1 पतरस 1:3 - सोरियाली नय्या नियम

³ हम परमेश्वरो को धन्यावाद करनू, जो हमार प्रभु यीशु को पिता छै, जैले अपूनी बड़ी दया ले हमून एक नय्या जीवन दीछ। किलैकी परमेश्वरेले यीशु मसीह स मरिनान में भटे ज्यून करछ्य, उले हमून निडर होभेरन जीना का काबिल बनाछ; यो कि उन चीजून पाना की पुरी उम्मीद कर सकनू जो उले हमून दीना को वादा करिना को छै।

1 पतरस 1:3 Iomraidhean Croise

यहूना 1:13

उ नै त ईजा-बबा का इच्छा ले, नै शरीराक इच्छा ले, और नै एक आदिमी संतान प्राप्ती का इच्छा ले, लेकिन परमेश्वर की इच्छा उत्पन्न होईना का छै।

रोमियून 12:12

जो आश हमार दगाड़ छै उक कारण खुश रौ; मुसीबत में धैर्य राखा, और हर बखत प्रार्थना करनै रौ।

रोमियून 15:13

मैं प्रार्थना करछूँ की, परमेश्वर जो आशो को दाता छै, तुमून विश्वास करून में पुर रीतिले खुशी और शान्ति ले भरौ की पवित्र आत्मा की सामर्थ ले तुमेरि आश बढ़नै जौ।

रोमियून 4:25

यीशु मसीह हमार पापून खिन मारी ग्यान, और परमेश्वरे ले दुबारा मरिन में भटे ऊस ज्यून कर दीछ ताकि हम धर्मी ठैहराई जाँ।

रोमियून 5:10

किलैंकी जब हम परमेश्वरा का दुश्मन छ्या, त परमेश्वरा का दगाड़ हमोरो मेल-मिलाप उक च्याला यीशु मसीहक मरना का द्वारा भ्योछ, अब परमेश्वरा का दगाड़ मेल-मिलाप हो जानाक बाद उक द्वारा जरूर हमोरो उद्धार होलो किलैकी मसीह ज्यूनो छै।

रोमियून 8:11

और अगर परमेश्वरो को आत्मा जेले यीशु स मरिनान में भटे ज्यून करछ्य, जो तुमून में बसिनाको छै, त जेलै यीशु मसीह स मरिनान में भटे ज्यून करछ्य, जो तुमून बसिनाको छै, उ अपूनी आत्मा द्वारा नाश हुन वाला शरीरून ले ज्यून करोलो।

रोमियून 8:24

अब जब हमून परमेश्वरे ले बचाछ, त हमारा पास यो आश छै। लेकिन अब के पानै की इच्छा करूनमर्या जो तुमारा पास पैलि भटे छै, त उ आश नाहातिन। कोई ले चीज पानै कि इच्छा नै करनू जो उक पास पैलि भटे छै। हमोरो उद्धार भ्योछ त परमेश्वर ले हमून यो आश दी रैछ। हमून ऐल तक उ सब नै मिल र्यो जो परमेश्वर ले हमून थैं वादा कर रैछ, योई कारण छै कि हम ऐल लै यैस प्राप्त कोई ले करना की आश राखनू। और येक कारण यो बखत हम धीरजाक दगाड़ इन्तजार करनू जब तक हम यैस प्राप्त नै कर ल्याँ।

1 कुरिन्थियून 13:13

येक कारण, अब, इन तीन प्रकार का कामून हमून करूनो चैछो: परमेश्वर में विश्वास करा, परमेश्वरा का वादान में आश राखा, और दुसरा थैं प्रेम करूनो। लेकिन इन तीन में भटे, एक्कै सबून ठूलो छै कि दुसरान थैं परमेश्वर स प्रेम करूनो।

1 कुरिन्थियून 15:20

लेकिन सच्चाई यो छै कि परमेश्वरे ले मसीह स, जो पैल आदिमी छै जैस मरिन में भटे ज्यूनो करछ्य, और उ यो बात को सबूत छै उ उन लोगून ले ज्यूनो करोलो जो मर चुक ग्यान।

2 कुरिन्थियून 1:3

हमारा प्रभु यीशु मसीहक पिता परमेश्वरो को धन्यबाद हो, जो हमून में दया दिखूछो, और हमून हमेशा तसल्ली दीछो।

गलातियों 6:16

परमेश्वर उन सबून अपूनी शान्ति द्योलो और उमें दया करोलो जो यो नियम-कानून का पालन करनान और उनून आशीष द्योलो, क्याखिनकि उन परमेश्वरा का लोग छन।

इफिसियून 1:17

मैं प्रार्थना करछूँ कि परमेश्वर हमार प्रभु यीशु मसीह का जो महिमामय पिता, तुमून पवित्र आत्मा दे, जो तुमून बुद्धिमान बना द्योलो और परमेश्वरे स तुमून में प्रगट करोलो, ताकि तुम ऊस निकीकैं जाण सका।

इफिसियून 1:3

हमार परमेश्वर और प्रभु यीशु मसीहक पिता की महिमा हो, किलैंकी जब हम मसीह दगाड़ एकता में छा, त परमेश्वर ले हमून स्वर्ग भटे हरेक प्रकारे की आत्मिक आशीष दीयान।

इफिसियून 1:7

यीशु ले अपूनो खून बगा भेरन बलिदान दीछ, ताकि हम छुटकार पा सकां, जैको मतलब यो छै, की अब हमार पाप माफ हो ग्यान। परमेश्वरा का अनुग्रह भौते महान छै जो उले हमून में दिखाछ।

इफिसियून 2:4

लेकिन परमेश्वर भौत दयालु छै; अपून उ महान प्रेमा का कारण जैले उले हमूनथैं प्रेम करछ्य,

इफिसियून 3:20

जतुक हम परमेश्वर थैं माँगनू और सोचनू, ये है ले ज्यादा कर सकछो, क्याखिनकि उकी सामर्थ हमून में काम करछी।

कुलुस्सियून 1:23

अगर तुम मसीह में विश्वास करछा, त तुमोरो विश्वास उमें मजबूत रून चैछो, ठीक उ घरा का नियाती जो मजबूत बुनियाद में बनिना को छै। और हमून उ सुसमाचार में विश्वास करभेरन जो उमीद हमून मिलछी उ जन छोड़ा। जैको प्रचार पुर संसार का लोगून में करि ग्योछ, और सुसमाचार को प्रचार करून खिन, मैं पौलुस सेवक बन्यूँ।

कुलुस्सियून 1:27

परमेश्वर ले यो फैसला लीछ कि उक लोग कीमती और महिमा वाली गुप्त रहस्य स जाण सकूँन, जो सब लोगून खिन उक पास छै। यह गुप्त रहस्य मसीह खुद छै जो तुमून में रूछो, केवल उई महिमा खिन हमरि एकमात्र उमीद छै।

1 थिस्सलुनीकियों 1:3

जब हम पिता परमेश्वर थैं प्रार्थना करनू, त हम उन कामून याद करनू जो तुम विश्वास का कारण करछा, और विश्वासीन की मद्दत करून खिन भौत मेहनत करछा, क्याखिनकि तुम उनून प्रेम करछा, और तुम धीरज का दगाड़ सताव सहछा, क्याखिनकि तुम प्रभु यीशु मसीह का वापस उनाकी आश राँख छा।

1 थिस्सलुनीकियों 4:13

हे म्यारा विश्वासी भाईयों, हम यो चाँनू कि तुम उन मरिना का विश्वासी का बारिमें जाणा कि उनार दगाड़ की होलो, और काँई इसो नै हो कि तुम दुसरान की नियाती शोक करा जिनून यो आश नाहातिन मरना का बाद ले जीवन छै।

2 थिस्सलुनीकियों 2:16

हम प्रार्थना करनू हमार प्रभु यीशु मसीह थैं और हमार पिता परमेश्वर थैं जेले हमूनथैं प्रेम करछ्य, और जेले अपून अनुग्रह का द्वारा हमून अनन्तकाल खिन तसल्ली और उत्तम आश दी रैछ।

1 तीमुथियुस 1:14

और हमार प्रभु यीशु मसीह को भौत अनुग्रह, विश्वास और प्रेम का दगाड़ हमेशा मैंमें भ्योछ।

तीतुस 2:13

हम इसीकैं ब्यवहार करनू जब हम उ दिनो को इन्तजार करूनमर्यान, जैकी हमून आश छै, उ दीन जब यीशु मसीह, जो हमोरो महान परमेश्वर मुक्तिदाता छै, अपूनी पुरी महिमा का दगाड़ संसार में वापस आलो।

इब्रानियों 3:6

लेकिन मसीह एक च्याला का नियाती परमेश्वरा का घरो को हक्कदार छै और हम उक घरा का लोग छा। अगर हम अपूनो साहस और उ आश में विश्वास स बनाईना को राखनू त हमी उक घर छा।

याकूब 1:18

उले अपूनी इच्छाक अनुसार हमून सच्चाई का बचनाक द्वारा नय्या जीवन दी रैछ, ताकि हम परमेश्वरा का द्वारा बनाईनाक हरेक चीज में सबून है खास हिस्सा छा, जसो कि फसलो को पैलो हिस्सा हुछो।

1 पतरस 1:13

येक कारण, अपून मनून तैयार करा जसीकैं लोग काम करून खिन तैयार हुन खिन अपूनी कमर कसनान। मतलब यो कि, जो कुछ तुम सोचछा उमें तुमून काबू राखून चैछो, और इसो करभेरन अपून जीवन को संचालन पुरी तरीका ले और आत्मविश्वास का दगाड़ करा, उ उद्धार स पाना की आश राखभेरन जो परमेश्वर अनुग्रह ले तुमून देलो जब यीशु मसीह स्वर्ग भटे वापस आलो।

1 पतरस 1:21

जो केले मसीह ले करिना को छै उक कारण तुम अब परमेश्वर में विश्वास करछा। और तुमूले अपूनो विश्वास और आश परमेश्वर में राखिना की छै किलैकी उले मसीह स मरिनान में भटे ज्यूनो कर दीछ और ऊस महिमा दीछ।

1 पतरस 1:23

तुमून एक-दुसरा स प्रेम करूनो चैछो किलैकी तुमून परमेश्वरा का तरफ भटे एक नय्या जीवन मिलीना को छै। तुमून यो जीवन कोई इसा चीज का द्वारा नै मिल र्यो, जो नाश हो जालो लेकिन उ चीज का द्वारा जो हमेशा बनिना की रौली। मतलब, हमून यो नय्या जीवन परमेश्वरा का जीवित और अनन्त वचन ले मिलीना को छै।

1 पतरस 2:2

जसकैं एक नान-नन्तिनो अपूनो ईजा को शुद्ध दूध की इच्छा करछो, उसीकैं तुमून परमेश्वरा का बचन स सीखना की इच्छा राखून चैछो ताकि तुम आत्मिक रूप ले मजबूत बन सका। तब परमेश्वर तुमून यो संसारै की बुरी चीजून है पुरी तरीका ले बचालो।

1 पतरस 3:15

बल्कि तुमून मसीह स प्रभु जाणभेरन अपून जीवन में उकी अराधना करूनी चैछी। अगर कोई उ आश का बारिमें के पुछो, जो हम सब विश्वासी हुना का नाता आपस में साझा करनान, त हमेशा ऊस समझून खिन तैयार रौ, और इस तरीका ले ब्यवहार करा कि तुम दोषी महसूस जन करा और हमेशा उई करा जो सही छै। फिर अगर लोग तुमार खिलाफ बुरा बोलनान, त उनी शर्मिदा होला जब उन मसीह का दगाड़ तुमार सम्बंध का कारण तुमार निका ब्यवहार स देखाला।

1 पतरस 3:21

पुराना जमाना में उनोरो उद्धार अब हमार उद्धार को एक उदारण छै जब हम बपतिस्मा लीनू। जो पानि में हम बपतिस्मा लीनू, उ हमार शरीरो को मैल दूर नै करनो, लेकिन उ यो बात को चिन छै कि हमूले परमेश्वर थैं माफी माँगछै ताकि आघिलकै हमार मन परेशान नै रौ। हमून माफी मिल सकछी किलैकी यीशु मसीह मरिनाका बाद फिर ज्यूनो भ्योछ।

1 पतरस 3:5

पुरान जमाना समय की भक्ति में रूनवाली स्यैनिन जो परमेश्वर में भरोसा करछी, उनूनले अपनास अपून घरवालान का अधीन करछ्य, और इस तरीका ले उन अपनास सुन्दर बनूछ्या।

1 यहूना 2:29

अगर तुम यो जाणछा, कि मसीह धर्मी छै, त यो ले जाणछा, कि जो कोई धर्मोको काम करछो, उन परमेश्वर नान्तिन छन।

1 यहूना 3:3

और जो कोई मसीह की आश राखछो, उ अपून आपस ऊसो पवित्र करछो, जसो उ पवित्र छै।

1 यहूना 3:9

जो कोई परमेश्वर की सन्तान छै, उ लगातार पाप नै करूनो; क्याखिनकि परमेश्वरो को स्भाव उमें छै और उ लगातार पाप नै कर सक्नो, क्याखिनकि उ परमेश्वर की सन्तान छै।

1 यहूना 4:7

हे प्रिय दगाड़ियो, हम आपस में प्रेम राँखा, क्याखिनकि प्रेम परमेश्वर भटे छै और जो कोई दुसरान का दगाड़ प्रेम राँखछो उ परमेश्वर की सन्तान छै और परमेश्वर स जाणछो।

1 यहूना 5:1

जो आदिमी स यो विश्वास छै कि यीशु ही मसीह छै उ परमेश्वर सन्तान छै; और जो कोई पिता परमेश्वर स प्रेम करछो, त उ दुसारा ले प्रेम करछो, जो उकी सन्तान छै।

1 यहूना 5:18

हम जाणनू, कि जो कोई परमेश्वर सन्तान छै, उ पाप नै करूनो; क्याखिनकि जो परमेश्वरे की सन्तान छै, उ उनेरि रक्षा करछो, और उ शैतान ऊस छू नै पानो।

1 यहूना 5:4

क्याखिनकि जो कोई परमेश्वर की सन्तान छै, उ संसार में जीत हासिल करछो। उ जीत, जो संसार स हरा दीछी, उ हमोरो विश्वास छै।