1 यहूना 4:4 - सोरियाली नय्या नियम

⁴ हे नान्तिनो, तुमले परमेश्वरा का बारिमें झूठ्ठा संदेश दीन वाला लोगून में जीत पाछ, क्याखिनकि पवित्र आत्मा जो तुमून में छै, उ शैतान है जो यो संसार में राजा करछो उ है महान छै।

1 यहूना 4:4 Iomraidhean Croise

यहूना 12:31

अब उ बखत आग्योछ, जब परमेश्वर संसार में लोगून को न्याय करोलो, और यीशु यो संसारा का अधिकारी शैतान की ताकत स खतम कर द्योलो।

यहूना 14:30

म्यारा पास तुमार दगाड़ बात करून खिन ज्यादा बखत नै बचियो, क्याखिनकि यो संसारो को अधिकारी शैतान ऊँन मरियोछ, और मैंमें उको कोई बश नाहतीनो।

यहूना 16:11

और न्याय का बारिमें ले यकीन दिलालो कि यो संसारा अधिकारी, मतलब शैतान स दोषी ठैराई ग्योछ।

यहूना 17:23

मैं उनूनमें और तुम मैंमें कि उन सिद्ध हो भेरन एक हो हुन, और संसार जाणौ कि तुमूले मैंस भेजछ्य, और जस तुमूले मैंस प्रेम राखछ, ऊसोई उनूनथैं प्रेम राखछ।”

रोमियून 8:31

इन सब बातुन ध्यान में राखभेरन, हम यो नतिज में पुजनू, अगर परमेश्वर हमार तरफ छै, तो कोई ले हमून हरा नै सकनो।

रोमियून 8:37

लेकिन इन सब बुरी बातुन में हमून उक द्वारा जेले हमूथैं प्रेम करछै, जीत पुरी तरीका ले हमरि छै।

1 कुरिन्थियून 2:12

हम उसकैं नै सोचना जसकैं संसारा का लोग सोचनान; किलैकी हमूनले उ आत्मा पा रैछ, जो परमेश्वरा का तरफ भटे छै, कि हम उन सब बातुन जाण सका, जो परमेश्वरेले हमून दी रैछ।

1 कुरिन्थियून 6:13

तुमूनमें भटे कुछ लोग यो कौल, कि खानो हमार शरीर खिन, और शरीर हमार खान खिन छै, यो सच्ची छै लेकिन परमेश्वर हमार शरीर स ले और खान स ले नाश कर द्योलो। शरीर ब्यभिचार खिन नै, बल्कि हमार शरीर प्रभुक छन और उकी सेवा करून खिन बनिनाक छन।

2 कुरिन्थियून 4:4

यो संसारो को ईश्वर शैतान ले उन अविश्वासीन की बुद्धि स अंधो कर दी है छै, जैका कारण उन मसीह का सुसमाचार और उकी महिमा का बारिमें नै समझ सकना कि मसीह परमेश्वरो को स्वरूप छै।

2 कुरिन्थियून 6:16

परमेश्वरा का मन्दिर में मूर्तिन की कोई जाग नाहातिन। किलैकी हम त जिन्दा परमेश्वरा का मन्दिर छा; जसो परमेश्वरेले पवित्रशास्त्र में कईना को छै, “मैं इन लोगून का दगाड़ रूलो और उनूनमें हिटूलो फिरूलो; और मैं उनोरो परमेश्वर हूँलो, और उन म्यारा लोग होलो।”

इफिसियून 2:2

उ बखत तुम यो संसारा का लोगून की नियाती जीन्दगी जी छ्या, जो परमेश्वर स नी जाण छ्या, और तुमूले उ शैतानो कि हुकमून को पालन करछ्य जो आकाश में भूतून में राजा करूनवाला प्रधान छै। जो अब उन लोगून का मनून में काम करूनमर्योछ।

इफिसियून 3:17

येक कारण विश्वास का द्वारा मसीह तुमार भितर रौ। मैं प्रार्थना करछूँ कि परमेश्वर और एक दुसरा खिन तुमोरो प्रेम तुमून मजबूत बनालो और तुमून खितीन भटे बचालो।

इफिसियून 6:10

आखरी में प्रभु की सामर्थ का द्वारा आत्मिक रूप में मजबूत बन रौ।

1 यहूना 2:1

म्यारा प्यारा नन्तिनो, मैं इन बातुन तुमून येक कारण लिखछूँ, कि तुम पाप जन करा, और अगर कोई पाप करो त पिता परमेश्वरा का पास हमोरो एक मद्दगार छै, उ यीशु मसीह छै जो हमार पापून की माफी खिन प्रार्थना करछो, उ धर्मी छै।

1 यहूना 2:13

हे म्यारा बुजुर्गो, मैं तुमून येक कारण लिखछूँ, किलैकी तुम मसीह स जाणछा जो पैलि भटे छै। हे जवान नान्तिनो, मैं तुमून येक कारण लिखछूँ, कि तुमले उ शैतान में जीत पाछ, हे नान्तिनो, मैंले तुमून येक कारण लिखछ्य, कि तुम पिता परमेश्वर स जाण गैछा।

1 यहूना 3:24

और जो परमेश्वरो को हुकमून को पालन करछो, उ परमेश्वर में, और परमेश्वर उमें बनिना को रूछो; और येले उ पवित्र आत्मा जो उले हमून दी रैछ, हम जाणनू कि परमेश्वर हमून में बनिना को रूछो।

1 यहूना 4:13

येले हम जाणनू, कि हम परमेश्वर में बनिना का रूनू, और परमेश्वर हमून में बनिना को रूछो; क्याखिनकि उले अपूनो पवित्र आत्मा हमून दी रैछ।

1 यहूना 4:16

हम निकी कै जाणनू और विश्वास ले करनू कि परमेश्वर हमूनथैं प्रेम राँखछो। परमेश्वर प्रेम छै; जो प्रेम में बनिना को रूछो, उ परमेश्वर में बनिना को रूछो, और परमेश्वर उमें बनिना को रूछो।

1 यहूना 4:6

हम परमेश्वरा का लोग छा। जो परमेश्वर स जाणछो, उ हमरि सुणछो; और जो परमेश्वर नै जाणनो उ हमरि नै सुणनो, इसकैं ल हम सच्चाई की आत्मा स और झूठ्ठी आत्मा स पछ्याणी लीनू।

1 यहूना 5:19

हम जाणनू, कि हम परमेश्वर भटे छा, और पुरो संसार उ शैताना का वश में छै।

1 यहूना 5:4

क्याखिनकि जो कोई परमेश्वर की सन्तान छै, उ संसार में जीत हासिल करछो। उ जीत, जो संसार स हरा दीछी, उ हमोरो विश्वास छै।

प्रकाशितवाक्य 12:11

उनून उ मेम्ना का खून की सामर्थ ले हराछ। जो उनून उनार पापून छुड़ून खिन मर गैछ्यो। उनूनले ऊस हरा दीछ किलैकी उन यो कुंनै रियान कि मेम्‍ना उनोरो परमेश्वर छै। याँ तक कि मार डाली ग्यान, लेकिन उन यो कुंन है पछिल नै हटिया।