1 पतरस 4:8 - सोरियाली नय्या नियम

⁸ सबून है ठूली बात यो छै कि एक-दुसारा से ईमानदारी ले प्रेम करा किलैकी अगर तुम लोगून प्रेम करछा, त तुम हमेशा कोई ले गलत काम स माफ करून खिन तैयार रौला, जो उनूनले कर्यान।

1 पतरस 4:8 Iomraidhean Croise

1 कुरिन्थियून 13:1

अगर मैं आदिमीन और स्वर्गदूतून की भाषा में बोलू, और दुसरा थैं प्रेम नै राखू, त म्येरो बोलूनो ठनठनून वाला पीतल, और झनझनून वाली झाँझ की जसी छै।

1 कुरिन्थियून 13:4

जो लोग दुसरा थैं प्रेम राखनान, उ धैर्य ले और दया दगाड़ काम करनान, उनून जलन नै हुनी, उन अपूनी बड़ाई नै करना और नै अपून बारिमें घमण्ड करना।

कुलुस्सियून 3:14

लेकिन सबून है ठूली बात यो छै, कि आपस में एक दुसरा थैं प्रेम भाव राँखा। इसो करभेरन तुम पुर तरीका ले एकजुट हो जाला।

1 थिस्सलुनीकियों 3:12

और हम यो ले प्रार्थना करनू कि प्रभु इसो करौ कि, जसो हम तुमून प्रेम करनू, ऊसोई तुम ले एक-दुसारा स प्रेम करा, और सब लोगून में तुमार प्रेम बढ़नै जौ।

2 थिस्सलुनीकियों 1:3

हे म्यारा विश्वासी भाईयों, तुमार बारिमें हमून हमेशा परमेश्वरो को धन्यवाद करून चैछो। इसो करूनो ठीक ले छै, क्याखिनकि तुमोरो विश्वास यीशु मसीह में बढ़नै जानमर्योछ, और एक-दुसारा खिन ले तुमोरो प्रेम बढ़नै जानमर्योछ।

1 तीमुथियुस 1:5

तुमून हुकुम दीना को म्योरो यो मक्शद छै, कि तुम एक-दुसरा स सच्चा मन ले प्रेम करा, और साफ जमीर और सच्चा विश्वास ले उत्पन्न हो।

इब्रानियों 13:1

आपस में भाई-बैनिन की नियाती एक-दुसरा से प्रेम करनै रौ।

याकूब 5:12

लेकिन हे म्यारा प्यारा दगड़ियो, सबून है ठूली बात यो छै, तुम कसम जन खाया; नै त स्वर्ग कि और नै धरती की और नै कोई और चीजून की, पर तुमेरि बात हाँ कि हाँ और ना की ना हो, ताकि तुम परमेश्वरा का द्वारा दोषी जन ठैहरा।

याकूब 5:20

त तुमून यो पत्तो हुन चैछो, कि जो कोई भटकिना का पापी स सच्चाईक बाट में फिर वापस लियूछो, त उ एक आत्मा स नरक की मौत भटे बचूछो, और परमेश्वर उक भौत पापून माफ करोलो।

1 पतरस 1:22

किलैकी सच्चाई स मानना का द्वारा तुम शुद्ध करि गैछा अब तुमून अपून दगड़िया विश्वासी भाईन का दगाड़ प्रेम करूनो चैछो। येक कारण एक-दूसार स पुर मन ले प्रेम करून जारी राखा।

3 यहूना 1:2

प्रिय मित्र, मेरि यो प्रार्थना छै; कि जसो तेरो आत्मिक जीवन बढून मर्योछ, उसीकैं तैं सब बातुन में बढ़नै रौ, और तैं भलो चंगो रौ।