1 पतरस 4:6 - सोरियाली नय्या नियम

⁶ योई कारण छै कि मरिनाका लोगूनले ले मसीह का बारिमें सुसमाचार सुणछ्य। उनार शरीरून ले सब लोगून की नियाती मरून पड़छ्य, लेकिन अब उन आत्मा में हमेशा परमेश्वरा का दगाड़ रूनान।

1 पतरस 4:6 Iomraidhean Croise

मत्ती 24:9

तब उन लोग तुमोरो बिरोध करभेरन तुमून पकड़वा द्याला, और मार डालला, क्याखिनकि तुम मैंमें विश्वास करछा, येक कारण सब जातिन का लोग तुमून देखभेरन घृणा कराला।

रोमियून 8:2

पवित्र आत्मा जो मसीह यीशुक तरफ भटे उछो और तुमून जीवन द्योलो और तुमून पाप और मौत भटे मुक्त करोलो।

गलातियों 2:19

मैं समझछूँ कि मूसा का नियम-कानून का पालन करूना का द्वारा मैंस धर्मी ठैहराई नै जा सकनू। येक कारण मैं इसो मानछूँ कि मैं मूसा का नियम-कानून का बारिमें मर गयूँ ताकि मैं परमेश्वर खिन ज्यूनो रै सकूँ।

गलातियों 5:25

हमून नय्या जीवन पवित्र आत्मा का तरफ भटे मिलछो, और येक कारण हमून पवित्र आत्मा का अनुसार अपूनो जीवन जीनो चैंछो।

1 पतरस 1:12

लेकिन परमेश्वरेले इन संदेश दीन वाला लोगून बताछ कि उनार संदेश खुद अपून खिन नै बल्कि तुमून खिन छ्या। उ संदेश यीशु मसीह का बारिमें सुसमाचार छै जो तुमूनले अब सुणछ्य। परमेश्वरेले स्वर्ग भटे अपूनो पवित्र आत्मा भेजछ्य कि तुमून सुसमाचार प्रचार करून में लोगून की मद्दत करौ। यो सब इतुक अद्धभुत छै कि याँ तक कि स्वर्गदूत ले उत्सुकता ले इन बातुन हुन देखून मर्यान।

1 पतरस 3:18

मैं यो कुछूँ कि मसीहले ले हमार पापून का कारण दुख उठाछ और मर ग्यो। उ सिर्फ एक बार मरछ्य और इसो दुबारा करना की जरूरत नाहातिन। उ एक धर्मी आदिमी छ्यो जो पापी लोगून खिन मर ग्यो ताकि उ हमून परमेश्वरा का पास ल्या सको। उनूनले उक शरीर स त मार डालछ्य लेकिन ऊस पवित्र आत्मा का सामर्थ ले फिर ज्यूनो कर दी ग्योछ।

1 पतरस 3:19

तब उकी आत्मा ले जाभेरन उन आत्मान सुसमाचार सुणाछ, जो उ जाग में परमेश्वरा का द्वारा कैद करिना का छ्या, जाँ मरिनाका लोगून की आत्मा छन।

प्रकाशितवाक्य 14:18

तभै मैंले एक आजि छयूं स्वर्गदूत स देखछ्य जो, जो वेदी में आगा ले धूप जलूना को जिमेदारी निभूछो। उले जोर-जोरले चिल्ला भेरन उ स्वर्गदूत थैं जैका पास धारदार आँसी छी उ क्योछ, “धरती में अंगूरा का गुच्छा पाक ग्यान! उनून अपून आँसी ले काट ले।”