1 यहूना 1:7 - सोरियाली नय्या नियम

⁷ लेकिन अगर जसिकै परमेश्वर उज्याला में छै, उसीकैं हम ले उज्याला में हिटा, त हम ले एक-दुसारा दगाड़ संगति राखनू; और उको च्योलो यीशु मसीह को खून हमून सब पापून भटे शुद्ध करछो।

1 यहूना 1:7 Iomraidhean Croise

इफिसियून 5:8

क्याखिनकि तुम उन लोगून की नियाती छ्या, जो अन्धकार में रूनान, लेकिन अब प्रभु में उज्यालो छा, येक कारण उज्याला का सन्तान का नियाती जीन्दगी जीआ।

प्रकाशितवाक्य 1:5

और यीशु मसीह का तरफ भटे जैका बचन में भरोसा करि जा सकछो उई छै जो मरिना में भटे पैलो छै और उ यो संसाराक सबै राजान में राज करछो। तुमून अनुग्रह और शान्ति मिलनै रो। उ हमून प्रेम करछो और हमून बचाछ, उ अपून खूनाक द्वारा हमून हमार पापून भटे छुड़ूछो। उले हमून इसो बना दीछ, जिनोरो परमेश्वर राजा छै और उले हमून अपून पिता परमेश्वर खिन याजक बना दीछ। ऊस आदर और अधिकार हमेशा और हर बखत मिलनै रौ। आमीन।

रोमियून 13:12

यो इसो छै जसकै रात लगभग खतम हो गै, और दिन शुरू हुनवालो छै, हमून उन बुर कामून करून छोड़ दिन चैछ जो लोग अन्यारा में करनान। हमून उन हथियारून इस्तमाल करून चैछो जिनून उज्यालो में इस्तमाल करि जाछो।

इफिसियून 1:7

यीशु ले अपूनो खून बगा भेरन बलिदान दीछ, ताकि हम छुटकार पा सकां, जैको मतलब यो छै, की अब हमार पाप माफ हो ग्यान। परमेश्वरा का अनुग्रह भौते महान छै जो उले हमून में दिखाछ।

इब्रानियों 9:14

तो जरा सोचभेरन देखा कि मसीह को खून हमार दिलून उन कामून भटे कतुक शुद्ध करोलो जो मौत का तरफ भटे ली जाछो, ताकि हम जीवित परमेश्वरै की अराधना कर सका। किलैकी अनन्त आत्मा का सामर्थ का द्वारा, मसीह ले हमार पापून खिन अपूनास निर्दोष बलिदानाक रूप में परमेश्वरेस भेंट चढ़ा दीछ।

प्रकाशितवाक्य 7:14

मैंले उथैं क्योछ, “हे मालिक, मैं नै जाणनू लेकिन तै जाण छै।” उले मैंथैं क्योछ, यो सफेद कपाड़ा पैनिना लोग उन छन जिनरी मौत भौत दुख सहन करना का कारण होईना की छी। यो उन लोग छन जिनूनले मेम्ना का बलिदाना का द्वारा परमेश्वर की नजर में अपूनास शुद्ध कर ली हैछ।

1 यहूना 1:5

जो सुसमाचार हमूले यीशु मसीह थैं सुण रैछ, और तुमून सुणनू, उ यो छै; कि परमेश्वर उज्याला को जसो निको छै और उमें थ्वाड़ा ले अन्यारो नाहातिन।

1 कुरिन्थियून 6:11

तुमूनमें भटे ले पैलि कुछ लोग इसो जीवन जी छ्या, क्याखिनकि तुम प्रभु यीशु मसीहक नाम ले और हमार परमेश्वरा का आत्मा ले तुमार पापून धो दीछ, और तुमून पवित्र और धर्मी बनाछ।

यहूना 12:35

यीशु ले उनूनथैं क्योछ, “उज्यालो अब थ्वाड़ा देर तक तुमार बीच में छै, जब तक उज्यालो तुमार दगाड़ छै तब तक हिटनै रौ; इसो नै हो कि अन्यारो तुमून नाश कर द्यो; जो अन्यारा में हिटछो उन नै जाणना कि काँ जानमर्योछ।

1 यहूना 5:6

यो उई यीशु मसीह छै, जैस यो संसार में परमेश्वर ले भेजछ्य, और ऊस पानि ले बपतिस्मा दीई ग्योछ, और बाद में जब उ मरग्यो, त उको खून बग ग्यो। उ नै केवल बपतिस्मा लीन खिन आछ; बल्कि अपूनो खून बगा भेरन सूली में मर ग्यो। और पवित्र आत्मा यो गवाही दीछो कि यीशु मसीह परमेश्वरा का तरफ भटे आछ और जो पवित्र आत्मा कुंछो उ हमेशा सच्ची छै।

1 यहूना 1:3

जो कुछ हमूले यीशुक बारिमें देखछ्य और सुणछ्य उकी सुसमाचार तुमूनले दीनू, येक कारण तुम ले हमार दगाड़ संगति राँखा; और हमोरो यो दगोड़ो पिता परमेश्वरा का दगाड़ और उक च्योलो यीशु मसीहक दगाड़ छै।

प्रकाशितवाक्य 12:11

उनून उ मेम्ना का खून की सामर्थ ले हराछ। जो उनून उनार पापून छुड़ून खिन मर गैछ्यो। उनूनले ऊस हरा दीछ किलैकी उन यो कुंनै रियान कि मेम्‍ना उनोरो परमेश्वर छै। याँ तक कि मार डाली ग्यान, लेकिन उन यो कुंन है पछिल नै हटिया।

1 तीमुथियुस 6:16

और केवल उई एकमात्र छै, जो हमेशा खिन जियुनो छै, और उ इतुक चमकदार उज्याला में रूछो कि कोई ले उक नजिक नै आ सकूनो, और नै ऊस कोई आदिमी ले देखछ्य, और नै कभै देख सकूनो, उकी महिमा और सामर्थ हमेशा खिन रौली। आमीन।

1 यहूना 5:8

आत्मा, पानि, और खून; और इन तीनै एक्कै बात में सहमत छन।

याकूब 1:17

क्याखिनकि हरेक निको बरदान और हरेक भौत बड़िया दान परमेश्वरा का तरफ भटे मिलछो, जैले आकाश में उज्याला स बानाछ। उन उज्याला की परछाई बदलनै रूछी लेकिन परमेश्वर कभै नै बदलनो।

यहूना 1:29

दुसारा दिना यहूना ले यीशुस अपून तरफ ऊँन देखिभेरन क्योछ, “देखा यो परमेश्वरो को मेम्ना छै, जो संसारा का पापून उठा लिजाछो।

3 यहूना 1:4

जब ले मैं यो सुण छूँ कि उन लोग जो म्यारा नान्तिनान की नियाती छन, उन उसीकैं जीन मर्यान, जो सच्ची में परमेश्वरे ले हमून दिखाछ कि उन सच्चाईक अनुसार जीन मर्यान, त यो मैंस और ले खुश कर दीछो।

2 यहूना 1:4

जब मैंले सुणछ्य त मैं भौत खुश भ्यो, कि त्यारा कुछ नान्तिना ऊस हुकुम का अनुसार सच्चाई को पालन करभेरन जीन मर्यान, जैस हमार पिता परमेश्वर हमून करून खिन कै रैछ।

मत्ती 6:12

जसीकैं हमूले अपून अपराधीन माफ करनू, उसीकैं तैंले हमार अपराधून माफ कर।

तीतुस 2:14

यीशु मसीह ले अपून आपस हमून खिन सूली में बलिदान कर दीछ ताकि हमून हर प्रकार का बुराई भटे छुड़ा ले और हमून पापून भटे आजाद करभेरन अपून खिन एक इसी प्रजा बना ले जो भल काम करून खिन पुर जोश दगाड़ तैयार रौ।

यहूना 5:4

क्याखिनकि खास बखत में परमेश्वरो को स्वर्गदूत ताल में उतर भेरन पानि स हिलूछ्यो। पानि का हिलाई जाना का बाद, जो कोई पैलि उतर जा छ्यो, उ चंगो हो जा छ्यो, चाहे कसी ले बिमारी क्याखिन नै हो।