटे अपूनो पवित्र आत्मा भेजछ्य कि तुमून सुसमाचार प्रचार करून में लोगून की मद्दत करौ। यो सब इतुक अद्धभुत छै कि याँ तक कि स्वर्गदूत ले उत्सुकता ले इन बातुन हुन देखून मर्यान।

1 पतरस 1:3

हम परमेश्वरो को धन्यावाद करनू, जो हमार प्रभु यीशु को पिता छै, जैले अपूनी बड़ी दया ले हमून एक नय्या जीवन दीछ। किलैकी परमेश्वरेले यीशु मसीह स मरिनान में भटे ज्यून करछ्य, उले हमून निडर होभेरन जीना का काबिल बनाछ; यो कि उन चीजून पाना की पुरी उम्मीद कर सकनू जो उले हमून दीना को वादा करिना को छै।

1 पतरस 5:3

जिन लोगून की जिम्मेदारी परमेश्वरेले तुमून दी रैछ, उनूनमें अधिकारीन का नियाती अपूनो अधिकार जन जता, बल्कि उनून खिन एक निको उदारण बना।

2 पतरस 1:10

येक कारण हे म्यारा विश्वासी भाईयो, अपूनास और दुसरा लोगून यो देखून खिन और ले निका ब्यवहार करना की कोशिश करा कि परमेश्वरेले सच्ची में तुमून चुनिना को छै और तुमून अपून लोग हुन खिन बुला रैछ। अगर तुम इसो करला त तुम जरूर परमेश्वर है अलग नी होला।

2 पतरस 1:19

हम यो ले जाणनू कि मसीह का बारिमें परमेश्वरो को संदेश दिनवाला लोगून ले जो बचन लिखीना का छ्या, उन बिल्कुल सच्चा छन, और जो हमूले तुमून उक वापस उनाक बारिमें सिखाईना का छ्या उन उकी पुष्टि करनान। तुमून उन बचनून निकीकैं सुणूनो चैछो, किलैकी जसा तरीका ले अन्यारा में जलूनो वालो दीया लोगून सही बाँट देखून में मद्दत करछो, उसीकैं यो बचन तुमून यो जाणून में मद्दत करोलो कि सत्य कि छै। हमार प्रभु यीशु मसीह का वापस ऊँन तक तुमून उन बचनून निकीकैं सुणून चैछो। उको वापस ऊँनो नय्या दीनो को रातैनि को जसो उज्यालो लागोलो, और उन रात ब्यान को तारा को जसो होलो। उ बखत उको उज्यालो तुमार दिलून में चमकोलो और तुमार सामुनि परमेश्वर साफ तरीका ले प्रकट करोलो।