1 पतरस 3:9 - सोरियाली नय्या नियम

⁹ बुराईक बदला बुराई जन करा और नै गाली का बदला गाली दी; लेकिन येका बदला आशीष दी। किलैकी परमेश्वरेले तुमून येक कारण बुला रैछ ताकि तुम दुसरान आशीष दी सका। अगर तुम इसो करछा त परमेश्वर ले तुमून आशीष द्योलो।

1 पतरस 3:9 Iomraidhean Croise

मत्ती 19:29

यीशु उनूनथैं क्योछ, मैं तुमूनथैं कुछूँ, कि इसो कोई नाहातिन जेले सुसमाचार खिन अपूनो घर-बार, ईजा-बबा, भाई-बैनि, बाल-बच्चान या गाड़ा-भीड़ सुसमाचार खिन छोड़िना को हो तो सौ गुना ज्यादा पाल, और उ अनन्त जीवन ले पाल।

मत्ती 25:34

तब प्रभु अपून दैन तरफ वालान थैं कलौ, ‘हे म्यारा स्वर्गीय पिता धन्य लोगो, आ, उ राज्य का अधिकारी होज्या, जो संसारा का पैलि भटे तुमून खिन तैय्यार करिना को छै।

मत्ती 5:39

लेकिन में तुमूनथैं कुछूँ कि बुर आदिमी जसो जन कर्या, बल्कि जो कोई त्यारा दैन गाल में थप्पड़ मरो, उक तरफ दुसोरो गाल ले कर दीये।

मत्ती 5:44

लेकिन मैं तुमूनथैं यो कुछूँ कि अपून बैरी का दगाड़ प्रेम राखा और अपून सतून वालान खिन प्रार्थना करा,

मरकुस 10:17

जसीकैं यीशु अपून शिष्यून का दगाड़ बाट में जान देखना, तब उ बखत एक आदिमी दौड़भेरन उक पास आछ, और उक सामुनि ऊस आदर दीन खिन गिर पड़छ्या, और कुन लागछ्य, “हे गुरू जी, मैं कि काम करूँ जेले मैंस परमेश्वर अनन्त जीवन द्योलो।”

लूका 10:25

एक दिन जब यीशु लोगून शिक्षा दीन मरेछ्या, तब मूसा का नियम सिखून वाला में भटे एक आदिमी ले यीशुस परीक्षा लीन खिन पुछ्छै, गुरू जी मैं कि काम करूँ, जेले मैंस परमेश्वर अनन्त जीवन द्योलो?

लूका 18:18

फिर एक अधिकारी ले यीशु थैं पुछ्छै “सच्चा गुरू, मैं कि काम करूँ जेले मैंस परमेश्वर अनन्त जीवन द्योलो?”

रोमियून 12:14

अपून सतून वालान आशीष दी, लेकिन श्राप जन दीया।

रोमियून 12:17

बुराईक बदाला बुराई जन कर्या, जो बात सब लोगून खिन निकी छन उनेरि चिन्ता करा।

रोमियून 8:28

हम जाणनू कि जो लोग परमेश्वरा का दगाड़ प्रेम राखनान, उन लोगून खिन सब बात मिलभेरन निको अंत ल्यूछो। और उकी इच्छा का अनुसार चुनी ग्यान, परमेश्वर उनेरि भलाई खिन सबै बातुन में उनेरि मद्दत करछो।

रोमियून 8:30

उले जिनून पैलि भटे तय करि ग्योछ, उनून चुन लीछ, और जिनून परमेश्वर ले बुलाछ, और जिनून परमेश्वर ले धर्मी ले ठैहराछ, उनार दगाड़ अपूनी महिमा स बांणी छै।

गलातियों 3:14

मसीह ले इसो येक कारण करछय, कि अब्राहम की आशीष जैस दीना को वादा परमेश्वरे ले करिना को छ्यो, यीशु मसीह में गैर-यहूदी लोगून तक पुजौ, और हम यीशु मसीह में विश्वास करना का द्वारा उ पवित्र आत्मा स पाभेरन, ऊस हमून दीना को वादा परमेश्वरले करिना को छै।

इफिसियून 4:32

एक दुसरा में दया, और दयालु हो, और जसीकैं परमेश्वर ले मसीह में तुमार अपराध माफ करि ग्यान, उसीकैं तुमले एक दुसरा का अपराध माफ करा।

1 थिस्सलुनीकियों 5:15

ध्यान राँखा, कि तुम बुराईन का बदला बुराई जन करा; पर हरेक विश्वासीन और सब लोगून खिन हमेशा भलाई काम करून तैयार रौ।

इब्रानियों 12:17

तुम जाणछा, कि जब उले बाद में अपून बबा इसहाक थैं आशीष पान चाछ, त ऊस नै दी ग्यो, और आँसू बगा भेरन ले उ, उ आशीष स अपून हिस्सा में नै कर पायो।

इब्रानियों 6:14

“मैं सच्ची में तैंस भौत आशीष द्यूलो, और त्येरा वंश को बढ़ूनै जूलो।”

1 पतरस 5:10

परमेश्वर जो पुर तरीका ले अनुग्रह ले भरिनाका छन, उले हमून मसीह का दगाड़ हमार रिश्ताका कारण स्वर्ग में उकी अनन्त महिमा में सहभागी हुनखिन हमून बुला रैछ। तुमार थ्वाड़ा बखत खिन दुख सहन करना का बाद, परमेश्वर तुमून मजबूत करोलो, ताकि तुमोरो विश्वास मजबूत हो, और डगमगून वाला नै हो।