1 यहूना 1:4 - सोरियाली नय्या नियम

⁴ और यो बात हम येक कारण लिखनू, ताकि हमरि खुशी पुरी हो जौ।

1 यहूना 1:4 Iomraidhean Croise

यहूना 15:11

मैंले यो बात तुमूनथैं येक कारण क्योछ, ताकि तुमूनमें ले उई खुशी हो जो मैंमें छै, और तुम पुर तरीका ले खुश रौ।

यहूना 16:24

ऐल तक तुमून ले म्यारा शिष्य हुना का नाता ले पिता परमेश्वर थैं के नै माँगयो, पिता परमेश्वर थैं माँगला, त तुमून दीई जालो, ताकि तुम पुर तरीका ले खुश रौ।

यहूना 3:29

ब्योलो-ब्योलि का दगाड़ ब्या कर लीछो, लेकिन ब्योला को मित्र ठाड़ हो भेरन उकी सुणछो, और ब्योला की आवाज सुणभेरन खुश हुछो, उसीकैं म्येरो दिल ले खुशी ले भर ग्योछ।

2 कुरिन्थियून 1:24

येको मतलब यो नाहातिन कि हम तुमार विश्वास में अपूनो अधिकार जतुनू, किलैकी तुम अपून विश्वास में मजबूत बनिना का रूछा। लेकिन हम त तुमेरि खुशी में शामिल हो।

इफिसियून 3:19

मैं प्रार्थना करछूँ कि, तुम मसीह का उ प्रेम स जाण सका, जो आदिमी की समझ है भ्यार छै, जेले तुमेरि आदत परमेश्वरे की आदत की नियाती बन जौ।

1 यहूना 2:1

म्यारा प्यारा नन्तिनो, मैं इन बातुन तुमून येक कारण लिखछूँ, कि तुम पाप जन करा, और अगर कोई पाप करो त पिता परमेश्वरा का पास हमोरो एक मद्दगार छै, उ यीशु मसीह छै जो हमार पापून की माफी खिन प्रार्थना करछो, उ धर्मी छै।

2 यहूना 1:12

और ले कई बात छन, जो मैं तुमून लिखून चाछूँ, लेकिन मैं उनून इसीकैं एक चिठ्ठी में नै लिखून चानू। मैंस आश छै कि मैं तुमार पास आभेरन आमुनि-सामुनि बातचीत करोलो, जेलै हमरि खुशी पुरी हो जौ।