1 यहूना 3:1 - सोरियाली नय्या नियम

¹ जरा सोचा, कि पिता परमेश्वर ले हमून कदुक प्रेम करछ्य, ताकि हम परमेश्वरा का सन्तान बना; और सच्ची में हम उक सन्तान छा ले। लेकिन यो संसारा लोग नै जाणना कि हम परमेश्वरा का सन्तान छा, क्याखिनकि उन पिता परमेश्वर नै जाणना।

1 यहूना 3:1 Iomraidhean Croise

लूका 20:36

फिर उन कभै नी मराला; क्याखिनकि उन स्वर्गदूत का समान होला, और मरिन में भटे ज्यून हुना ले परमेश्वर की सन्तान हो जाला।

यहूना 1:12

लेकिन जिनूनले ऊस अपनाछ, उले उनून परमेश्वरो को संतान हुना को हक दीछ, मतलब जो उमें विश्वास राखनान।

यहूना 11:52

लेकिन सिर्फ इस्राएल देशा का लोगून खिन नै। उ परमेश्वरा का और सन्तानून खिन ले मरोलो जो यो पुर संसारा में तितर-बितर हो र्यान, ताकि उनून जाम कर सको।

यहूना 15:21

उन यो सब म्यारा नामाका कारण तुम क्याखिनकि जै परमेश्वर ले मैंस भेज छै, उ नै जाणना।

यहूना 16:3

और उन येक कारण कराला कि उनूनले नै पिता परमेश्वर जाण छै और नै मैंस।

यहूना 17:25

हे धार्मिक पिता, संसारा का लोगून ले तुमून नै जाणियो, लेकिन मैंले तुमून जाणछ्य, और इन शिष्यून ले जाणछ्य कि तैंले मैंस भेजछ्य।

यहूना 3:16

“क्याखिनकि परमेश्वर ले यो संसार का लोगून खिन इदुक प्रेम राखछ्य कि उले अपूनो एकलौतो च्योलो दी दीछ, ताकि जो कोई ले उमें विश्वास करोलो उ नाश नी हो, लेकिन अनन्त जीवन पालो।

रोमियून 5:8

लेकिन परमेश्वर हमून में अपून प्रेम की भलाई यो तरीका ले प्रकट करछो, की जब हम पापी छ्या तभै यीशु मसीह हमून खिन मरछै।

रोमियून 8:19

क्याखिनकि पुर संसार ठूली आश लगाभेरन उ बखतो को इन्तजार करूनमर्योछ कि कब परमेश्वर अपूनो सन्तानून प्रगट करोलो।

रोमियून 8:21

कि संसार उ दिनाको इन्तजार करूनमर्योछ जब यो मौत और विनाश ले छुट भेरन परमेश्वर की सन्तानून का दगाड़ महिमामय आजादी में भागीदार हो जालि।

रोमियून 8:32

परमेश्वर ले अपून एकलौता च्याला स ले नै बचायो, लेकिन उले हमून में अनुग्रह करभेरन ऊस हमार पापून खिन अपून दुश्मनून सौंप दीछ, त उ हमून सब चीज द्योलो जेको उले वादा कर रैछ।

2 कुरिन्थियून 6:18

और मैं तुमोरो पिता हूँलो, और तुम म्यारा च्याला और चेलि होला; यो सर्वशक्तिमान प्रभु परमेश्वरो को बचन छै।”

गलातियों 3:26

जब तुमून मसीह का नाम ले बपतिस्मा दीई ग्योछ, त तुमूले मसीह का नय्या जीवन स पैन हालछ्य जसीकैं एक आदिमी नय्या कपड़ान पैन लीछो। येक कारण, तुम सब परमेश्वर की संतान बन गैछा जब तुमूनले यीशु मसीह में विश्वास करछ्य।

गलातियों 3:29

क्याखिनकि अगर तुम मसीह में एक छा, त अब तुम अब्राहम का परिवार का हिस्सा छा, और तुमून उ सब कुछ मिलोलो, जैको परमेश्वर ले अब्राहम थैं वादा करिना को छ्यो।

कुलुस्सियून 3:3

क्याखिनकि तुम त अपून पापी स्वभाव में मर गैछ्या, और तुमोरो नय्या जीवन मसीह का दगाड़ परमेश्वर में लुकीना को छै।

1 यहूना 3:10

येलेई परमेश्वर की सन्तान और शैतान की सन्तान की पछयाण हुछी, कि जो कोई धार्मिकता काम करूछो और अपून भाई स थैं प्रेम राँखछो, उ परमेश्वर सन्तान छै।

1 यहूना 3:2

हे प्रिय दगड़ियो, अब हम परमेश्वरकि सन्तान छा, और अब तक यो प्रगट नै भ्यो कि भविष्य में हम की बनला, बश हम इतुक जाणनू कि जब उ प्रगट होलो त हम ले उक समान हूँला, क्याखिनकि हम ऊस ऊसो देखला जसो उ छै।

1 यहूना 4:17

येले प्रेम हमून में पुरो भ्योछ, कि न्याय का दिन हमून हिम्मत मिलौ की उ हमून सजा नै द्योलो, क्याखिनकि हम मसीह का नियाती दुसरान प्रेम करनू और यो संसार में उकी नियाती रूनू।

प्रकाशितवाक्य 21:7

उन लोग जो दुष्ट ताकतून हरूनान, उई मैंथैं इन सब आशीषून प्राप्त करोलो और मैं उको परमेश्वर हुंलो और उ मेरो च्योलो होलो।