1 पतरस 5:4 - सोरियाली नय्या नियम

⁴ जब यीशु मसीह दुबारा वापस आलो, जो कि हमोरो प्रधान ग्वाला का नियाती छै, तब तुमून एक सुन्दर मुकुट दीई जालो जो कभै ले अपूनी चमक नी खोलो।

1 पतरस 5:4 Iomraidhean Croise

यहूना 10:11

मैं एक बड़िया ग्वाला का नियाती छूँ, बड़िया ग्वाला अपून भेड़ून खिन अपूनो जीवन बलिदान कर दीछो।

1 कुरिन्थियून 9:25

जो पहलवान कुश्ती में हिस्सा लीन चानान, उन अभ्यास पैलि करनान और अपून आप में काबू राखनान। उन इसो येक कारण की जीत सका और आदर पा सका। उनोरो आदर करून खिन फुलून ले बनिना की माला दीनान जो लम्बा बखत तक नै रुनि। लेकिन जो हम यीशु मसीह में विश्वास करनू। आदर पाला, और जो आशीष हमून द्याला हमेशा तक बनिना की रौली। येक कारण हमून अपूनी इच्छान में लिप्त नै हुनो चैछो।

2 तीमुथियुस 4:8

अब प्रभु ले मैं खिन ईनाम राखिना को छै, क्याखिनकि मैं इसो जीवन जी छै जो ऊस खुश करछो। हमोरो प्रभु यीशु मसीह जो सच्चाई ले न्याय करछो, उ मैंस उ दिना ईनाम द्योलो जब उ न्याय करून खिन वापस आलो। मगर यो ईनाम सिर्फ मैंस नी द्योलो बल्कि उनून सबून ले जो वफादारी का दगाड़ प्रभु उनाको इंतजार करून मर्यान।

इब्रानियों 13:20

और अब, शान्ति दीन वाला परमेश्वर, हमार प्रभु यीशु मसीह स हमेशा की वाचा का द्वारा ज्यूनो कर दीछ, तुमून उन सब चीजून है भरपूर करौ जिनरी तुमून उकी इच्छा पुरी करून खिन जरूरत छै। यीशु मसीह का सामर्थ के द्वारा उ तुमूनमें उ सब उत्पन्न करौ जो ऊस खुश करछा। यीशु महान वाचा द्वारा भेड़ून को महान ग्वाला बन ग्योछ, जैमें उक खून का द्वारा दसकत करि ग्यान। उकी महिमा हमेशा-हमेशा हुनै रौ। आमीन।

याकूब 1:12

धन्य छै उ आदिमी, जो परीक्षा में मजबूत बनिना को रूछो; क्याखिनकि जब उ परीक्षा स पार कर लीछो त ऊस अनन्त जीवन को मुकुट मिलोलो, जैस दिना को वादा परमेश्वर ले अपून प्रेम करूनवाला लोगून खिन करिना को छै।

1 पतरस 1:4

हम उन निकी चीजून पाना को इन्तजार करनू जो परमेश्वरेले हमून खिन बनाईना का छन। कोई ले कभै उन चीजून को नाश नै कर सकनो। थ्वाड़ा ले उनून खराब नै कर सकनो। उ कभै ले पुरानी या उकी खुबशुरती में कमि नी होलि। परमेश्वरेले उन चीजून स्वर्ग में तुमून खिन राखिना को छै।

1 पतरस 2:25

यैहै पैलि, तुम उन भेड़ून की नियाती छ्या जो गलत बाटा में जान मरैछ्या। लेकिन अब तुम मसीह का पास वापस आ गैछा जो तुमेरि देख-भाल करछो और तुमून में नजर राखछो।

1 पतरस 5:2

जसकैं ग्वाला अपूनी भेड़ून की रखवाली करनान, उसीकैं तुमून ले हर विश्वासी की रखवाली करूनी चैछी जिनून परमेश्वरेले तुमेरि देखभाल में राखिना को छै। यो सेवा स अपूनी इच्छा ले करा, किलैकी परमेश्वर योई चाछो कि तुम इसो करा। इसो सिर्फ येक कारण जन करा किलैकी तुमून इसो करून खिन मजबूर करि ग्योछ, और नै यो काम येक कारण करा कि तुम धन कमून चाँछा लेकिन सिर्फ परमेश्वर और लोगून की सेवा करून खिन करा।

1 यहूना 3:2

हे प्रिय दगड़ियो, अब हम परमेश्वरकि सन्तान छा, और अब तक यो प्रगट नै भ्यो कि भविष्य में हम की बनला, बश हम इतुक जाणनू कि जब उ प्रगट होलो त हम ले उक समान हूँला, क्याखिनकि हम ऊस ऊसो देखला जसो उ छै।

प्रकाशितवाक्य 1:7

सुणा, उ बादलून का दगाड़ ऊँनवालो छै; और हरेक आदिमी ऊस देखाला, जो लोग उकी मौत खिन जिम्मेदार छ्या, उन ले ऊस ऊँन देखाला। संसारा का सब लोग जोरले रोला जब उन ऊस देखाला। होई, इसो होलो! आमीन।

प्रकाशितवाक्य 2:10

उन दुखून भटे जन डर जो तैंस मिलाला। शैतान तुम में भटे थ्वाड़ा लोगून जेलखान में डालून वाला छै ताकि उ तुमेरि परीक्षा कर सको। तुम दस दिनून तक भौत मुसीबतून में रौला। पर मैंमें विश्वास करूनो कभै नी छोड़ला, चाहे तुमून मरनोई क्याखिन नै पड़ो, किलैकी मैं तुमून तुमेरि जीत को ईनामा का रूप में अनन्त जीवन द्यूलो।

प्रकाशितवाक्य 3:11

मैं जल्दी ऊँनवाला छूँ; येक कारण जो विश्वास तेरो मैंमें छै, ऊस कभै जन छोड़े, ताकि कोई ले तेरो मुकुट छड़ा नै ले।