1 पतरस 1:10 - सोरियाली नय्या नियम

¹⁰ यो उद्धार कुछ इसो छ्यो जैका बारिमें परमेश्वरो को संदेश दिनवाला लोग और ले ज्यादा जाणून चाँछ्या। उनूनले बताछ कि कसीकैं परमेश्वर तुमून बचुन खिन तुमार प्रति दयालु तरीका ले काम करोलो जैखिन तुम योग्य नाहातिन। उनूनले जबाब खोजून खिन भौत सावधानी ले जाँच करछ्य।

1 पतरस 1:10 Iomraidhean Croise

मत्ती 13:17

क्याखिनकि मैं तुमूनथैं सच्ची कुंछू, भौत परमेश्वरो को संदेश दिनवाला और धर्मी लोग चाँछ्या कि जो बातुन तुम देखछ्या उन देखून चाँछ्या, लेकिन नै देख पाया; और जो बात तुम सुणछा, उन सुणून चाँछ्या लेकिन नै सुण पाया।

मत्ती 26:24

म्यारा बारिमें पवित्रशास्त्र में जसो लिखीना को छै उ तैं पुरो होलो, लेकिन धिक्कार छै उमें जैका कारण मसीहा पकड़वाई जालो, उ खिन त योई ठीक छ्यो कि उको जन्म नी हुनो।

लूका 10:24

क्याखिनकि मैं तुमूनथैं कुछूँ कि परमेश्वरो को संदेश दिनवाला भौत लोग और राजान ले लै चाँछ कि जो बात तुम देखून मरछा उन ले देखन चाँछ्या, लेकिन नै देखी पाया, और जो बात तुम सुणछा, उन सुणन चाँछ्या लेकिन नै सुण पाया।

लूका 24:44

फिर यीशु ले उनूनथैं क्योछ, यो म्यारा उन बात छन, “जो मैंले तुमार दगाड़ छ्यूँ, तब मैंले तुमूनथैं कै राँखछ्यो, कि जरूरी छ्यो, कि जतुक बात मूसा का नियम और परमेश्वरो को संदेश दिनवाला और भजनून कि किताब में म्यार बारिमें जेले लिख रैछ, उ सब सच साबित भ्यो।”

यहूना 5:39

तुम पवित्रशास्त्र का बचन ध्यान ले पढ़भेरन खोज छा, क्याखिनकि समझछा की उमें अनन्त जीवन मिलछो, और यो उई बचन छै, जो मेरि गवै दीछो;

यहूना 7:52

उनूनले ऊस जबाब दीछ, “काँई तैंले गलीली त नाहातिनी? पवित्रशास्त्र में खोज तब तैं जाण पालै, कि गलील प्रदेश भटे कोई ले परमेश्वरो को संदेश दिनवाला पैद नै हुनो।”

प्रेरितून का काम 10:43

उनार बारिमें सब परमेश्वरो को संदेश दिनवालान ले गवाही दीछ कि जो लै उमें भरोस राखाला, उनुस उनार जरियाले पापून कि माफी मिलेली।

प्रेरितून का काम 17:11

इन लोग त थिस्सलुनी का शैहरा का यहूदीन है भला छ्या और उनूनले भौत लालसा ले वचन मानछ्य, और हरेक दिन पवित्रशास्त्र में खोजनै रूछ्या जो पौलुसले उनून सिखाछ उ बात वाँ छनी या नाहातिन।

प्रेरितून का काम 28:23

तब यहूदीन ले पौलुस का दगाड़ मिलना को दिन तय करछ्य। और उ दिन कई लोग जाँ उन रूकीना का छ्या, वाँ उन आयान। पौलुसले रात्तै भटे ब्याला तक उनून परमेश्वरा का राज्य बारिमें मूसा का नियम-कानून और परमेश्वरा का संदेश दिनवालान की किताबून में भटे बताछ। उले इसो येक कारण करछ्य ताकि उन लोग यीशुक बारिमें विश्वास करून।

प्रेरितून का काम 7:52

परमेश्वरा का संदेश दिनवाला सब लोगून तुमारा पुरखानले सताछ। उनूनले उन परमेश्वरा का सन्देश दिनवालान मार डालछ्य जिनूनले जो उ धर्मी छै जैकी उनाकी भविष्वाणी करछ्य। और जब उ आछ, त तुमूले ले ऊस ध्वाक दीछ और उकी हत्या कर दीछ।

इब्रानियों 11:13

इन सबै लोग जिनूनले परमेश्वर में विश्वास करछ्य, उन चीजून पाईन बिना मर ग्या जैको वादा परमेश्वरेले करिना को छ्यो। लेकिन उन यो बात स समझ ग्या कि परमेश्वर ऊँन वाला बखत में कि करोलो। उनूनले यो बात ले समझ लीछ कि हम यो धरती में अजनबी और परदेशी छा।

इब्रानियों 11:40

किलैकी परमेश्वरा का पास सिर्फ उनून खिन नै, बल्कि हमून खिन ले एक बड़िया योजना छै। परमेश्वर उनून सिर्फ हमार दगाड़ मिलाभेरन सिद्ध बनूनो चाछो।

1 पतरस 1:11

मसीह को आत्मा उनूनमें छ्यो और उनून बतून मरैछ्यो कि मसीह कसीकैं दुख उठालो और फिर ऊस भौत ठूलो सम्मान दीई जालो। येक कारण उनूनले यो पतो लगूना की कोशिश करछ्य कि मसीह को होलो और यो सब कब होलो।

1 पतरस 1:13

येक कारण, अपून मनून तैयार करा जसीकैं लोग काम करून खिन तैयार हुन खिन अपूनी कमर कसनान। मतलब यो कि, जो कुछ तुम सोचछा उमें तुमून काबू राखून चैछो, और इसो करभेरन अपून जीवन को संचालन पुरी तरीका ले और आत्मविश्वास का दगाड़ करा, उ उद्धार स पाना की आश राखभेरन जो परमेश्वर अनुग्रह ले तुमून देलो जब यीशु मसीह स्वर्ग भटे वापस आलो।