1 पतरस 2:12 - सोरियाली नय्या नियम

¹² कई बार इसा लोग हुनान जो प्रभु स नै जाणना और उन तुमून में यो कैभेरन गलत आरोप लगा सकनान कि तुमार काम बुरा छन। येक कारण तुमून अपून ब्यवहारा का बारिमें सतर्क रून चैछो, ताकि उन तुमार निका ब्यवहार देख सकून। आखरी में उन मानाला कि तुमोरो ब्यवहार निको छै और जै दिना परमेश्वर संसारो को न्याय करून खिन आलो, उ दिना उन परमेश्वरे की महिमा कराला।

1 पतरस 2:12 Iomraidhean Croise

मत्ती 10:25

शिष्य अपून गुरू का और दास का अपून मालिक का बराबर हुनोई भौत छै, जब उनूनले मैं घरा का मालिक थैं शैतान क्योछ, त घरा का सदस्यून और ले बुर नामून ले किलैं नी पुकाराला।

मत्ती 5:11

धन्य छा तुम, जब लोग म्यारा कारण तुमेरि निन्दा कराला और सताला, क्याखिनकि तुम म्यारा शिष्य छा, और झूठ बोलभेरन तुमार खिलाफ में सब प्रकार का गलत आरोप लगूनान।

मत्ती 5:16

उसीकैं तुमार उज्यालो लोगून का सामुनि चमको कि उन तुमार भल कामून देखिभेरन तुमार बबा जो स्वर्ग में छै, उकी तारीफ करून।

मत्ती 9:8

भीड़ा का लोग यो देखिभेरन चकित हो ग्या, और लोग परमेश्वर की बड़ाई करून लाग्यान, जेले लोगून इसो अधिकार दी रैछ।

लूका 1:68

“धन्य छन प्रभु, इस्राएलाक परमेश्वर की स्तुति करा, क्याखिनकि उ अपून लोगून में दया करून खिन आ र्योछ, और उनोरो उद्धार करछ्य।

लूका 19:44

त्यारा बैरी तैंस पुरी तरीकाले नाश कर द्याला, और त्यारा सब लोगून मार डालला, और तैंमें ढ़ुगा का मलि में ढ़ुगा नी छोड़ून; क्याखिनकि जब परमेश्वर तैंस बचुन खिन आलो, तब तैले उ बखत स नै पछाणियो।”

लूका 6:22

धन्य छा तुम जब म्यार कारण ले लोग तुमेरि निन्दा करला, तुमोरो विरोध और बेईजती करला, और तुमून बदनाम करभेरन निकाली द्याला।

यहूना 13:31

जब उ भ्यार न्हैग्यो त यीशु ले क्योछ, “अब मैं आदिमी का च्याला की महिमा भैछ, और परमेश्वर की महिमा मैंमें भैछ।

प्रेरितून का काम 15:14

शमौन पतरसले हमून समझाछ, कि परमेश्वर ले गैर-यहूदी लोगून में भटे थ्वाड़ा लोगून अपूनी सेवा खिन चुन भेरन, सबून है पैलि कसीकैं उनूनमें दया करछ्य।

प्रेरितून का काम 24:13

और नै त उन बातुन, जिनारा बारिमें उन अब मैंमें दोष लगूनान, त्यारा सामुनि सच साबित कर सकनान।

प्रेरितून का काम 25:7

जब पौलुस आछ, त जो यहूदी अगुवा यरूशलम शैहर भटे आईनाक छ्या, चारों तरफ ठाड़ है भेरन उमें भौत दोष लगायान, जिनोरो उनार पास के सबूत नै छ्यो।

प्रेरितून का काम 28:22

लेकिन त्यारा बिचार कि छन? उई हम तैंथैं सुणून चाँनू, की क्याखिनकि हम जाणनू, कि हरेक जाग यो पंथा का बिरोध में लोग बात करनान।”

रोमियून 12:17

बुराईक बदाला बुराई जन कर्या, जो बात सब लोगून खिन निकी छन उनेरि चिन्ता करा।

रोमियून 13:13

आ हम लोगून का नियाती जिन शुरू कर दीया, जो उज्याला में रूनान लेकिन अन्यारा में नै। हमून नै रंगरलियों में, और पियक्कड़पन में, नै ब्यविचार में, और नै लुचपन में, और नै झगड़ा और डाह में जीन्दगी जिन चैछी।

रोमियून 14:18

जो कोई यो तरीका ले मसीह की सेवा करछो, त परमेश्वर उ है खुश हुनान, और लोग उक बारिमें ले निको कुंनान।

रोमियून 15:9

और गैर-यहूदी लोग ले परमेश्वरे की दया का कारण उकी महिमा करून; जसो पवित्रशास्त्र में लिख रैछ, येक कारण मैं गैर-यहूदी लोगून में तेरि महिमा करलो में त्यारा नामाका भजन गाँलो।

1 कुरिन्थियून 14:25

परमेश्वरा का सुसमाचार का कारण ऊस अपूनी बुरी, गुप्त सोच को एहसास होलो। और ऊस एहसास होलो कि उ पापी छै और उ पश्चाताप करोलो। और फिर उ घुणा टेकभेरन परमेश्वरै की अराधना करोलो और मान ल्योलो, कि सच्ची में परमेश्वर तुमार बीच में छै।

2 कुरिन्थियून 1:12

किलैकी हमून एक बात को गर्व छै, हमोरो जमीर हमून विश्वास दिलूछो कि हमूले लोगून का दगाड़ और खास कर तुम लोगून का दगाड़ जो बरताव करछ्य, उ संसारा बुद्धिमानी का अनुसार नै, बल्‍कि उ पवित्रता और सच्‍चाई का अनुसार छ्यो जो परमेश्वरे की कृपा को वरदान छै।

2 कुरिन्थियून 13:7

हम अपून परमेश्वर थैं प्रार्थना करनू, कि तुम कोई बुराई नै करा; या तक कि अगर तुमून यो विश्वास हुनो कि हम सच्चा प्रेरित नाहातिन, त हम तुमून खिन प्रार्थना करूनमर्यान कि, कोई गलत काम करे बिना, तुम केवल निका काम करा।

2 कुरिन्थियून 8:21

हमोरो मक्शद उई करना छै जो नै केवल प्रभु का नजरून में, बल्कि लोगून का नजरून में ले सही हो।

इफिसियून 2:3

हम ले उनेरि नियाती जीन्दगी जी छ्या, और अपून पापी आदतून की इच्छान पुरो करछ्या, और जो ले हमरि बुरी इच्छा और बिचार हमून थैं करून चाँछ्या हम उक अनुसार जीन्दगी जी छ्या और दुसारा लोगून की नियाती आदतून ले बुरा छ्या, और परमेश्वरा को क्रोधा का बश में छ्या।

इफिसियून 4:22

अपून पुराना पापी आदतून और अपून पुराना जीन्दगी जीना का तरीका स छोड़ दी, जो वासना और ध्वाका ले भ्रष्ट छन।

फिलिप्पिन 1:27

केवल इतुक करा कि तुमोरो चाल-चलन मसीह का सुसमाचार का अनुसार हो, चाहे मैं तुमून आभेरन देखू या नै देखू, तुमार बारिमें बश यो सुणू कि तुम एक इरादा में मजबूत हो भेरन, और एक मन होभेरन सुसमाचार का विश्वास खिन मेहनत करनै रूछो।

फिलिप्पिन 4:8

येक कारण हे प्रिय दगड़ियो, तुम अपूनो ध्यान उन बातुन में लगा, जो-जो बात सच्ची, आदरणीय, भलि पवित्र, निकी, और मन स भान वाली, जो बड़िया और तारीफ की बात छन और तुमारा उन बातुन में लाग रून।

1 थिस्सलुनीकियों 4:12

ताकि उन लोग जो विश्वास नै करना, देखून कि तुम हर दिन कसो ब्यवहार करछा, और तुमोरो आदर करूनो, और तुमून अपून जरूरतून खिन केमें निर्भर नै हुन पड़ौ।

1 तीमुथियुस 2:2

राजान खिन और उन सब अधिकारी लोगून खिन प्रार्थना करा, ताकि उन हमून शान्ति और सुरक्षा ले रून में हमरि मद्दत करून, ताकि हम परमेश्वर की अराधना कर सका और दुसरा का दगाड़ बड़िया ब्यवहार राख सका।

1 तीमुथियुस 4:12

इसीकैं ब्यवहार कर की कोई तेरो अनादर नै करौ, लेकिन तैंस अपून बोल-चाल में, निका ब्यवहार का दगाड़, प्रेम ले, मसीह का विश्वासा का दगाड़, पवित्रता को जीवन जीना का द्वारा विश्वासी लोगून खिन आदर्श बनूनो चैछो।

1 तीमुथियुस 5:10

और निका कामून का कारण उको नाम हो, जेलै अपून नन्तिना को निकीकैं पालन-पोषण करिना को हो, मेहमानून की सेवा करिना की हो, परमेश्वरा का लोगून सेवा एक दासी का नियाती हो, दीन-दुखी लोगून की मद्दत करिना की हो, और हरेक निका काम में मन लागिना को हो।

इब्रानियों 13:18

हमून खिन प्रार्थना करनै रौ, किलैकी हमून विश्वास छै, कि हमोरो जमीर साफ छै; हम उन सब चीजून में परमेश्वरो को आदर-सम्मान करून चानू जो हम करनू।

इब्रानियों 13:5

तुम अपूनास धन-दौलत का लालच है दूर राखा और जो तुमार पास छै, उमेंई खुश रौ। किलैकी परमेश्वरेले खुद के रैछ, “मैं तैंस कभै ले नी छोडूलो, और तैंस कभै ले नी त्यागूँलो।”

याकूब 3:13

तुम लोगून में जो बुद्धिमान और समझदार हुना को दावा करछो, उ अपून भल कामून और निको चाल-चलनाक जरिया, और उ नम्रताक दगाड़ जो तुमार ज्ञान भटे उछी, भल काम करभेरन साबित करून चैछो।

1 पतरस 2:15

किलैकी परमेश्वरै की यो इच्छा छै, कि हमार निका ब्यवहार क द्वारा, जो लोग परमेश्वरेस नै जाणना, उन अब हमून में गलत तरीका ले आरोप लगूना की हिम्मत नी कराला, किलैकी यो बात साफ छै कि उनार झूठ्ठा आरोप सही नाहातिन।

1 पतरस 4:11

अगर तुमार पास प्रचार करना को बरदान छै, त तुमून परमेश्वरो को बचन को प्रचार करून चैछो। अगर तुमार पास दुसारा लोगून की मद्दत करना को बरदान छै, त यो ऊस सामर्थ का दगाड़ करा जो परमेश्वर तुमून दीछो। त फिर जो केले तुम करछा उ यीशु मसीह का द्वारा परमेश्वरेस महिमा दिलालो। सारी महिमा और सामर्थ हमेशा-हमेशा खिन उकी छै। आमीन।

2 पतरस 3:11

यो पक्का छै कि परमेश्वर सब चीजून इसीकैं नाश कर द्योलो, त तुम जरूर जाछा कि तुमून कसो ब्यवहार करूनो चैछो। तुमोरो ब्यवहार सच्चो हुन चैछो और जो केले तुम करछा उले परमेश्वरेस खुश करा।