1 पतरस 3:4 - सोरियाली नय्या नियम

⁴ तुमून अपनास इसा ब्यवहार ले सुन्दर बनूनो चैछो जो बदलनो नै, मतलब एक विनम्र और शांत स्‍वभाव, जो कि परमेश्वर खिन भौत अनमोल छै।

1 पतरस 3:4 Iomraidhean Croise

मत्ती 11:29

म्येरो जुवा अपून मलि में उठा ली, मैथैं सिखा, किलैकी मैं नम्र और मन में दीन छूँ; और तुम अपून मन में आराम पाला।

मत्ती 21:5

“यरूशलम शैहरा का लोगूनथैं कौ, देख! तुमोरो राजा तुमार पास उन मर्योछ; उ नम्र छै, और गधा में बैठिना को छै; बल्कि गधा का बच्चा में बैठभेरन त्यारा पास उछो।”

मत्ती 23:26

हे अन्धा फरीसी लोगों, पैलि तुमून लालची और स्वार्थी हुन बंद कर दिन चैछो। तब तुम उई कर पाला जो धर्मी छै। उ एक इसा ब्याला का नियाति होलो जो भ्यार और भितर द्वीवै तरफ साफ हो। तब तुम उई कर पाला जो पवित्र छै। एक इसी थाली की नियाति होलि जो भ्यार और भितर द्वीवै जागान साफ हो।

मत्ती 5:5

धन्य छन उन, जो नम्र छन, क्याखिनकि उन धरतीका अधिकारी होला।

लूका 11:40

हे मूर्खो, जेले भ्यार हिस्सा बनाछ, क्या उले भितरो को हिस्सा नै बनायो?

लूका 16:15

यीशु ले उनूनथैं क्योछ, तुम त आदिमीन का सामुनि अपून-आपस धर्मी ठैरूछा लेकिन परमेश्वर तुमार मनेंस जाणनान, क्याखिनकि जो चीज आदिमीन की नजरून में भौत कीमती छै, उ परमेश्वरा का नजरून में घृणित छै।

रोमियून 1:23

उनूनले हमेशा ज्यून रूनवाला परमेश्वरे की महिमा छोड़भेरन, नाशवान लोगून, और चिड़ियान, चौपायों और रेगुन वाला जन्तुन कि मूर्तिन की अराधना करछ्य।

रोमियून 2:29

लेकिन एक सच्चो यहूदी उई छै, जैको मन परमेश्वरा का दगाड़ सही छै और सच्चो खतना केवल मूसा का नियम-कानून मानून नाहातिन, पर मनोको बदलून छै जो की परमेश्वरे की आत्मा का द्वारा हुछो, इसा लोगून की महिमा लोगून का द्वारा नै लेकिन परमेश्वरे की तरफ भटे हुछी।

रोमियून 6:6

किलैंकी हम जाणनू की हमार पापी स्वभाव मसीह का दगाड़ सूली में चढ़ाई ग्यो, ताकि हमार शरीर में पापी स्वभाव नाश हो जौ, और हम अघिलकैं पाप का बश में नै रौ।

रोमियून 7:22

क्याखिनकि मैं अपून पुर मनेले परमेश्वरा का नियम-कानून ले भौत खुश रूछूँ।

2 कुरिन्थियून 10:1

मैं पौलुस, मसीह की नम्रता और दया का कारण तुम लोगून थैं यो बिनती करून मरयूँ। मैंथैं कुछ लोग कुंनान कि जब मैं तुमार दगाड़ हुछूँ त डरफोक लागछूँ, लेकिन जब मैं दूर हुछूँ त तुमार दगाड़ सख्ती ले पेश ऊँछूँ।

2 कुरिन्थियून 4:16

येक कारण हम हिम्मत नै हारना; हमोरो भ्यारो को इन्सानी रूप त कमजोर हुनै जा मर्योछ लेकिन हमार भितर आत्मा हर-रोज नय्या हुनै जानमरैछ।

गलातियों 5:23

इसा तरीका का निका स्वभाव का गुणून में पाबन्दी लगून खिन नियम-कानून नाहातिन।

इफिसियून 4:2

और पुरी दीनता और नम्रता, और धीरज राखभेरन प्रेम ले एक दुसरा का ब्यवहार स सहन करा।

कुलुस्सियून 3:12

येक कारण परमेश्वर ले तुमून अपून पवित्र लोग हुन खिन चुनिना को छै और तुमून प्रेम करछो, भौत करूणा, और भलाई, और दीनता, और भौत नम्र स्वभाव और खुद में सहन करना की ताकत राँखा।

कुलुस्सियून 3:3

क्याखिनकि तुम त अपून पापी स्वभाव में मर गैछ्या, और तुमोरो नय्या जीवन मसीह का दगाड़ परमेश्वर में लुकीना को छै।

1 थिस्सलुनीकियों 4:11

जसीकैं हमूले तुमून हुकुम दी रैछ, उसीकैं तुमून शान्तिपूर्वक ले जीवन जीनो चैछो, और अपून-अपून काम-काज में लाग रौ, और मेहनत करभेरन कमूना की कोशिश करा।

2 थिस्सलुनीकियों 3:12

इसान हम प्रभु यीशु मसीह का अधिकार ले हमून दीनू और समझुनू, कि शान्ति ले काम करभेरन अपून जीन्दगी का जरूरतून पुर करा।

1 तीमुथियुस 2:2

राजान खिन और उन सब अधिकारी लोगून खिन प्रार्थना करा, ताकि उन हमून शान्ति और सुरक्षा ले रून में हमरि मद्दत करून, ताकि हम परमेश्वर की अराधना कर सका और दुसरा का दगाड़ बड़िया ब्यवहार राख सका।

2 तीमुथियुस 2:25

और जो लोग बिरोध करनान, उनुस उले भौत प्रेम ले समझून चैछो, हो सकछो शायद परमेश्वर उनून पापून भटे मन फिरूना को और मसीह का बारिमें सच्चाईस जाणना को मौका दे।

तीतुस 3:2

कैकी बदनामी जन कर, झगड़ालू नै हो, और शान्त आदत को हो, और सब लोगून का दगाड़ भौत दयालु बनभेरन रौ।

याकूब 1:21

येक कारण मनोको पुरो मैल और बैर-भाव की बढ़ती स दूर करभेरन, उ परमेश्वरा का बचन स नम्रता ले ग्रहण कर ली, जो तुमार दिल में डाली ग्योछ, उई तुमार प्राणून बचा सकछो।

1 पतरस 1:23

तुमून एक-दुसरा स प्रेम करूनो चैछो किलैकी तुमून परमेश्वरा का तरफ भटे एक नय्या जीवन मिलीना को छै। तुमून यो जीवन कोई इसा चीज का द्वारा नै मिल र्यो, जो नाश हो जालो लेकिन उ चीज का द्वारा जो हमेशा बनिना की रौली। मतलब, हमून यो नय्या जीवन परमेश्वरा का जीवित और अनन्त वचन ले मिलीना को छै।

1 पतरस 3:15

बल्कि तुमून मसीह स प्रभु जाणभेरन अपून जीवन में उकी अराधना करूनी चैछी। अगर कोई उ आश का बारिमें के पुछो, जो हम सब विश्वासी हुना का नाता आपस में साझा करनान, त हमेशा ऊस समझून खिन तैयार रौ, और इस तरीका ले ब्यवहार करा कि तुम दोषी महसूस जन करा और हमेशा उई करा जो सही छै। फिर अगर लोग तुमार खिलाफ बुरा बोलनान, त उनी शर्मिदा होला जब उन मसीह का दगाड़ तुमार सम्बंध का कारण तुमार निका ब्यवहार स देखाला।