1 यहूना 1:3 - सोरियाली नय्या नियम

³ जो कुछ हमूले यीशुक बारिमें देखछ्य और सुणछ्य उकी सुसमाचार तुमूनले दीनू, येक कारण तुम ले हमार दगाड़ संगति राँखा; और हमोरो यो दगोड़ो पिता परमेश्वरा का दगाड़ और उक च्योलो यीशु मसीहक दगाड़ छै।

1 यहूना 1:3 Iomraidhean Croise

यहूना 17:11

यीशु ले क्योछ, अब मैं संसार में नै रूलो, मैं तुमार पास ऊँन मरियूँ, लेकिन म्यारा शिष्य ऐल ले संसार में छन; हे पवित्र पिता परमेश्वर, जिनून तैले मैंस दीछ अपून नाम की सामर्थ ले उनेरि रक्षा कर कि उन एक हुन जस हम एक छा।

यहूना 17:21

कि उन सब एक हुन; जसो तैं पिता परमेश्वर मैंमें रूछै और मैं तुमून में रूछो छूँ, उसीकैं उन ले हम में रून, येका कारण कि संसारा का लोग विश्वास करून, कि तैंलेई मैंस भेजछ्य।

यहूना 17:25

हे धार्मिक पिता, संसारा का लोगून ले तुमून नै जाणियो, लेकिन मैंले तुमून जाणछ्य, और इन शिष्यून ले जाणछ्य कि तैंले मैंस भेजछ्य।

यहूना 17:3

और अनन्त जीवन यो छै, कि लोग तैंस, मतलब एकमात्र सच्चा परमेश्वर स जाण सकून, और उन मैंस जाण सकून मतलब यीशु मसीह स जैस तैले भैजि रैछ।

यहूना 19:35

जै आदिमी ले यो सब कुछ देखछ्य, उले गवै दीछ, ताकि तुमूले यीशु में विश्वास कर सका। और उकी गवै सच्ची छै। और उ जाणछो कि उ सच्ची बोलछो।

प्रेरितून का काम 13:32

और हम तुमून उ वादाक बारिमें जो परमेश्वरे ले हमार पुरखानथैं करीन को छ्यो, यो सुसमाचार सुणूनू,

प्रेरितून का काम 13:41

उनूनले‍ क्योछ, ‘हे निन्दा करनवालो देखा और चकित हो और मर जा, क्याखिनकि मैं तुमार दिनून में एक काम करछूँ; इसो काम अगर कोई उक बारिमें बतालो ले तुम कभै विश्वास नी करला।’”

प्रेरितून का काम 2:42

और उन प्रेरितून थैं शिक्षा पान में और संगति करून में और प्रभु भोज में, और विश्वासी लोग एक दगाड़ खाँछ्या, और आपस में मिलभेरन प्रार्थना करछ्या।

प्रेरितून का काम 20:27

क्याखिनकि मैले तुमूनथैं केले नै लुकायो और तुमून पुरी बात बता रैछ जो परमेश्वर चाँछ्या की तुम जाणौ।

प्रेरितून का काम 4:20

किलैकी यो त हम नै कर सकना, जो हमूले देखछ सुणछै, उ हम लोगून बतून नै छोड़ सकना।”

रोमियून 15:27

उनूनले खुशी ले गरीब लोगून दान दीछ, उन यरूशलम शैहरा का रूनवाला लोगून का कर्जदार छै, किलैंकी गैर-यहूदी लोगून ले यरूशलम शैहर में रूनवाला विश्वासीन ले सुसमाचार की आत्मिक आशीष प्राप्त करछै, येक कारण उनून लागछो की येका बदला में उन कम है कम उनेरि आर्थिक मद्दत कर सकनान।

1 कुरिन्थियून 1:30

लेकिन परमेश्वर ले तुमून यीशु मसीह का दगाड़ एकजुट करिना को छै, और मसीह का द्वारा हमून अपूनो ज्ञान दीछो। परमेश्वरेले हमून उक नजरून में धर्मी बनूछो। मसीह का द्वारा हमून पवित्र बनाई जानू, और उ हमून पापून भटे छुटकारा दीछो।

1 कुरिन्थियून 1:9

परमेश्वर इसो करोलो, क्याखिनकि उ जो कुंछो ऊस उ करून में विश्वायोग्य छै, और उले तुमून अपून च्याला, हमार प्रभु यीशु मसीह का दगाड़ एक संगति में बुला रैछ।

1 कुरिन्थियून 15:1

हे म्यारा विश्वासी भाईयो, मैं तुमून उई सुसमाचार याद दिलून चाछूँ जो तुमून पैलि सुणा चुक गयूँ, जो सुसमाचार में तुमूनले विश्वास ले करछ्य और जैमें तुम मजबूत ले छा।

2 कुरिन्थियून 13:14

मैं प्रार्थना करछूँ कि प्रभु यीशु मसीह को अनुग्रह और परमेश्वरो को प्रेम और पवित्र आत्मा की संगति तुम सब का दगाड़ हुनै रौ।

इफिसियून 3:6

यो परमेश्वर की योजना छै कि यीशु मसीह का दगाड़ हमार रिश्ताका द्वारा यहूदीन का नियाती गैर-यहूदी लोग उई आशीषून पाला, और उन एक्कै शरीरो को हिस्सा छन, और उ वादा का हिस्सेदार छन, जो परमेश्वर ले यहूदी लोगून का दगाड़ करिना को छ्यो।

फिलिप्पिन 1:7

तुम सबून का बारिमें मेरि यो राई ठीक छै, क्याखिनकि मैं तुमून भौत प्रेम करछूँ, और मैं या जेल में छूँ, और सुसमाचार की सच्चाई ले जबाब दीन खिन और सच्च साबित करून खिन तुम सब म्यारा दगाड़ परमेश्वरा का अनुग्रह में सहभागी छा।

फिलिप्पिन 2:1

अगर तुम लोगून मसीह में थ्वाड़ा ले भरोस और प्रेम में तसल्ली और पवित्र आत्मा को दगाड़ छै, और किलैकी मसीह तुमून खिन करूणामय और दयालु छै,

फिलिप्पिन 3:10

मैं यो चाछूँ कि मसीह स जाणू लीयू। और उक मरिना में भटे ज्यून हुना की सामर्थ स महसूस कर सकूँ, और उक दुख में शामिल भेरन उकी मौत में उको जसो बनज्यू।

कुलुस्सियून 1:13

क्याखिनकि परमेश्वर के हमून शैतान की शक्ति है छुड़ाभेरन अपून प्रिय च्याला का राज्य में ल्याछ।

1 थिस्सलुनीकियों 1:10

और तुम स्वर्ग भटे परमेश्वरा का च्याला स वापस उनाकी उमीद करून मरेछा, जैस परमेश्वर ले मुर्दान में भटे ज्यून करछ्य, मतलब यीशु मसीह स, जो हमून परमेश्वरा का उनवाला क्रोध है बचूछो।

1 तीमुथियुस 6:2

जिनारा मालिक विश्वासी छन, इनून उन मसीह में भाई समझून और उनोरो सम्मान करून चैछो, बल्कि और बड़िया तरीका ले उनेरि सेवा करून चैछो, क्याखिनकि उनार काम ले फैदा उठून वालान विश्वासी छन जिनून उन मसीह में भाई का नियाती प्रेम करनान, तैं इन बातुन की शिक्षा और उपदेश दीया करा।

इब्रानियों 2:12

येका बारिमें मसीह परमेश्वर थैं इसीकैं कुंछो: “जो भल काम तैले मैंखिन करिना का छन, उ मैं अपून लोगून बतुलो, जब उन तेरि अराधना करून खिन जामा होला, तब मैं उनार बीच तेरि महिमा करूँलो।”

इब्रानियों 3:1

येक कारण, हे म्यारा विश्वासी भाईयो, तुमून स्वर्ग में उक दगाड़ शामिल हुन खिन बुला रैछ, उ प्रेरित और महायाजक मसीह यीशु में ध्यान दी, जो हमून खिन परमेश्वरो को सुसमाचार लीभेरन उनो वालो छै।

इब्रानियों 3:14

अगर हम अपून पैला भरोसा स आखरी तक बनाईना को राखनू, त हम मसीह का दगाड़ बनिना का रूनू।

1 पतरस 5:1

कुछ बात इसी छन जो मैं वाँक यहूदी अगुवान थैं कुंन चाछूँ किलैकी मैंले तुमोरो जैसो एक यहूदी अगुवा छूँ। मैंले खुद उन दुखून देखीना को छै जो भौत बखत पैलि मसीह ले सहन कर्यान। त मैंले उकी महिमा में भागीदार हूँलो, जब उ फिर यो संसार में वापस आलो। मैं तुमूनथैं बिनती करछूँ कि,

2 पतरस 1:16

किलैकी जब हम प्रेरितून ले तुमून हमार प्रभु यीशु मसीह की सामर्थ और वापस उनाक बारिमें बताछ, त हम तुमून चतुराई ले के बनाईना कहानी नै बतून मरैछ्या। बल्कि, हमूनले मसीह को महिमा अपूनी आँखान ले देखीना को छ्यो।

1 यहूना 1:1

हम एक आदिमी का बारिमें लिखूनमर्या, जो जीवन को बचन छै। उ दुनिया का बनून है पैलि भटे छ्यो जैस हमूले सुणछ्य और अपून आँखान ले देखछ्य, बल्कि जैस हमूले ध्यान ले देखछ्य और हातून ले छूँ रैछ।

1 यहूना 1:5

जो सुसमाचार हमूले यीशु मसीह थैं सुण रैछ, और तुमून सुणनू, उ यो छै; कि परमेश्वर उज्याला को जसो निको छै और उमें थ्वाड़ा ले अन्यारो नाहातिन।

1 यहूना 1:7

लेकिन अगर जसिकै परमेश्वर उज्याला में छै, उसीकैं हम ले उज्याला में हिटा, त हम ले एक-दुसारा दगाड़ संगति राखनू; और उको च्योलो यीशु मसीह को खून हमून सब पापून भटे शुद्ध करछो।