1 पतरस 4:2 - सोरियाली नय्या नियम

² जैको नतीजा यो छै कि उ आदिमी अपून पुर जीवन यो धरती में अपून पापी स्वभाव का अनुसार नी जिलो। लेकिन उ उई करोलो जो परमेश्वर चाछो कि उ करो।

1 पतरस 4:2 Iomraidhean Croise

मत्ती 12:50

किलैकी जो कोई ले म्यारा स्वर्गीय पिता इच्छा में चलछो, उई म्येरो भाई और मेरि बैनि, और मेरि ईजा छै।”

मत्ती 20:4

और उनूनथैं क्योछ, ‘तुमूले म्यारा अंगूर का बगीच में जा, जो ठीक होलो उ मजूरी तुमून ले द्यूलो। तब उन ले काम करून खिन जानान।

मत्ती 21:31

यीशु ले उनूनथैं पुछछै, इन द्वीवै च्यालान में भटे केले अपून बबा की बात मानछ्य?” उनूनले यीशुथै क्योछ, “पैला ले।” फिर यीशु ले उनूनथैं क्योछ, “मैं तुमूनथैं सच्ची कुछूँ कि चुंगी लिनवाला और बेश्या तुमून है पैलि परमेश्वरा का राज्य में प्रवेश करला।

मत्ती 7:21

जो मैंथैं, ‘हे प्रभु! हे प्रभु!’ कुंनान उनूनमें भटे हरेक स्वर्ग का राज्य में नी जान पालो, लेकिन उई जान पालो जो म्यारा स्वर्गीय पिता की इच्छान में हिटछो।

मरकुस 3:35

जो लोग परमेश्वर की इच्छा में चलाला, उन म्यार भाई, मेरि बैनि और मेरि ईजा छन।”

मरकुस 7:21

क्याखिनकि भितर है, मतलब आदिमी का मन भटे बुर-बुर बिचार, ब्यभिचार, चोरी, हत्या, परस्त्रीगमन,

यहूना 1:13

उ नै त ईजा-बबा का इच्छा ले, नै शरीराक इच्छा ले, और नै एक आदिमी संतान प्राप्ती का इच्छा ले, लेकिन परमेश्वर की इच्छा उत्पन्न होईना का छै।

यहूना 7:17

अगर कोई आदिमी परमेश्वर की मरजी में चलून चाछो, त उ यो उपदेशा का बारिमें जाणि जालो कि यो परमेश्वरा का तरफ भटे छै, या मैं अपून तरफ भटे कुछूँ।

रोमियून 12:2

और यो संसाराक लोगून का नियाती जन बना, लेकिन तुमार मनाका पुर बदल जाना ले तुमोरो चाल-चलन ले बदलतनै जौ, कि जेलै तुम परमेश्वर की निकी और ग्रहणयोग्य, और सिद्ध इच्छाकी खोज करनै रौ।

रोमियून 14:7

हम सब प्रभु का छा। येक कारण, हमोरो जीवन में और हमरि मौत में, हमून ऊस खुश करून चैंछो खुद स नै।

रोमियून 6:11

इसोई तुम लोग ले अपून आपस पापे की शक्ति खिन मरिना को समझा, लेकिन मसीह यीशु में परमेश्वरे की सेवा खिन ज्यून समझा।

रोमियून 6:2

नै! बिलकुल ले नै। अब जब हम पाप खिन मर ग्या, अब हम कसकैं पाप में जीन्दगी बिता सकनू?

रोमियून 7:4

त हे म्यारा विश्वासी भाईयों, जब तुम मसीह का दगाड़ मर गया, त तुम नियम-कानून का अधिकार खिन ले मर गया। अब तुम मसीहक छा जो मरिना भटे ज्यून हो ग्यो ताकि तुम परमेश्वर खिन फलदाई जीन्दगी जी सकां।

2 कुरिन्थियून 5:15

और येक कारण मसीह सब खिन मरछ्य, उन अघिलकैं खुद स खुश करून खिन नै जीन पर उनून मसीह खिन जीन चैछो। मसीह उनून खिन मरछ्य और पिता परमेश्वरेले ऊस ज्यूनो करछ्य।

इफिसियून 2:3

हम ले उनेरि नियाती जीन्दगी जी छ्या, और अपून पापी आदतून की इच्छान पुरो करछ्या, और जो ले हमरि बुरी इच्छा और बिचार हमून थैं करून चाँछ्या हम उक अनुसार जीन्दगी जी छ्या और दुसारा लोगून की नियाती आदतून ले बुरा छ्या, और परमेश्वरा को क्रोधा का बश में छ्या।

इफिसियून 4:17

येक कारण उ अधिकार का दगाड़ जो प्रभु ले मैंस दी रैछ, मैं तुमून यो बतूछूँ कि, तुम अविश्वासी लोगून का नियाती बेकारा का बिचारून का दगाड़ अपूनी जीन्दगी जन जीया।

इफिसियून 5:17

येक कारण मूर्ख जन बना, लेकिन यो जाणनान की कोशिश करभेरन बुद्धिमान बना कि प्रभु तुमूनथैं कि करून चाछो।

इफिसियून 6:6

तुमून हर बखत अपून मालिकून को हुकुम मानूनो चैछो, उई बखत नै जब उ तुमून देखछो। बल्कि, मसीह का दासून का नियाती बना, जो अपून पुर मन ले उई करछो जो परमेश्वर चाछो कि उन करून।

कुलुस्सियून 1:9

येक कारण जे दिन भटे हमून ले सुण रैछ, त हम उ दिन भटे हमेशा तुमून खिन प्रार्थना और बिनती करनै रूनू, कि परमेश्वरो को आत्मा तुमून ज्ञान और समझ दे ताकि तुम परमेश्वर की इच्छा पुरी तरीका ले समझ सका।

कुलुस्सियून 3:3

क्याखिनकि तुम त अपून पापी स्वभाव में मर गैछ्या, और तुमोरो नय्या जीवन मसीह का दगाड़ परमेश्वर में लुकीना को छै।

कुलुस्सियून 4:12

इपफ्रास, जो तुमार या को छै, और यीशु मसीह को दास छै, तुमून नमस्कार करछो। और हमेशा तुमून खिन लगातार प्रार्थना करछो, जेले तुम लोग सब बातुन में सिद्ध होभेरन पुर विश्वास का दगाड़ परमेश्वर की इच्छा में मजबूत रौ।

1 थिस्सलुनीकियों 5:18

हरेक हालात में परमेश्वरो को धन्यवाद करा, क्याखिनकि मसीह यीशु में तुमून खिन परमेश्वर की यो इच्छा छै।

याकूब 1:18

उले अपूनी इच्छाक अनुसार हमून सच्चाई का बचनाक द्वारा नय्या जीवन दी रैछ, ताकि हम परमेश्वरा का द्वारा बनाईनाक हरेक चीज में सबून है खास हिस्सा छा, जसो कि फसलो को पैलो हिस्सा हुछो।

1 पतरस 1:14

परमेश्वरा का हुकुमून को पालन करा जसीकैं निका नान्तिना अपून बबा का हुकुमून माननान। उन बुरा कामून जन करा जिनून तुम तब करना की इच्छा राखछ्या, जब तुम परमेश्वरा का सत्य स नी जाण छ्या।

1 पतरस 2:1

येक कारण, हर प्रकारा का बुरा ब्यवहार भटे छुटकारा पा। दुसरान ध्वाका जन दी, कपटी जन बना। दुसरान है जलन जन राखा। दुसरा लोगून का खिलाफ बुरी बात जन करा।

1 यहूना 2:17

संसार और उकी अभिलाषा द्वीवै खतम हो जाला, लेकिन जो परमेश्वर की इच्छा स पुरी करछो, उ हमेशा उमें बनिना को रौलो।