1 थिस्सलुनीकियों 1:10 - सोरियाली नय्या नियम

¹⁰ और तुम स्वर्ग भटे परमेश्वरा का च्याला स वापस उनाकी उमीद करून मरेछा, जैस परमेश्वर ले मुर्दान में भटे ज्यून करछ्य, मतलब यीशु मसीह स, जो हमून परमेश्वरा का उनवाला क्रोध है बचूछो।

1 थिस्सलुनीकियों 1:10 Iomraidhean Croise

मत्ती 1:21

और उ एक च्याला स जन्म देली, तैं उको नाम यीशु राखैं, क्याखिनकि उ अपून लोगून पापून भटे मुक्ति दिलालो।”

मत्ती 16:27

जब आदिमी को च्योलो अपून स्वर्गदूतुका दगाड़ अपून बबा का महिमा में आलो, उ बखत उ हरेक स उक कामून का अनुसार फल द्योलो।

मत्ती 16:28

मैं तुमूनथैं सच्ची कुंछूँ, कि जो याँ ठाँड़ छन, इनून में कुछ लोग इसा छन, जब तलक मैंस आदिमी को च्योलो को परमेश्वरा का राज्य स सामर्थ का दगाड़ उन नै देख ल्यून, तब तलक उन कभै नी मराँला।”

मत्ती 3:7

लेकिन जब उले भौत फरीसीन और सदूकी लोगून अपून पास बपतिस्मा लीन खिन उन देखछ्य, तो उले उनूनथैं क्योछ, “हे स्याँपा का जैसा जहरीला लोगो, तुमून कैले बता दीछ, कि परमेश्वरा का उनवाला कोप है भागा?

लूका 2:25

और उ बखत यरूशलम शैहर में शमौन नामोको एक आदिमी छ्यो, और उ धर्मी और भक्त छ्यो; और उ बेसबरी ले मसीह को उनाको इन्तजार करून मरेछ्यो जैस भेजना को वादा परमेश्वर ले करिना को छ्यो कि उ अ, और इस्राएल देशा का लोगून तसल्ली द्यो। और पवित्र आत्मा उक दगाड़ छ्यो।

लूका 3:7

जो लोग यहूना थैं बपतिस्मा लीन खिन उछ्या, यहूना उनूनथैं कुछ्यो, तुम लोग जहरीला स्यापा का नियाति दुष्ट छा! तुमोरो यो सोचून गलत छै की केवल बपतिस्मा लिनाले तुम अपून पापून खिन परमेश्वरा का द्वारा सजा पान है बच सकछा!

प्रेरितून का काम 1:11

और कुन लाग्यान, “हे गलीली जिला का लोगों, तुम किलैं याँ ठाड़ हो भेरन आकाश का तरफ चाँन मरैछा? योई यीशु जैस परमेश्वरले स्वर्ग में उठा ली हैछ, उसीकैं उ फिर आलो, जसकैं तुम लोगून ले ऊस स्वर्ग का तरफ जान देखछ्य।”

प्रेरितून का काम 17:31

परमेश्वर ले एक दिन ठैरा रैछ, “जै दिन उन पैलि भटे अपून ठैराईनाका उ च्यालाक जरियाले धरतिक धर्मोको न्याय करला। जैस उनूनले यो काम खिन ठैरा रैछ, और ऊस मरिन में भटे दुबाँरा ज्यून करभेरन अपून यो बातोको सबूत लै दी राखछ्य।”

प्रेरितून का काम 2:24

लेकिन परमेश्वरे ले ऊस मौत का दर्द भटे छुड़ाभेरन मरिनान में भटे ज्यून कर दीछ, क्याखिनकि उ बिल्कुल मुशकील छ्यो कि मौत ऊस अपून बंधन में राँख सको।

प्रेरितून का काम 2:32

योई यीशु स परमेश्वरे ले ज्यून करछ्य, जैक हम सब गवाह छा।

प्रेरितून का काम 3:15

और तुमूनले जो लोगून अनन्त जीवन दीछो ऊस मरवा दीछ, जैस परमेश्वरले मरिनान में भटे ज्यून करछ्य, जैक हम सब गवाह छै।

प्रेरितून का काम 3:21

यीशु को स्वर्ग में उ बखत तक रूनो जरूरी छै, जब तक परमेश्वर उन सब चीजून नय्या नै बना द्यो जो उले बनाईना का छन। भौत बखत पैलि परमेश्वरेले लोगून यो बतून खिन पवित्र परमेश्वरो को संदेश दिनवालान का द्वारा इसो करना को वादा करछ्य।

प्रेरितून का काम 4:10

तो तुम सब और पुर इस्राएली देशा का लोग जाण लीन, कि यो नासरत गौंक यीशु मसीहक नामले करि ग्योछ। उई यीशु स तुम लोगून ले सूली में लटका दीछ, लेकिन परमेश्वरले ऊस मरिनान में भटे ज्यून करछ्य। आज उई नामाका द्वारा यो आदिमी तुमार सामुनि चंगो होभेरन ठाड़ छै।

रोमियून 1:4

और पवित्र आत्माक अनुसार मरिन में भटे ज्यून हुना का कारण सामर्थ का दगाड़ परमेश्वरो को च्योलो ठैहरछ्य। उ यीशु मसीह हमोरो प्रभु छै।

रोमियून 2:7

और जो लोग निका कामून करभेरन महिमा, सम्मान और अनन्त जीवनै की खोज में छन, उनून परमेश्वर अनन्त जीवन द्योलो।

रोमियून 4:25

यीशु मसीह हमार पापून खिन मारी ग्यान, और परमेश्वरे ले दुबारा मरिन में भटे ऊस ज्यून कर दीछ ताकि हम धर्मी ठैहराई जाँ।

रोमियून 8:34

कोई ले हमरि निन्दा नै कर सकनो किलैंकी यो यीशु मसीह छै, जो हमून खिन मर ग्यो और मरिन में भटे ज्यून हो ग्योछ, और जो हमार तरफ भटे परमेश्वर थैं हमून खिन ले बिनती करछो।

1 कुरिन्थियून 1:7

यो कारण छै, कि जब तुम हमार प्रभु यीशु मसीह का वापस उनाको इन्तजार करनै रूछा, और अब तुमार पास उ आत्मिक बरदान छन जिनेरी तुमून जरूरत छै।

गलातियों 3:13

मसीह जो सूली में मरना का कारण हमून खिन श्रापित बनछ्य, और उले हमून मोल लीभेरन मूसा का नियम-कानून का श्राप भटे बचाछ, क्याखिनकि पवित्रशास्त्र में लिखीना को छै, “जो कोई सूली पर चढ़ाई भेरन मारी जाछो उ श्रापित छै।”

फिलिप्पिन 3:20

लेकिन हमोरो स्वदेश त स्वर्ग में छै; और हम अपूना मुक्तिदाता प्रभु यीशु मसीह का स्वर्ग भटे वापस उनाक इन्तजार करूनमर्या।

कुलुस्सियून 1:18

मसीह विश्वासी की मण्डली खोरो छै और उ उको आंग छै। मसीह विश्वासी की अगुवाई उसीकैं करछो, जैसे एक आदिमी को खोरो उक आंग स काबू करछो। उ पैलि छै, और मरिनान में भटे ज्यूनो हुन वालो पैल उई छै, कि सब बातुन में उको अधिकार हो।

1 थिस्सलुनीकियों 1:7

और जैको परिनाम यो भ्योछ, कि तुम मकिदुनिया और अखया प्रदेशून का सब विश्वासीन खिन तुम एक उदारण बन गैछा।

1 थिस्सलुनीकियों 2:16

उन हमून गैर-यहूदीन यो बतून है रोकना की कोशिश करून मरैछ्या कि परमेश्वर उनून कसीकैं बचा सकछो और उन पाप में पाप करनै जानान, और अन्त में परमेश्वर उनून सजा द्योलो।

1 थिस्सलुनीकियों 2:7

पर जसीकैं ईजा अपूनी नन्तिना को पालन-पोषण करछी, उसीकैं हमूले तुमार बीच में रैभेरन ऊसोई प्रेम दिखाछ।

1 थिस्सलुनीकियों 5:9

क्याखिनकि परमेश्वरले हमून येक कारण नै चुन रैछ अपून क्रोध ले हमून सजा दे, बल्कि हमून येक कारण चुन रैछ कि हम अपून प्रभु यीशु मसीह की जरियाले मुक्ति पा सका।

2 तीमुथियुस 4:1

जब यीशु मसीह राजा की नियाती राज्य करून खिन आलो, उ ज्यून और मरिन द्वीवै लोगून को न्याय करोलो। येक कारण मैं मसीह और परमेश्वर स गवाह मानभेरन तैस भौत प्रेम ले हुकुम दीछूँ,

तीतुस 2:13

हम इसीकैं ब्यवहार करनू जब हम उ दिनो को इन्तजार करूनमर्यान, जैकी हमून आश छै, उ दीन जब यीशु मसीह, जो हमोरो महान परमेश्वर मुक्तिदाता छै, अपूनी पुरी महिमा का दगाड़ संसार में वापस आलो।

इब्रानियों 10:27

बल्कि, उनून सिर्फ परमेश्वरो को न्याय और भयानक आगा की आश करूनी चैछी जो उन लोगून नाश कर देली जो परमेश्वरो को बिरोध करनान।

इब्रानियों 9:28

उसीकैं, मसीह ले सब लोगून का पापून अपून मलिमें लीभेरन एक बार बलिदान हो ग्यो। जब उ दुबारा आलो तब उ पापून खिन बलिदान हुन खिन नी आलो बल्कि उनून बचुन खिन जो उको इंतजार करून मर्यान।

1 पतरस 1:21

जो केले मसीह ले करिना को छै उक कारण तुम अब परमेश्वर में विश्वास करछा। और तुमूले अपूनो विश्वास और आश परमेश्वर में राखिना की छै किलैकी उले मसीह स मरिनान में भटे ज्यूनो कर दीछ और ऊस महिमा दीछ।

1 पतरस 1:3

हम परमेश्वरो को धन्यावाद करनू, जो हमार प्रभु यीशु को पिता छै, जैले अपूनी बड़ी दया ले हमून एक नय्या जीवन दीछ। किलैकी परमेश्वरेले यीशु मसीह स मरिनान में भटे ज्यून करछ्य, उले हमून निडर होभेरन जीना का काबिल बनाछ; यो कि उन चीजून पाना की पुरी उम्मीद कर सकनू जो उले हमून दीना को वादा करिना को छै।

1 पतरस 2:21

परमेश्वरा का द्वारा तुमून चुनी जाना को यो कारण छै कि उखिन भल काम करभेरन दुखून सहन करा। किलैकी मसीह ले तुमून खिन दुख सहन करिना का छन, उ तुमून खिन एक उदारण छै। येक कारण तुमले ऊसोई काम करा जसो मसीह ले कर्यान।

1 पतरस 3:18

मैं यो कुछूँ कि मसीहले ले हमार पापून का कारण दुख उठाछ और मर ग्यो। उ सिर्फ एक बार मरछ्य और इसो दुबारा करना की जरूरत नाहातिन। उ एक धर्मी आदिमी छ्यो जो पापी लोगून खिन मर ग्यो ताकि उ हमून परमेश्वरा का पास ल्या सको। उनूनले उक शरीर स त मार डालछ्य लेकिन ऊस पवित्र आत्मा का सामर्थ ले फिर ज्यूनो कर दी ग्योछ।

2 पतरस 3:12

इस तरीका ले ब्यवहार करा जसीकैं तुम उ दिना को इन्तजार करून मरेछा जो परमेश्वरेले चुनिना को छै जब मसीह वापस आलो, और उ दिना का जल्दी ऊँन खिन अपून तरफ भटे पुरी कोशिश करा। ऊस दिना, आग भड़कोलो और आकाश स नाश कर द्योलो, और उकी गर्मी आकाश में सब कुछ पिघला देली।

2 पतरस 3:14

येक कारण हे म्यारा विश्वासी भाईयो, जब तुम इन बातुन को हुना को इन्तजार करून मरेछा, येक कारण इसो जीवन जीना की हर तरीका ले कोशिश करा, जो परमेश्वरेस खुश करछो और शुद्ध और बिना दोष का और एक-दुसरा का दगाड़ शान्ति ले र।

प्रकाशितवाक्य 1:18

मैं एक बार मर गैछ्यू। लेकिन अब मैं ज्यूनो छूँ और मैं हमेशा ज्यूनो रूलो। म्यारा पास उ चाँबी छन जो मैंस उ जाग स खोलना की ताकत दीछी जाँ मरिनाका लोग छन और उनून दुबारा है ज्यूना करना की ताकत छै।

प्रकाशितवाक्य 1:7

सुणा, उ बादलून का दगाड़ ऊँनवालो छै; और हरेक आदिमी ऊस देखाला, जो लोग उकी मौत खिन जिम्मेदार छ्या, उन ले ऊस ऊँन देखाला। संसारा का सब लोग जोरले रोला जब उन ऊस देखाला। होई, इसो होलो! आमीन।