1 पतरस 2:7 - सोरियाली नय्या नियम

⁷ यो ढूंगो तुमून खिन भौत कीमती छै जो यीशु मसीह में विश्वास करनान। लेकिन जो लोग उमें विश्वास नै करना उनार बारिमें पवित्रशास्त्र कुंछो कि, “राजमिस्त्रिन ले जै ढूंगास बेकार समझभेरन निकालीना को छ्यो, उ घरो को नींव को खास ढूंगो बन ग्योछ।”

1 पतरस 2:7 Iomraidhean Croise

मत्ती 21:42

यीशु ले उनूनथैं क्योछ, क्या तुमूले कभे पवित्रशास्त्र में यो नै पढ़योई कि, जो ढूंगास मिसत्रीले बेकार समझछ्य, उई बेकार ढ़ुगा कुनिया ढूंगो है ग्यो? यो प्रभु का तरफ भटे भ्योछ, जो हमरि नजरून में कतुक अद्धभुत छै।

लूका 2:32

उ गैर-यहूदीन में परमेश्वर स प्रकट करून वाली ज्योति छै, और त्यारा अपून इस्राएल देशा का लोगून की महिमा हो।”

लूका 2:34

तब शमौन ले उनून आशीष दीभेरन मरियम थैं क्योछ, “देख यो बालक एक इसो चिन्ह का रूप में भेजि ग्योछ, जैको लोग विरोध कराला। येक कारण इस्राएल में भौतून को विनाश और उद्वार को कारण होलो।

लूका 20:17

यीशु ले उनार तरफ देखिभेरन क्योछ, “फिर यो पवित्रशास्त्र में कि लेख रैछ, जो ढूंगास मिस्त्रीन ले बेकार जाणिभेरन खित दीछ, उई ढुग नींव को कुना को ढुग बनछ्य।

यहूना 4:42

और उ स्यैनि थैं क्योछ, “अब हम त्यारा कुनाले विश्वास नै करना; क्याखिनकि हमून ले खुद सुण हालछ्य, और जाणनू कि योई सच्ची में संसार को मुक्तिदाता छै।”

प्रेरितून का काम 26:19

येक कारण, हे राजा अग्रिप्पा, मैंले उ स्वर्गीय दर्शन को पालन करछ्य।

रोमियून 10:21

लेकिन इस्राएल देशाक लोगून का बारिमें परमेश्वरा का संदेश दिनवाला यशायाह का द्वारा क्योछ “मैं पुरो दिन अपून हात हुकुम नै मानून वाली और बहस करून वाली प्रजाक तरफ फैलूनै रयूँ और उन म्यारा पास फिरून।”

रोमियून 15:31

जेले मैं यहूदिया प्रदेशा का अविश्वासीन भटे बच रूँ, और यो बात खिन ले प्रार्थना कर्या की वाँ का विश्वासी मेरि भेंट स ग्रहण करून जो मैं अपून दगाड़ यरूशलम शैहर भटे लीभेरन जानमर्यू।

2 कुरिन्थियून 2:16

लेकिन उनून खिन जो विनाशाक बाट में छन, उ मौत की इसी गन्दी वास छै जो उनून मौत क तरफ ली जाछी; लेकिन उनून खिन जो उद्धाराक बाट में बढ़नै जानान, यो जीवन की इसी मीठी खुशबू छै जो जीवनाक तरफ ली जाछी। सच्ची में, कोई ले खुद इस योग्य नै हो सकूनो जो मसीहक ज्ञान की खुशबू स फैला सको।

कुलुस्सियून 2:10

मसीह हरेक शक्ति और अधिकार में हकुमत राँखछो। येक कारण अगर तुम मसीह भटे जुड़ीना का छा, त तुम पुर मसीह में छा।

तीतुस 3:3

क्याखिनकि हम सब विश्वास में उन है पैलि मूर्ख और परमेश्वरा का हुकमून नै मानूनवाला छ्या, और लोगून थैं भटे ध्वाका खान वाला छ्या, और हम बुरी इच्छा और संसारा का चीजून का गुलाम छ्या, जसीकैं बैर-भाव और डाह करून में जीवन जी छ्या, और लोगून थैं नफरत करछ्या, और एक दुसारा भटे बैर राख छ्या।

इब्रानियों 11:31

विश्वास का कारण राहाब वेश्या परमेश्वरा का हुकुम नै मान्या वालान का दगाड़ नाश भैछ; किलैकी उले उन इस्राएली भेदियान शरण दीछ जो यरीहो शैहरो को भेद लीन खिन आईना का छ्या।

इब्रानियों 4:11

येक कारण हम उ आरामा का जाग में पुजना की कोशिश करा, किलैकी कोई ले आदिमी स उन लोगून की नकल नै करूनी चैनी जिनूनले परमेश्वरा हुकमून मानून है मना कर दीछ। तब हम उ आरामा का जाग में पूजला।

1 पतरस 1:8

तुमूनले यीशु स कभै नै देखीना को छै, लेकिन फिरले तुम ऊस प्रेम करछा। तुम ऊस एल नै देखना, लेकिन तुम उमें विश्वास करछा। येक कारण, तुम आनन्द और महिमा ले भौत खुश छा जैस शब्दून में नै बताई जा सकूनो।

1 पतरस 2:4

तुम प्रभु यीशु का पास आईना का छा। उ एक घरा का नींव में राखिना को एक खास ढूंगा की नियाती छै, लेकिन उ ज्यूनो ढूंगो छै। ऊस कई लोगून ले स्वीकार नै कर्यो, लेकिन परमेश्वरेले ऊस चुनछ्य और ऊस भौत कीमती मानछ्य। और जसीकैं लोग ढूंगान ले घर बनुनान, उसीकैं परमेश्वर तुमून एक समूह में जोड़ून मर्योछ जैमें परमेश्वरो को आत्मा रूछो, ताकि यीशु मसीह ले जो हमून खिन करिना को छै, उक वजह ले तुम उन याजकून का नियाती जो बलिदान चढ़ूनान, तुम इसा काम करा जो परमेश्वरेस खुश करनान।

1 पतरस 2:8

और फिर पवित्रशास्त्र यो ले कुंछो: “यो ढूंगो लोगून को ठोकर खाना को कारण होलो। यो एक चट्टान छै जो उनार खीतिना को कारण होलो। उन इसीकैं खितीला किलैकी उन परमेश्वरा का संदेश स मानून है इन्कार करनान। किलैकी परमेश्वरेले उनार दगाड़ इसोई हुना की योजना बनाईना की छै।”