1 पतरस 4:5 - सोरियाली नय्या नियम

⁵ लेकिन एक दिन उन जरूर परमेश्वरा का सामुनि न्याय खिन ठाड़ होला, और परमेश्वर उनूनमें भटे हरेक स उनार द्वारा धरती में करिना का कामून का बारिमें पुछोलो। परमेश्वर ज्यूना और मरिनाका लोगून को न्याय करोलो।

1 पतरस 4:5 Iomraidhean Croise

मत्ती 12:36

और मैं तुमूनथैं कुंछू कि जो-जो बुरी बात आदिमी कुंनान, न्याय का दिन उन हर एक बातुन को हिसाब द्याला।

लूका 16:2

तब उले मुन्सीस बुलाभेरन क्योछ, यो कि छै जो मैं त्यार बारिमें सुणून मरयूँ? तैं म्यारा सम्पत्ति को हिसाब-किताब दे; क्याखिनकि तैं अघिल कै मुन्सी नै रै सकनै।

प्रेरितून का काम 10:42

और उले हमून हुकुम दीछ, कि सब लोगून में प्रचार करा और गवाही दीया, कि यीशु उई छै जैस परमेश्वरे ले ज्यून और मरिना को न्याय करन खिन ठैरा रैछ।

प्रेरितून का काम 17:31

परमेश्वर ले एक दिन ठैरा रैछ, “जै दिन उन पैलि भटे अपून ठैराईनाका उ च्यालाक जरियाले धरतिक धर्मोको न्याय करला। जैस उनूनले यो काम खिन ठैरा रैछ, और ऊस मरिन में भटे दुबाँरा ज्यून करभेरन अपून यो बातोको सबूत लै दी राखछ्य।”

रोमियून 14:9

क्याखिनकि यीशु मसीह येक कारण मर्यान और फिर ज्यून ले भ्यान, उ उई छै जैस ज्यून और मरिनाका द्वीवै लोग प्रभु स्वीकार करनान।

2 तीमुथियुस 4:1

जब यीशु मसीह राजा की नियाती राज्य करून खिन आलो, उ ज्यून और मरिन द्वीवै लोगून को न्याय करोलो। येक कारण मैं मसीह और परमेश्वर स गवाह मानभेरन तैस भौत प्रेम ले हुकुम दीछूँ,

याकूब 5:9

हे म्यारा प्यारा दगड़ियो, एक दुसरा में दोष जन लगा, ताकि तुम दोषी नै ठैरा, देखा, न्याय करून वालो उन खिन तैयार छै।