1 पतरस 5:3 - सोरियाली नय्या नियम

³ जिन लोगून की जिम्मेदारी परमेश्वरेले तुमून दी रैछ, उनूनमें अधिकारीन का नियाती अपूनो अधिकार जन जता, बल्कि उनून खिन एक निको उदारण बना।

1 पतरस 5:3 Iomraidhean Croise

यहूना 13:15

क्याखिनकि मैंले तुमून नमूना दिखाछ, कि जसो मैंले तुमार दगाड़ करछै, ऊसोई तुमूले करा।

प्रेरितून का काम 20:28

तुम सब लोग अपूनो ख्याल राखा और उ दलको ले जैक देख-भाल करून खिन पवित्र आत्मा ले तुमून चुन रैछ। की तुम परमेश्वरा का विश्वासीन की सबै मण्डलीन की देख-भाल करा जैस यीशु ले खुद अपूनो खून दीभेरन छुड़ै रैछ।

1 कुरिन्थियून 11:11

त, अगर हम विश्वासी करूनवाला लोगून की बात करनू, त नै स्यैनि आदिमी भटे अलग छै, और नै आदिमी स्यैनि भटे अलग छै।

1 कुरिन्थियून 3:5

आखिर में केवल मैं पौलुस और अपुल्लोस द्वीवै सेवक छा, जिनारा द्वारा तुम लोगून ले मसीह में विश्वास करछ्य, हमून में भटे हरेक ले उई काम करछ्य जो परमेश्वरे ले हमून करून खिन दीछ।

1 कुरिन्थियून 3:9

क्याखिनकि हम परमेश्वरा का काम करूनवाला दगड़िया छा, और कुरिन्थक विश्वासीयो तुम एक बगीचाक नियाती छा, जो परमेश्वरो को छै, और मैं तुमेरि इस घराक नियाती तुलना करून मरयूँ जैस परमेश्वर बनूछो।

2 कुरिन्थियून 1:24

येको मतलब यो नाहातिन कि हम तुमार विश्वास में अपूनो अधिकार जतुनू, किलैकी तुम अपून विश्वास में मजबूत बनिना का रूछा। लेकिन हम त तुमेरि खुशी में शामिल हो।

2 कुरिन्थियून 4:5

किलैकी हम अपूनास नै, लेकिन यीशु मसीह को सुसमाचारो को प्रचार करनू, कि यीशु मसीह प्रभु छै, और अपून बारिमें यो कुंनान कि हम यीशु का कारण तुमार सेवक छा।

फिलिप्पिन 3:17

हे प्रिय दगड़ियो, तुम सब मिलभेरन म्योरो जसो ब्यवहार करा, और उनून पछ्याण, जो इसा प्रकारो को ब्यवहार करनान जको उदारण हमून में पाछा।

फिलिप्पिन 4:9

तुम लोगून ले मैंथैं सिखछै, ग्रहण करछ्य, सुणछै और मैंमें देखछै, उनार अनुसार चला, तब शान्ति को परमेश्वर तुमार दगाड़ रलो।

1 थिस्सलुनीकियों 1:7

और जैको परिनाम यो भ्योछ, कि तुम मकिदुनिया और अखया प्रदेशून का सब विश्वासीन खिन तुम एक उदारण बन गैछा।

2 थिस्सलुनीकियों 3:9

हमूले कड़ी मेहनत करछ्य, येक कारण नै कि हमार पास अधिकार नी छ्यो कि तुमूनथैं अपूनी मद्दत करून खिन कै सका। येक कारण कि अपून आपस तुमून खिन आदर्श ठैराछ, कि तुम हमार जसा बना।

1 तीमुथियुस 4:12

इसीकैं ब्यवहार कर की कोई तेरो अनादर नै करौ, लेकिन तैंस अपून बोल-चाल में, निका ब्यवहार का दगाड़, प्रेम ले, मसीह का विश्वासा का दगाड़, पवित्रता को जीवन जीना का द्वारा विश्वासी लोगून खिन आदर्श बनूनो चैछो।

तीतुस 2:7

तैंस हमेशा भल काम करून चैछो, ताकि तैं दुसारा लोगून खिन उदारण बनौ। जब तैं विश्वासीन परमेश्वरा का बारिमें सिखूछै, त तैंस निका इरादा ले सिखून चैछो, जैले लोग तेरो आदर कर सकून।

1 पतरस 2:9

लेकिन तुम इसा नाहातिन किलैकी तुम परमेश्वरा का चुनिना का लोग छा तुम परमेश्वरा का याजक छा, जो राजा छै, तुम परमेश्वर की सेवा करून खिन समर्पित छा और तुम परमेश्वरा का खास लोग छा। किलैकी उले तुमून अन्यार में भटे भ्यार अपून अद्धभुत उज्याल में बुलाईना का छा, ताकि तुम परमेश्वरा का अद्धभुत कामून का बारिमें बता सका।