1 पतरस 2:9 - सोरियाली नय्या नियम

⁹ लेकिन तुम इसा नाहातिन किलैकी तुम परमेश्वरा का चुनिना का लोग छा तुम परमेश्वरा का याजक छा, जो राजा छै, तुम परमेश्वर की सेवा करून खिन समर्पित छा और तुम परमेश्वरा का खास लोग छा। किलैकी उले तुमून अन्यार में भटे भ्यार अपून अद्धभुत उज्याल में बुलाईना का छा, ताकि तुम परमेश्वरा का अद्धभुत कामून का बारिमें बता सका।

1 पतरस 2:9 Iomraidhean Croise

मत्ती 4:16

परमेश्वर स जाणै बिना अन्यारा में रून वाला लोगून एक तेज उज्यालो देखाला। यो उज्यालो उन लोगून मुक्ति का मार्ग दिखालो जो परमेश्वर स जाणै बिना जीवन बितूनान और अनन्तकाल का मौता का बाटा में छन।”

मत्ती 5:16

उसीकैं तुमार उज्यालो लोगून का सामुनि चमको कि उन तुमार भल कामून देखिभेरन तुमार बबा जो स्वर्ग में छै, उकी तारीफ करून।

लूका 1:79

पाप में जीन्दगी जीन वालान और मौत का खतरा में बैठन वालान उज्यालो द्योलो, और यो उज्यालो हमार जीन्दगी स ठीक बाटा में लिजालो।”

यहूना 17:19

और उनार फैद खिन मैं अपून आपस अलग करछूँ, ताकि उन ले सत्य का द्वारा पवित्र करि जून।

प्रेरितून का काम 20:28

तुम सब लोग अपूनो ख्याल राखा और उ दलको ले जैक देख-भाल करून खिन पवित्र आत्मा ले तुमून चुन रैछ। की तुम परमेश्वरा का विश्वासीन की सबै मण्डलीन की देख-भाल करा जैस यीशु ले खुद अपूनो खून दीभेरन छुड़ै रैछ।

प्रेरितून का काम 26:18

कि तैं उनार आँखान खोल, ताकि उनून अन्यारा में भटे निकालभेरन उज्याला तरफ उन, और शैतान का अधिकार भटे परमेश्वरा का तरफ उन, तब परमेश्वर उनार पापून माफ कराला, और उन लोगून का दगाड़ बिरासत पाला जो मैंमें विश्वास करना क द्वारा पवित्र करि ग्यान।

प्रेरितून का काम 26:28

यो सुणिभेरन राजा अग्रिप्पा ले पौलुसथैं क्योछ, “क्या तैं मैंस थ्वाड़ समझाभेरन मसीही बनून चाछै?”

रोमियून 9:24

चाहे यहूदी हो या गैर-यहूदी, हमी उन चुनिना का लोग छा।

1 कुरिन्थियून 3:17

अगर कोई आदिमी तुमून, जो परमेश्वरा का मन्दिरा का नियाती मिलजुल भेरन नै रून दीनो। परमेश्वर ऊस कठोर सजा देलो। किलैकी परमेश्वरो को मन्दिर पवित्र छै, और उ मन्दिर तुम छा।

इफिसियून 1:14

पवित्र आत्मा एक बयाना का नियाती छै जो हमून पुरो भरोसा दिलूछो, कि परमेश्वर हमून उ बिरासत द्योलो जैको उले वादा कर रैछ और यो ले कि उले हमून अपून लोग हुन खिन खरीद ली हैछ ताकि हम उकी महिमा और तारीफ करा।

इफिसियून 1:6

येक कारण हम उक अद्धभुत अनुग्रह खिन उकी महिमा करा, जो उले हमून मुफ्त में दी दीछ। किलैंकी हम उक प्रिय च्यालाका दगाड़ जुड़िनाका छै।

इफिसियून 3:21

उकी महिमा विश्वासीन की मण्डली में और यीशु मसीह में पीढ़ी भटे पीढ़ी तक हमेशा-हमेशा हुनै रौ। आमीन।

फिलिप्पिन 3:14

लक्ष्य का तरफ दौड़नै जाछूँ, ताकि उ ईनाम पा सकूँ, जैखिन परमेश्वर ले मैंस यीशु मसीह का जरियाले स्वर्ग खिन बुला रैछ।

कुलुस्सियून 1:13

क्याखिनकि परमेश्वर के हमून शैतान की शक्ति है छुड़ाभेरन अपून प्रिय च्याला का राज्य में ल्याछ।

2 तीमुथियुस 1:9

परमेश्वरे ले हमोरो उद्धार करछ्य, और हमून पवित्र जीवन जीन खिन बुलाछ। उले हमून येक कारण नै चुनियो की हमूले भल काम कर्यान, लेकिन अपून मक्शद और उ अनुग्रह का कारण बुलाछ, जैकी योजना परमेश्वरे ले पैलि भटे यीशु मसीह स यो संसार में भेजना का द्वारा बनाईना की छी।

तीतुस 2:14

यीशु मसीह ले अपून आपस हमून खिन सूली में बलिदान कर दीछ ताकि हमून हर प्रकार का बुराई भटे छुड़ा ले और हमून पापून भटे आजाद करभेरन अपून खिन एक इसी प्रजा बना ले जो भल काम करून खिन पुर जोश दगाड़ तैयार रौ।

1 पतरस 1:2

पिता परमेश्वरेले भौत पैलि तुमून अपून लोग हुन खिन और पवित्र आत्मा का द्वारा तुमून पवित्र करून खिन चुन लीछ। उले इसो येक कारण करछ्य ताकि तुम यीशु मसीह का हुकुमून माना और उक खून का द्वारा शुद्ध हो। मैं प्रार्थना करछूँ कि परमेश्वर तुमून अनुग्रह और शान्ति दीनै रौ।

1 पतरस 4:11

अगर तुमार पास प्रचार करना को बरदान छै, त तुमून परमेश्वरो को बचन को प्रचार करून चैछो। अगर तुमार पास दुसारा लोगून की मद्दत करना को बरदान छै, त यो ऊस सामर्थ का दगाड़ करा जो परमेश्वर तुमून दीछो। त फिर जो केले तुम करछा उ यीशु मसीह का द्वारा परमेश्वरेस महिमा दिलालो। सारी महिमा और सामर्थ हमेशा-हमेशा खिन उकी छै। आमीन।

प्रकाशितवाक्य 5:10

और उनून हमार परमेश्वर खिन तैंले राज्य और याजक बनाछ जो हमार प्रभु परमेश्वर की सेवा करनान, और उन धरती में राजान की नियाती राज्य कराला।