1 यहूना 3:3 - सोरियाली नय्या नियम

³ और जो कोई मसीह की आश राखछो, उ अपून आपस ऊसो पवित्र करछो, जसो उ पवित्र छै।

1 यहूना 3:3 Iomraidhean Croise

मत्ती 5:48

येक कारण चैछो कि तुम सिद्ध बना, जसो तुमोरो स्वर्गीय पिता सिद्ध छै।

लूका 6:36

जसो तुमोरो पिता परमेश्वर दयालु छन उसीकैं तुम ले दयालु बँन्या।

यहूना 17:19

और उनार फैद खिन मैं अपून आपस अलग करछूँ, ताकि उन ले सत्य का द्वारा पवित्र करि जून।

प्रेरितून का काम 15:9

परमेश्वर खिन हमार और उनार बीच में के फरक नाहातिन। जसीकैं उनूनले हमार पाप माफ कर्यान, उसीकैं उनार पाप लै माफ कर्यान, क्याखिन उनूनले यीशु में भरोस करछ्य।

रोमियून 15:12

और फिर परमेश्वरो को संदेश दिनवालो यशायाह ले पवित्रशास्त्र में लिख रैछ, यिशै को बंश भटे एक आलो, और गैर-यहूदी लोगून में राजा करोलो, उमें गैर-यहूदी लोग आश राखाँला की उ उनून बचालो।

2 कुरिन्थियून 7:1

हे प्रिय विश्वासी भाईयो, जब परमेश्वरेले हमूनथैं यो वादा करछ्य, त आ हम अपून शरीर और मनस हर प्रकारा का बुराई भटे अपूनास दूर राखा, और परमेश्वरो को डर मानभेरन हमून पुर तरीका ले पवित्र जीवन जीना की कोशिश करून चैछी।

कुलुस्सियून 1:5

तुम यो येक कारण करछा, क्याखिनकि विश्वास और प्रेम की बुनियाद में छै, जो तुमून खिन स्वर्ग में राखिना की छै, जैका बारिमें तुम पैलि भटे सुण चुक गैछा,

2 थिस्सलुनीकियों 2:16

हम प्रार्थना करनू हमार प्रभु यीशु मसीह थैं और हमार पिता परमेश्वर थैं जेले हमूनथैं प्रेम करछ्य, और जेले अपून अनुग्रह का द्वारा हमून अनन्तकाल खिन तसल्ली और उत्तम आश दी रैछ।

तीतुस 3:7

जैले हम उ अनन्त जीवन स पाना की आश राखभेरन जो परमेश्वर ले हमून अपूनी संतान का रूप दीना को वादा करछ्य। और येका बारिमें हम जाण सकनू क्याखिनकि परमेश्वर ले अपून अनुग्रह का द्वारा हमून अपून दगाड़ सही ठैहराछ।

इब्रानियों 12:14

सबून का दगाड़ मेल मिलाप राखा, और पवित्र जीवन जीन खिन हर तरीका ले कोशिश करनै रौ। जैका बिना कोई प्रभु स कभै ले नै देख सकनो।

इब्रानियों 6:18

त फिर याँ द्वी बातुन को जिकर छै, एक परमेश्वरो को वादा और दुसरी उकी कसम, जो कभै नै बदली सकूनो और जिनारा बारिमें परमेश्वर कभै झूठ नै के सकनो। येक कारण हम जो परमेश्वरा का पास सुरक्षा पान खिन आईना का छा और जो आश उले हमून दी रैछ, ऊस थामिना का छा, और हम भौत खुश छा।

इब्रानियों 7:26

इसो महायाजक हमेरि जरूरत स पुरो कर सकछो, जो पवित्र हो, जैमें के दोष नै हो, शुद्ध हो, पापिन भटे अलग रूछो, जैस स्वर्ग भटे ऊचो करि ग्योछ।

याकूब 4:8

परमेश्वरा का नजिक आ, त उले तुमारा नजिक आलो। हे पापियों, अपून जीवन स पापून भटे दूर राँखा। और ये दुगला लोगो अपून दिल पवित्र करा।

1 पतरस 1:15

लेकिन अब तुमून हर काम में जो तुम करछा पवित्र हुन चछो, जसीकैं कि परमेश्वर पवित्र छै जैले तुमून अपून बच्चा हुन खिन चुन लीछ।

1 पतरस 1:3

हम परमेश्वरो को धन्यावाद करनू, जो हमार प्रभु यीशु को पिता छै, जैले अपूनी बड़ी दया ले हमून एक नय्या जीवन दीछ। किलैकी परमेश्वरेले यीशु मसीह स मरिनान में भटे ज्यून करछ्य, उले हमून निडर होभेरन जीना का काबिल बनाछ; यो कि उन चीजून पाना की पुरी उम्मीद कर सकनू जो उले हमून दीना को वादा करिना को छै।

2 पतरस 1:4

और उकी महिमा और भलाई का कारण, उले हमून भौत महान और अनमोल बरदान दीयान, जैको उले वादा करिना को छ्यो, ये इसा वादा छन जो तुमून संसारै की बुरी इच्छान भटे बचुन में ताकतवर बनुनान, इन बुरी इच्छान पुरी करूनवाला उन लोग छन जो मसीह में विश्वास नै करना, और तुम परमेश्वरा का नियाती निका चाल-चलन में भागीदार बन गैछा।

2 पतरस 3:14

येक कारण हे म्यारा विश्वासी भाईयो, जब तुम इन बातुन को हुना को इन्तजार करून मरेछा, येक कारण इसो जीवन जीना की हर तरीका ले कोशिश करा, जो परमेश्वरेस खुश करछो और शुद्ध और बिना दोष का और एक-दुसरा का दगाड़ शान्ति ले र।

1 यहूना 2:6

जो कोई यो कूछो कि मैं उमें बनिनाको रूछूँ, त ऊस चैछो कि उ खुद ले उसीकैं रौ जसीकैं यीशु मसीह र्योछ।

1 यहूना 4:17

येले प्रेम हमून में पुरो भ्योछ, कि न्याय का दिन हमून हिम्मत मिलौ की उ हमून सजा नै द्योलो, क्याखिनकि हम मसीह का नियाती दुसरान प्रेम करनू और यो संसार में उकी नियाती रूनू।