1 यहूना 3:2 - सोरियाली नय्या नियम

² हे प्रिय दगड़ियो, अब हम परमेश्वरकि सन्तान छा, और अब तक यो प्रगट नै भ्यो कि भविष्य में हम की बनला, बश हम इतुक जाणनू कि जब उ प्रगट होलो त हम ले उक समान हूँला, क्याखिनकि हम ऊस ऊसो देखला जसो उ छै।

1 यहूना 3:2 Iomraidhean Croise

मत्ती 5:8

धन्य छन उन, जिनारा मन शुद्ध छन, क्याखिनकि उन परमेश्वर स देखाला।

लूका 17:30

और उ दिन ले इसो होलो, जब मैं आदिमी को च्योलो एकदम दुबारा वापस उलो।

लूका 20:36

फिर उन कभै नी मराला; क्याखिनकि उन स्वर्गदूत का समान होला, और मरिन में भटे ज्यून हुना ले परमेश्वर की सन्तान हो जाला।

यहूना 1:12

लेकिन जिनूनले ऊस अपनाछ, उले उनून परमेश्वरो को संतान हुना को हक दीछ, मतलब जो उमें विश्वास राखनान।

यहूना 11:52

लेकिन सिर्फ इस्राएल देशा का लोगून खिन नै। उ परमेश्वरा का और सन्तानून खिन ले मरोलो जो यो पुर संसारा में तितर-बितर हो र्यान, ताकि उनून जाम कर सको।

यहूना 17:24

फिर यीशु ले क्योछ, “हे पिता परमेश्वर मैं चाछूँ कि जिनून तुमूले मैंस दी रैछ, जा मैं छूँ, वाँ उन ले म्यारा दगाड़ हुन कि उन मेरि उ महिमा स देख सकून जो तुमूले मैंस दीछ, क्याखिनकि तुमूले संसारा का शुरू भटे मैथैं प्रेम राखछ।

रोमियून 8:16

पवित्र आत्मा खुदै हमरि आत्मा का दगाड़ गवाही दीछो, की हम परमेश्वरे की सन्तान छा।

रोमियून 8:18

मैंखिन यो बात साफ छै की जो महिमा हमून बाद में परमेश्वर दिनवालो छै, उ यो दुख भटे भौत ठुल छै जो हम अब सैहन करूनमर्यान।

रोमियून 8:19

क्याखिनकि पुर संसार ठूली आश लगाभेरन उ बखतो को इन्तजार करूनमर्योछ कि कब परमेश्वर अपूनो सन्तानून प्रगट करोलो।

रोमियून 8:29

क्याखिनकि उले जिनून पैलि भटे चुन रैछ, उनार बारिमें पैलि भटे तय करिनाको छै, कि उन उक च्याला यीशु मसीहक नियाती हो जाला ताकि यीशु मसीह इसिकै सब भाईन में ज्योठो।

1 कुरिन्थियून 13:12

यो जीवन में हम सब पुर तरीका ले नै समझना। यो कोई चीज स ऐनो में धुधलो दिखाई दीनो जसो छै। लेकिन जब हम स्वर्ग में जूला, त हम सब कुछ साफ तरीका ले समझला। यो कैथैं आमुनि-सामुनि बात करूनो जसो होलो। अब हम सब कुछ जाणनू जो परमेश्वर हमून सिखूनो चाछो। तब हम सब कुछ पुर तरीका ले जाण जियूला, जसकैं परमेश्वर हमून पुर तरीका ले जाणछो।

1 कुरिन्थियून 15:49

और जसकैं परमेश्वरे ले हमून ऊसो शरीर दीछ जसो धरतिक पैल आदिमी को छ्यो, उसीकैं हम विश्वासीन को मसीह को जसो शरीर होलो, जो अब स्वर्ग में छै।

1 कुरिन्थियून 2:9

लेकिन जसो पवित्रशास्त्र में लिखीना को छै, जो कभै आँखान ले दिखाई नै दीयो, जो कभै कानून ले नै सुणि ग्यो और जो लोगून का दिल में नै आयो, उ सब परमेश्वरेले उनून खिन तैयार करिना को छै, जो उनूथैं प्रेम करछो।

2 कुरिन्थियून 3:18

हम सब एक ऐना का नियाती छा, जो परमेश्वरा का तेज स इसा चेहरा ले देखनान जिनून में परदा पड़ीना नाहातिन, त परमेश्वर हमून लगातार बड़ीना का तेज में ज्यादा है ज्यादा अपूनी नियाती बनून मर्योछ। यो तेजोमय प्रभु थैं मिलछो, जो पवित्र आत्मा छै।

2 कुरिन्थियून 4:17

हमोरो यो नानो और पल भर को दुख हमून खिन इसी अनन्त और ज्यादा है महिमा स उत्पन्न करूनमर्योछ, जैका बारिमें हम सोच ले नै सकना।

गलातियों 3:26

जब तुमून मसीह का नाम ले बपतिस्मा दीई ग्योछ, त तुमूले मसीह का नय्या जीवन स पैन हालछ्य जसीकैं एक आदिमी नय्या कपड़ान पैन लीछो। येक कारण, तुम सब परमेश्वर की संतान बन गैछा जब तुमूनले यीशु मसीह में विश्वास करछ्य।

गलातियों 4:6

क्याखिनकि हम उक बच्चा छा येक कारण परमेश्वर ले अपून च्याला का आत्मा स हमार दिलून में भेजभेरन, जो परमेश्वर स “हे अब्बा! हे बबा!” कैभेरन ध्द्यूनू।

फिलिप्पिन 3:21

प्रभु यीशु मसीह अपूनी उ सामर्थ का अनुसार, जैका जरिया उ हर एक चीज स अपून बश में कर सकछो। हमार कमजोर शरीरो को रूप बदलभेरन, अपूनी महिमा का शरीरा का अनुसार बदल द्योलो।

कुलुस्सियून 3:4

जब मसीह, जो तुमून नय्या जीवन दीछो, जब उ यो संसार में वापस आलो, तब तुमूले उक दगाड़ आला और तुम उकी महिमा में भागीदार होला।

इब्रानियों 9:28

उसीकैं, मसीह ले सब लोगून का पापून अपून मलिमें लीभेरन एक बार बलिदान हो ग्यो। जब उ दुबारा आलो तब उ पापून खिन बलिदान हुन खिन नी आलो बल्कि उनून बचुन खिन जो उको इंतजार करून मर्यान।

2 पतरस 1:4

और उकी महिमा और भलाई का कारण, उले हमून भौत महान और अनमोल बरदान दीयान, जैको उले वादा करिना को छ्यो, ये इसा वादा छन जो तुमून संसारै की बुरी इच्छान भटे बचुन में ताकतवर बनुनान, इन बुरी इच्छान पुरी करूनवाला उन लोग छन जो मसीह में विश्वास नै करना, और तुम परमेश्वरा का नियाती निका चाल-चलन में भागीदार बन गैछा।

1 यहूना 2:28

येक कारण हे नान्तिनो, मसीह का दगाड़ बनिना रौ; कि जब उ दुबारा आलो त हमून हिम्मत मिलेलि, और हम मसीह उन में उक सामुनि शर्मिदा नी हूँला।

1 यहूना 2:7

हे म्यारा प्रिय दगड़ियो, मैं तुमून कोई नय्या हुकुम नै लिखनू, लेकिन उई पुरानो हुकुम जो शुरू भटे तुमून मिलीना को छै; यो पुरानो हुकुम उई वचन छै, जैस तुमले सुणि रैछ, जब तुमूनले प्रभु यीशु मसीह में विश्वास करछ्य।

1 यहूना 3:1

जरा सोचा, कि पिता परमेश्वर ले हमून कदुक प्रेम करछ्य, ताकि हम परमेश्वरा का सन्तान बना; और सच्ची में हम उक सन्तान छा ले। लेकिन यो संसारा लोग नै जाणना कि हम परमेश्वरा का सन्तान छा, क्याखिनकि उन पिता परमेश्वर नै जाणना।

1 यहूना 3:10

येलेई परमेश्वर की सन्तान और शैतान की सन्तान की पछयाण हुछी, कि जो कोई धार्मिकता काम करूछो और अपून भाई स थैं प्रेम राँखछो, उ परमेश्वर सन्तान छै।

1 यहूना 3:21

हे दगाड़ियो, अगर हमोरो मन हमून दोष नै दे त हमून परमेश्वराका सामुनि हिम्मत हुछी।

1 यहूना 5:1

जो आदिमी स यो विश्वास छै कि यीशु ही मसीह छै उ परमेश्वर सन्तान छै; और जो कोई पिता परमेश्वर स प्रेम करछो, त उ दुसारा ले प्रेम करछो, जो उकी सन्तान छै।

प्रकाशितवाक्य 2:28

मैं ऊस अपूनी जीत स दिखून खिन रात्तै को तारो ले द्यूलो।

प्रकाशितवाक्य 22:4

उन लोग परमेश्वरेस आमुनि-सामुनि दिखाला, और परमेश्वरो को नाम उनार कपाल में लिखीना को होलो।