1 पतरस 1:5 - सोरियाली नय्या नियम

⁵ परमेश्वरै अपूनी सामर्थ का द्वारा तुमून सुरक्षित राखून मर्योछ किलैकी तुम यीशु में विश्वास करछा। उ आखरी दिन जब मसीह वापस आलो, तुमून हर दिन सुरक्षित राखोलो। तब तुम जाण जाला कि परमेश्वरेले तुमून पाप और मौत भटे पुरी तरीका ले बचाछ।

1 पतरस 1:5 Iomraidhean Croise

यहूना 12:48

जो मैंस तुच्छ जाणछो और मेरि बात नै माननो उको न्याय करून वालो एक छै, मतलब जो मैंले जो क्योछ, उ अन्तिम दिनून में उको न्याय करोलो।

यहूना 17:15

मैं यो प्रार्थना नै करनू कि तुम उनून संसार भटे उठा ली लेकिन यो कि तैं उनून शैतान भटे बचौ राख।

यहूना 4:14

लेकिन जो कोई उ पानि में भटे पियोलो जो मैं ऊस द्यूलो, ऊस फिर कभै प्यास नी हो लेकिन जो पानि मैं ऊस द्यूलो उ उमें भटे एक पानि को स्रोत बनि जालो जो अनन्त जीवन खिन पानि दीनै रौलो।

यहूना 5:24

मैं तुमूनथैं सच्ची-सच्ची कुछूँ, जो म्येरो बचन सुणिभेरन म्यारा भेजून वाला में विश्वास करछो, अनन्त जीवन उको छै, और ऊस दंड नी दी जालो, लेकिन उन हमेशा की मौत भटे बच ग्यान और पैलि भटे नय्या जीवन में प्रवेश कर चुक ग्यान।

रोमियून 11:20

यो सच्ची छै, उन त अविश्वास का कारण तोड़ी ग्यान, लेकिन तुम अपून विश्वास कारण परमेश्वरा का दगाड़ बनिनाका रूछा, येक कारण घमंडी जन बना, लेकिन डर राखा।

रोमियून 8:18

मैंखिन यो बात साफ छै की जो महिमा हमून बाद में परमेश्वर दिनवालो छै, उ यो दुख भटे भौत ठुल छै जो हम अब सैहन करूनमर्यान।

1 कुरिन्थियून 1:21

मैं इसो येक कारण कुछूँ, क्याखिनकि परमेश्वरेले समझदारी ले फैसला लीछ कि यो संसार लोगून अपून काबलियत का द्वारा ऊस नी जाण सकछ्या। येक कारण परमेश्वर उन लोगून बचूना को फैसला करछ्य जो सुसमाचार में विश्वास करनान जैको प्रचार हमूले करछ्य, हालाकि लोग यो प्रचार मूर्खता की बात समझनान।

2 कुरिन्थियून 1:24

येको मतलब यो नाहातिन कि हम तुमार विश्वास में अपूनो अधिकार जतुनू, किलैकी तुम अपून विश्वास में मजबूत बनिना का रूछा। लेकिन हम त तुमेरि खुशी में शामिल हो।

गलातियों 2:20

यो इसी छ्यो जसो जब मसीह सूली पर मर ग्यो, मैंले उक दगाड़ सूली में मर गयूँ। अब मैं ज्यून नाहातिनू बल्कि मसीह मैंमें में ज्यूनो छै; और जसीकैं मैं अब जीन मरयूँ त केवल ऊस विश्वास का द्वारा जो परमेश्वरा का च्याला में छै, जेले मैंस प्रेम करछ्य और म्यारा पापून खिन अपूनास बलिदान कर दीछ।

इफिसियून 2:8

क्याखिनकि जब तुमूनले विश्वास करछ्य त परमेश्वरले अपून अनुग्रह ले तुमोरो उद्धार करछ्य, और यो तुमेरि तरफ भटे नाहातिन, बल्कि परमेश्वरो को दान छै।

इफिसियून 3:17

येक कारण विश्वास का द्वारा मसीह तुमार भितर रौ। मैं प्रार्थना करछूँ कि परमेश्वर और एक दुसरा खिन तुमोरो प्रेम तुमून मजबूत बनालो और तुमून खितीन भटे बचालो।

फिलिप्पिन 1:6

मैंस यो बात को भरोसा छै, कि परमेश्वर जेले तुमून में कुछ निको काम शुरू कर रैछ, उई उ दिन तक पुरो करोलो, जब यीशु मसीह दुबारा वापस आलो।

फिलिप्पिन 4:7

तब परमेश्वरकि शान्ति, जो आदिमी समझ है बिलकुल भ्यार छै, तुमार मन ओर बिचारून यीशु मसीह में रक्षा करली।

2 तीमुथियुस 3:15

और नानछना भटे तैं पवित्रशास्त्र जाण छै, और यो तैंस मुक्ति को ज्ञान दी सकछो, जो तैंस मसीह यीशु में विश्वास करूना का द्वारा मिलछो।

तीतुस 2:13

हम इसीकैं ब्यवहार करनू जब हम उ दिनो को इन्तजार करूनमर्यान, जैकी हमून आश छै, उ दीन जब यीशु मसीह, जो हमोरो महान परमेश्वर मुक्तिदाता छै, अपूनी पुरी महिमा का दगाड़ संसार में वापस आलो।

इब्रानियों 9:28

उसीकैं, मसीह ले सब लोगून का पापून अपून मलिमें लीभेरन एक बार बलिदान हो ग्यो। जब उ दुबारा आलो तब उ पापून खिन बलिदान हुन खिन नी आलो बल्कि उनून बचुन खिन जो उको इंतजार करून मर्यान।

1 पतरस 1:13

येक कारण, अपून मनून तैयार करा जसीकैं लोग काम करून खिन तैयार हुन खिन अपूनी कमर कसनान। मतलब यो कि, जो कुछ तुम सोचछा उमें तुमून काबू राखून चैछो, और इसो करभेरन अपून जीवन को संचालन पुरी तरीका ले और आत्मविश्वास का दगाड़ करा, उ उद्धार स पाना की आश राखभेरन जो परमेश्वर अनुग्रह ले तुमून देलो जब यीशु मसीह स्वर्ग भटे वापस आलो।

1 पतरस 4:13

बश येक बारिमें खुश रौ, किलैकी तुमून मसीह का दुखून को एक हिस्सा मिलछ्य। यो कारण, जब मसीह सब लोगून खिन अपूनी महिमा प्रकट करून खिन दुबारा आलो त तुम आनन्द ले भर जाला।

1 पतरस 5:1

कुछ बात इसी छन जो मैं वाँक यहूदी अगुवान थैं कुंन चाछूँ किलैकी मैंले तुमोरो जैसो एक यहूदी अगुवा छूँ। मैंले खुद उन दुखून देखीना को छै जो भौत बखत पैलि मसीह ले सहन कर्यान। त मैंले उकी महिमा में भागीदार हूँलो, जब उ फिर यो संसार में वापस आलो। मैं तुमूनथैं बिनती करछूँ कि,

2 पतरस 1:3

परमेश्वर ले अपून सामर्थ का द्वारा हमून उ सब कुछ दीछ जो हमून एक इसो जीवन जीन खिन चैछो जो परमेश्वरेस खुश करछो। यो हो सकछो किलैकी हम परमेश्वरेस जाणनू और उ उई छै जैले हमून अपूनी महिमा और भलाई का द्वारा अपून लोग हुन खिन बुला रैछ।

1 यहूना 3:2

हे प्रिय दगड़ियो, अब हम परमेश्वरकि सन्तान छा, और अब तक यो प्रगट नै भ्यो कि भविष्य में हम की बनला, बश हम इतुक जाणनू कि जब उ प्रगट होलो त हम ले उक समान हूँला, क्याखिनकि हम ऊस ऊसो देखला जसो उ छै।

यहूदा 1:1

मैं यहूदा, जो यीशु मसीह को एक सेवक और याकूबो को नान भाई छूँ। मैं यो चिठ्ठी तुम लोगून लिखून मरैयू, जिनून परमेश्वरेले अपून में विश्वास करून खिन बुलाछ। हमोरो पिता परमेश्वर तुमून प्रेम करछो और तुम यीशु मसीह का द्वारा सुरक्षित छा।

यहूदा 1:24

एकमात्र परमेश्वरै छै जो तुमेरि रक्षा कर सकछो, और तुमून निर्दोष और आनन्दित बना सकछो, जब उ तुमून अपूनी महिमा में अपून सामुनि ठाड़ करछो। उले हमून हमार प्रभु यीशु मसीह का द्वारा बचाछ। महिमा, गौरव, सामर्थ और अधिकार हमारा प्रभु यीशु मसीह का द्वारा जसकैं हमेशा भटे छै, अब हो, और हमेशा-हमेशा तक रौ। आमीन।