1 यहूना 4:2 - सोरियाली नय्या नियम

² परमेश्वरो को आत्मा तुम येले जाण सक्छा जो कोई यो मानछो कि यीशु मसीह आदिमी का शरीर में हो भेरन आछ, उ परमेश्वरा का तरफ भटे छै।

1 यहूना 4:2 Iomraidhean Croise

यहूना 1:14

और बचन एक आदिमी बनछै; और अनुग्रह ले और सच्चाई भरिभेरन हमार बीच में डेरा करछ्य, और हमूले उकी इसी महिमा देखछ्य, जसीकैं पिता परमेश्वरा का तरफ भटे आईना का एकलौता च्याला की महिमा।

1 कुरिन्थियून 12:3

येक कारण मैं चाछूँ कि तुम जाण ली, जो कोई परमेश्वरै का आत्मा का अगुवाई ले बोलछो उ नै कुंनो कि यीशु श्रापित छै; और नै कोई पवित्र आत्मा का बिना कै सकनो कि “यीशु प्रभु छै।”

1 तीमुथियुस 3:16

और येमें कोई शक नाहातिन की जो शिक्षा परमेश्वर दी राख्यान उन पुर तरीका ले सही छन, मतलब मसीह आदिमी का रूप में प्रगट भ्योछ, यो उक बारिमें पवित्र आत्मा का द्वारा साबित भ्योछ कि उ परमेश्वरो को च्योलो छै, स्वर्गदूतून ले ऊस देखछ्य, और प्रेरितून ले उक बारिमें सुसमाचार सब जातिन में सुणाछ, और संसारा का सब जातिका लोगून ले उमें विशवास करछ्य, और परमेश्वर ले ऊस स्वर्ग में उठा लीछ।

1 यहूना 1:2

यो आदिमी जो जीवन दीछो, उ संसार में आछ, और हमूले ऊस देखछ्य, और उकी गवाही दीनू, और तुमून उ अनन्त जीवन का बारिमें बतूनू जो पिता परमेश्वरा का दगाड़ छ्यो और हमून में प्रगट भ्योछ।

1 यहूना 2:23

जो च्याला को इन्कार करछो, उक पास पिता परमेश्वर ले नाहातिन; जो च्याला स मान ल्हीछ, उक पास पिता परमेश्वर ले छै।

1 यहूना 4:15

जो कोई यो मान लीछो, कि यीशु ही परमेश्वरो को च्योलो छै परमेश्वर उमें बनिना रूछो, और उ परमेश्वर में बनिना को रूछो।

1 यहूना 4:3

और जो कोई यीशु स नै माननो, उ परमेश्वरा का तरफ भटे नाहातिन, और यो उई मसीह विरोधी आत्मा छै, जैक बारिमें तुमले सुण रैछ यो मसीह विरोधी उनवालो छै जो ऐल ले संसार में छै।

1 यहूना 5:1

जो आदिमी स यो विश्वास छै कि यीशु ही मसीह छै उ परमेश्वर सन्तान छै; और जो कोई पिता परमेश्वर स प्रेम करछो, त उ दुसारा ले प्रेम करछो, जो उकी सन्तान छै।

2 यहूना 1:7

मैं यो येक कारण कुनमर्यू क्याखिनकि भौत सारा झूठ्ठी शिक्षा दिनवाला लोग यो संसार में आ ग्यान, और उन कुंनान यीशु मसीह यो संसार में आदिमी शरीर में नै आयो। हो भेरन आछ, अगर कोई आदिमी इसो कुंछो, उ मसीह विरोधी छै जो लोगून हमेशा ध्वाका दीछो।