1 यहूना 1:6 - सोरियाली नय्या नियम

⁶ अगर हम कुंनू कि परमेश्वरा का दगाड़ हमरि संगति छै, फिरले अन्यारा में हिटूनमर्या, तो हम झूठ बोलनू और सच्चाई का अनुसार नै हिटना।

1 यहूना 1:6 Iomraidhean Croise

1 यहूना 4:20

अगर कोई कुंछो, “मैं परमेश्वर स प्रेम करछूँ,” लेकिन अपून विश्वासी भाई थैं नफरत करो; त उ झूठ्ठो छै। क्याखिनकि जो अपून विश्वासी भाई स जैस उले देख रैछ, प्रेम नै राँखूनो, तो उ परमेश्वर स जैस उले नै देख रैछ, प्रेम नै कर सकनो।

1 यहूना 2:4

जो कोई यो कूछो कि “मैं परमेश्वर स जाण गयूँ लेकिन उक हुकमून नै माननो,” उ झूठ्ठो छै और परमेश्वरा का सच्चाई का अनुसार नै चलनो।

1 यहूना 1:10

अगर कुंनू कि हमूले पाप नै कर्यो त हम परमेश्वर स झूठ्ठो ठैहरूनू, और अब तक हमून ले परमेश्वरा का बचनून नै मानियो।

यहूना 8:12

तब यीशु ले फिर लोगून थैं क्योछ, “संसार को उज्यालो मैं छूँ, जो म्यारा पछिल आलो, उ अन्यारो में नी हिटोलो, लेकिन उ, उ उज्यालो स पालो जो अनन्त जीवन दीछी।”

यहूना 12:35

यीशु ले उनूनथैं क्योछ, “उज्यालो अब थ्वाड़ा देर तक तुमार बीच में छै, जब तक उज्यालो तुमार दगाड़ छै तब तक हिटनै रौ; इसो नै हो कि अन्यारो तुमून नाश कर द्यो; जो अन्यारा में हिटछो उन नै जाणना कि काँ जानमर्योछ।

याकूब 2:14

हे म्यारा प्यारा दगड़ियो, अगर कोई क कि मैंस प्रभु यीशु में विश्वास छै लेकिन दुसरान खिन भलाई नै करनो, त ये भटे कि फैद? क्या इसो विश्वास उको उद्धार कर सकछोई?

यहूना 12:46

मैं संसार में उज्यालो हो भेरन आरयूँ ताकि जो कोई मैंमें विश्वास करोलो, उ अन्यारो में नै रौ।

1 यहूना 1:3

जो कुछ हमूले यीशुक बारिमें देखछ्य और सुणछ्य उकी सुसमाचार तुमूनले दीनू, येक कारण तुम ले हमार दगाड़ संगति राँखा; और हमोरो यो दगोड़ो पिता परमेश्वरा का दगाड़ और उक च्योलो यीशु मसीहक दगाड़ छै।

यहूना 11:10

लेकिन अगर कोई रात में हिटोलो, त ठोकर खाछो, क्याखिनकि उमें कोई उज्यालो नाहातिनो।”

याकूब 2:18

अगर कोई आदिमी कुंछो, मैं यीशु मसीह में विश्वास करछूँ, और दुसोरो आदिमी कुंछो की मैं भल काम करछूँ, “त मैं कुछूँ, कि भल काम करीन बिना तैं यो साबित कर कि यीशु मसीह में विश्वास करछै; और मैं अपून भल कामून का द्वारा यो साबित कर सकछूँ कि मैं यीशु मसीह में विश्वास करछूँ।”

1 यहूना 1:8

अगर हम कुंनू कि हमूले पाप नै कर्यो, त अपून आपस ध्वाका दीनू और हम येमें विश्वास नै करना कि परमेश्वर जो कुंछो उ सच्ची छै।

याकूब 2:16

और तुमून में भटे कोई उनूथैं क, “ परमेश्वर तुमून आशीष दे, तुम गरम-गरम कपाड़ा पैना, और पेट भर भेरन खा,” लेकिन जो चीज शरीर खिन जरूरी छै उ तुम उनून नी देला, त उ उनेरि बिल्कुल मद्दत नै करूनमर्योछ।

मत्ती 7:22

और न्याय का दिन भौत लोग मैंथै कौला, ‘हे प्रभु, हे प्रभु, क्या हमून ले त्यारा नामेंले भविष्यवाणी नै कर्या और त्यारा नामेंले भूतून नै निकाल्याई, और त्यारा नामेंले भौत चमत्कारा काम नै कर्या?’

1 तीमुथियुस 4:2

यो झूठ्ठा कपटी उई छन, जो इन झूठ्ठी शिक्षान सिखूनान। क्याखिनकि जो उनोरो जमीर सही और गलतो को फरक करछो उ मर चुक ग्योछ, जसीकैं कि कोई गरम लूवा ले उनून दागी ग्यो हो।

यहूना 8:55

और तुमूले त ऊस नै जाणना: लेकिन मैं ऊस जाणछूँ, और अगर मैं कुँ कि मैं ऊस नै जाणनू, त मैं तुमेरि नियाति झूठ्ठो ठैरूलो, लेकिन मैं ऊस जाणछूँ, और उक हुकमून में चलछूँ।