1 पतरस 1:13 - सोरियाली नय्या नियम

¹³ येक कारण, अपून मनून तैयार करा जसीकैं लोग काम करून खिन तैयार हुन खिन अपूनी कमर कसनान। मतलब यो कि, जो कुछ तुम सोचछा उमें तुमून काबू राखून चैछो, और इसो करभेरन अपून जीवन को संचालन पुरी तरीका ले और आत्मविश्वास का दगाड़ करा, उ उद्धार स पाना की आश राखभेरन जो परमेश्वर अनुग्रह ले तुमून देलो जब यीशु मसीह स्वर्ग भटे वापस आलो।

1 पतरस 1:13 Iomraidhean Croise

मत्ती 20:4

और उनूनथैं क्योछ, ‘तुमूले म्यारा अंगूर का बगीच में जा, जो ठीक होलो उ मजूरी तुमून ले द्यूलो। तब उन ले काम करून खिन जानान।

लूका 12:35

“परमेश्वरा का काम खिन हमेशा तैयार रौ, जसीकैं काम करून खिन लोग कमर कसभेरन सारी रात दीया जलाभेरन तैय्यार रूनान।

लूका 17:30

और उ दिन ले इसो होलो, जब मैं आदिमी को च्योलो एकदम दुबारा वापस उलो।

लूका 17:8

नै, पर उ कलो, कि मैं खिन खान खिन बनौ, और तब तक मेरि सेवा करून खिन तैयार हो ज्या; और उक बाद तैंले खा-पी लिये।

रोमियून 13:13

आ हम लोगून का नियाती जिन शुरू कर दीया, जो उज्याला में रूनान लेकिन अन्यारा में नै। हमून नै रंगरलियों में, और पियक्कड़पन में, नै ब्यविचार में, और नै लुचपन में, और नै झगड़ा और डाह में जीन्दगी जिन चैछी।

रोमियून 8:19

क्याखिनकि पुर संसार ठूली आश लगाभेरन उ बखतो को इन्तजार करूनमर्योछ कि कब परमेश्वर अपूनो सन्तानून प्रगट करोलो।

1 कुरिन्थियून 1:7

यो कारण छै, कि जब तुम हमार प्रभु यीशु मसीह का वापस उनाको इन्तजार करनै रूछा, और अब तुमार पास उ आत्मिक बरदान छन जिनेरी तुमून जरूरत छै।

1 कुरिन्थियून 13:13

येक कारण, अब, इन तीन प्रकार का कामून हमून करूनो चैछो: परमेश्वर में विश्वास करा, परमेश्वरा का वादान में आश राखा, और दुसरा थैं प्रेम करूनो। लेकिन इन तीन में भटे, एक्कै सबून ठूलो छै कि दुसरान थैं परमेश्वर स प्रेम करूनो।

इफिसियून 6:14

येक कारण परमेश्वर की सच्चाई स अपून कमर में बैल्टा का नियाती बाँद ली, और अपून निका ब्यवहार स कवच नियाती पैन ली।

कुलुस्सियून 3:4

जब मसीह, जो तुमून नय्या जीवन दीछो, जब उ यो संसार में वापस आलो, तब तुमूले उक दगाड़ आला और तुम उकी महिमा में भागीदार होला।

2 थिस्सलुनीकियों 1:7

उ तुमून चैन द्योलो जो अब दुख उठूनै रूनान, और हमून ले, यो तब होलो जब प्रभु यीशु अपून सामर्थी स्वर्गदूतून का दगाड़ स्वर्ग भटे धधकतो आग में प्रकट होलो।

2 तीमुथियुस 4:5

लेकिन तैं हर बखत अपून पास शान्त राख, और हर प्रकारा का दुखून सहन करनै रौ। तैंस कड़ी मेहनत करभेरन सुसमाचार को प्रचार करून छै और परमेश्वरो को दास हुना का नाता तैंस उन सब कामून करून छै, जो प्रभु ले तैंस सौंप रैछ।

2 तीमुथियुस 4:8

अब प्रभु ले मैं खिन ईनाम राखिना को छै, क्याखिनकि मैं इसो जीवन जी छै जो ऊस खुश करछो। हमोरो प्रभु यीशु मसीह जो सच्चाई ले न्याय करछो, उ मैंस उ दिना ईनाम द्योलो जब उ न्याय करून खिन वापस आलो। मगर यो ईनाम सिर्फ मैंस नी द्योलो बल्कि उनून सबून ले जो वफादारी का दगाड़ प्रभु उनाको इंतजार करून मर्यान।

इब्रानियों 10:35

येक कारण जब लोग तुमून सताला, त अपून विश्वास में मजबूत बनिना का रया ताकि तुमून परमेश्वरा तरफ भटे एक ठूलो फल मिलोलो।

इब्रानियों 3:6

लेकिन मसीह एक च्याला का नियाती परमेश्वरा का घरो को हक्कदार छै और हम उक घरा का लोग छा। अगर हम अपूनो साहस और उ आश में विश्वास स बनाईना को राखनू त हमी उक घर छा।

इब्रानियों 6:19

जसीकैं एक ठूलो टुकूड़ो स जियोड़ा में बाँदीभेरन नाव स रोकछी और मजबूत राखछी, उसीकैं यो आश हमार जीवन स रोकछी और मजबूत बना राखछी। जैमें हम आश करनू उ यीशु छै; जो स्वर्ग में महापवित्र जाग में परमेश्वरा का पास ग्योछ।

इब्रानियों 9:28

उसीकैं, मसीह ले सब लोगून का पापून अपून मलिमें लीभेरन एक बार बलिदान हो ग्यो। जब उ दुबारा आलो तब उ पापून खिन बलिदान हुन खिन नी आलो बल्कि उनून बचुन खिन जो उको इंतजार करून मर्यान।

1 पतरस 1:10

यो उद्धार कुछ इसो छ्यो जैका बारिमें परमेश्वरो को संदेश दिनवाला लोग और ले ज्यादा जाणून चाँछ्या। उनूनले बताछ कि कसीकैं परमेश्वर तुमून बचुन खिन तुमार प्रति दयालु तरीका ले काम करोलो जैखिन तुम योग्य नाहातिन। उनूनले जबाब खोजून खिन भौत सावधानी ले जाँच करछ्य।

1 पतरस 3:15

बल्कि तुमून मसीह स प्रभु जाणभेरन अपून जीवन में उकी अराधना करूनी चैछी। अगर कोई उ आश का बारिमें के पुछो, जो हम सब विश्वासी हुना का नाता आपस में साझा करनान, त हमेशा ऊस समझून खिन तैयार रौ, और इस तरीका ले ब्यवहार करा कि तुम दोषी महसूस जन करा और हमेशा उई करा जो सही छै। फिर अगर लोग तुमार खिलाफ बुरा बोलनान, त उनी शर्मिदा होला जब उन मसीह का दगाड़ तुमार सम्बंध का कारण तुमार निका ब्यवहार स देखाला।

1 पतरस 4:7

सब बातुन को अन्त तुरन्त हुनवालो छै; येक कारण अपून-आप में काबू करभेरन और सच्चाई का दगाड़ प्रार्थना में लाग रौ।

1 पतरस 5:12

मैंले यो चिठ्ठी थ्वाड़ा शब्दून में सिलवानुस की मद्दत ले लिखछै और तुमून भे ज छै। मैं ऊस मसीह में एक विश्वासयोग्य भाई का रूप में मानछूँ। मेरो यैसे लिखनाको मक्शद तुमून उत्साहित करून और तुमून विश्वास दिलून छै कि जो कुछ ले तुम महसूस करून मरेछा उ सच्ची में तुमार प्रति परमेश्वरो को अनुग्रह को हिस्सा छै। यो अनुग्रह में मजबूत बनिनाका रौ।

1 पतरस 5:8

हमेशा सतर्क रौ और जागनै रौ, किलैकी शैतान, तुमोरो दुश्मन तुमून में हमला करून चाछो ताकि तुम परमेश्वरा का हुकुमून नै माना। उ फाड़ खान वाला बाघका नियाती छै, जो अघिल-पछिल घुमछो और देखनै रूछो कि उ कैस खूँ।

1 यहूना 3:3

और जो कोई मसीह की आश राखछो, उ अपून आपस ऊसो पवित्र करछो, जसो उ पवित्र छै।