1 पतरस 1:21 - सोरियाली नय्या नियम

²¹ जो केले मसीह ले करिना को छै उक कारण तुम अब परमेश्वर में विश्वास करछा। और तुमूले अपूनो विश्वास और आश परमेश्वर में राखिना की छै किलैकी उले मसीह स मरिनान में भटे ज्यूनो कर दीछ और ऊस महिमा दीछ।

1 पतरस 1:21 Iomraidhean Croise

मत्ती 28:18

लेकिन यीशु ले उनार पास आभेरन क्योछ, “स्वर्ग और धरती को पुरो अधिकार मैंस दी ग्योछ।

यहूना 12:44

यीशु ले भीड़ का लोगून ध्दयाभेरन क्योछ, जो मैंमें विश्वास करछो, उ केवल मैंमें नै, लेकिन उ म्यार भेजून वाला परमेश्वर में विश्वास करछो।

यहूना 14:1

तुमोरो मन परेशान और बैचेन नै हो, तुम परमेश्वर में विश्वास राखा और मैंमें ले विश्वास राखा।

यहूना 14:6

यीशु ले उथैं क्योछ, बाटो और सच्चाई और जीवन मैंई छूँ, बिना म्यारा कोई पिता का पास नै पुज सकूनो।

यहूना 17:1

यीशु ले अपून शिष्यून थैं यो बात कुना का बाद, स्वर्ग का तरफ देखिभेरन क्योछ, “हे पिता परमेश्वर, उ बखत आग्योछ, अपून च्याला की महिमा कर, कि च्योलो ले तुमेरि महिमा करो,

यहूना 17:24

फिर यीशु ले क्योछ, “हे पिता परमेश्वर मैं चाछूँ कि जिनून तुमूले मैंस दी रैछ, जा मैं छूँ, वाँ उन ले म्यारा दगाड़ हुन कि उन मेरि उ महिमा स देख सकून जो तुमूले मैंस दीछ, क्याखिनकि तुमूले संसारा का शुरू भटे मैथैं प्रेम राखछ।

यहूना 17:5

और अब हे पिता परमेश्वर, तैं अपून दगाड़ मेरि महिमा उ महिमा स कर जो संसारा का बनून है पैलि म्यारा दगाड़ तेरि छी।”

यहूना 3:34

क्याखिनकि जैस परमेश्वर ले भेज रैछ, उ परमेश्वर की बातुन करछो। क्याखिनकि यो उई जैस परमेश्वर ले पवित्र आत्मा भरपूरी ले दीछो।

प्रेरितून का काम 2:24

लेकिन परमेश्वरे ले ऊस मौत का दर्द भटे छुड़ाभेरन मरिनान में भटे ज्यून कर दीछ, क्याखिनकि उ बिल्कुल मुशकील छ्यो कि मौत ऊस अपून बंधन में राँख सको।

प्रेरितून का काम 3:13

हमोरो परमेश्वर जो कि अब्राहम और इसहाक और याकूबो को परमेश्वर छै, हमार पुरखान का परमेश्वर ले अपून सेवक यीशु मसीह की महिमा करछ्य, लेकिन तुमून ले ऊस मरवा डालून खिन रोमी अधिकारीन का हवाला कर दीछ, और जब पिलातुस ले ऊस छोड़ना को विचार करछ्य, तब तुमूले उक सामुनि यीशु को बिरोध करछ्य।

प्रेरितून का काम 3:15

और तुमूनले जो लोगून अनन्त जीवन दीछो ऊस मरवा दीछ, जैस परमेश्वरले मरिनान में भटे ज्यून करछ्य, जैक हम सब गवाह छै।

प्रेरितून का काम 4:10

तो तुम सब और पुर इस्राएली देशा का लोग जाण लीन, कि यो नासरत गौंक यीशु मसीहक नामले करि ग्योछ। उई यीशु स तुम लोगून ले सूली में लटका दीछ, लेकिन परमेश्वरले ऊस मरिनान में भटे ज्यून करछ्य। आज उई नामाका द्वारा यो आदिमी तुमार सामुनि चंगो होभेरन ठाड़ छै।

रोमियून 10:9

उद्धार खिन, अगर तैं अपून मुँख ले यीशुस प्रभु जाणिभेरन लोगून का सामुनि मान ले और अपून मन में यो विश्वास करा, कि परमेश्वरे ले यीशुस मरिन में भटे ज्यून करछ्य, तो परमेश्वर त्येरो जरूर उद्धार करोलो।

रोमियून 4:24

लेकिन हमून खिन ले छै, अगर हम ले परमेश्वर में विश्वास करला, जेले हमार प्रभु यीशु स मरिन में भटे ज्यून करछय, त हम ले विश्वास का कारण धर्मी गिनी जूला।

2 कुरिन्थियून 6:15

और मसीह को दुष्ट शैताना का दगाड़ की लगाव? या विश्वासी का दगाड़ अविश्वासी को की नाता?

इफिसियून 1:15

येक कारण, जब भटे मैंले प्रभु यीशु में तुमार विश्वास और परमेश्वरा का लोगून खिन तुमार प्रेम बारिमें सुणभेरन,

कुलुस्सियून 1:27

परमेश्वर ले यो फैसला लीछ कि उक लोग कीमती और महिमा वाली गुप्त रहस्य स जाण सकूँन, जो सब लोगून खिन उक पास छै। यह गुप्त रहस्य मसीह खुद छै जो तुमून में रूछो, केवल उई महिमा खिन हमरि एकमात्र उमीद छै।

1 तीमुथियुस 1:1

यो चिठ्ठी पौलुसा का तरफ भटे छै, मैंस मुक्तिदाता परमेश्वरा का अधिकारा का द्वारा और मसीह यीशु जैमें हम आश राखनू प्रेरित बनून खिन नियुक्त कर रैछ।

1 तीमुथियुस 3:16

और येमें कोई शक नाहातिन की जो शिक्षा परमेश्वर दी राख्यान उन पुर तरीका ले सही छन, मतलब मसीह आदिमी का रूप में प्रगट भ्योछ, यो उक बारिमें पवित्र आत्मा का द्वारा साबित भ्योछ कि उ परमेश्वरो को च्योलो छै, स्वर्गदूतून ले ऊस देखछ्य, और प्रेरितून ले उक बारिमें सुसमाचार सब जातिन में सुणाछ, और संसारा का सब जातिका लोगून ले उमें विशवास करछ्य, और परमेश्वर ले ऊस स्वर्ग में उठा लीछ।

इब्रानियों 2:9

लेकिन हम यीशु स देखनू! ऊस थ्वाड़ा बखत खिन स्वर्गदूतून है थ्वाड़ा कम कर दी ग्योछ, ताकि परमेश्वरा का अनुग्रह ले उ सबून खिन मर ज्यो। और येक कारण उले दुख उठाछ और मरग्यो, संसारा का सब लोगून खिन मरग्यो। परमेश्वर ले ऊस महिमा और आदर दीछ।

इब्रानियों 6:1

येक कारण जब हमून सबून है पैलि मसीह का बारिमें सिखाई ग्योछ, उनी बुनियादी शिक्षान दोहराते नै रौ; आ हम मसीह का शिक्षा है अघिल बढ़भेरन शिक्षान का बारिमें बातचीत करा। हम अपून पापी आदतून, जो मौता का तरफ ली जानान, पश्चाताप कसकैं करूनो चैछो, और परमेश्वर में विश्वास करूना का बारिमें,

इब्रानियों 7:25

येक कारण जो यीशु मसीह का द्वारा परमेश्वरा का पास उनान, उ उनोरो पुरो-पुरो उद्धार कर सकछो, किलैकी उ उनून खिन बिनती करून खिन हमेशा ज्यूनो छै।

1 पतरस 1:11

मसीह को आत्मा उनूनमें छ्यो और उनून बतून मरैछ्यो कि मसीह कसीकैं दुख उठालो और फिर ऊस भौत ठूलो सम्मान दीई जालो। येक कारण उनूनले यो पतो लगूना की कोशिश करछ्य कि मसीह को होलो और यो सब कब होलो।

1 पतरस 1:3

हम परमेश्वरो को धन्यावाद करनू, जो हमार प्रभु यीशु को पिता छै, जैले अपूनी बड़ी दया ले हमून एक नय्या जीवन दीछ। किलैकी परमेश्वरेले यीशु मसीह स मरिनान में भटे ज्यून करछ्य, उले हमून निडर होभेरन जीना का काबिल बनाछ; यो कि उन चीजून पाना की पुरी उम्मीद कर सकनू जो उले हमून दीना को वादा करिना को छै।

1 पतरस 3:22

और उ स्वर्ग में न्हैग्यो। अब उ वाँ परमेश्वरा का दैंन तरफ सबून है ऊँचा जाग में छै, और उ सब स्वर्गदूतून और सब अधिकारीन और सब शक्तिन में राज्य करछो।