1 यहूना 1:2 - सोरियाली नय्या नियम

² यो आदिमी जो जीवन दीछो, उ संसार में आछ, और हमूले ऊस देखछ्य, और उकी गवाही दीनू, और तुमून उ अनन्त जीवन का बारिमें बतूनू जो पिता परमेश्वरा का दगाड़ छ्यो और हमून में प्रगट भ्योछ।

1 यहूना 1:2 Iomraidhean Croise

यहूना 1:18

परमेश्वर स कभै कैले नै देख्यो, केवल उक एकलौता च्याला ले जो वास्तव में परमेश्वर में छै, और पिता का सबून है नजिक छै, उले परमेश्वर स हमून देखाछ।

यहूना 1:4

उ जीवन को जरिया छ्यो, और उई सब लोगून उज्यालो दीछो।

यहूना 10:28

और मैं उनून अनन्त जीवन दी छूँ, और उन कभै ले नाश नी हुन, और कोई उनून म्यारा हात भटे नै छड़ा सकनो।

यहूना 14:6

यीशु ले उथैं क्योछ, बाटो और सच्चाई और जीवन मैंई छूँ, बिना म्यारा कोई पिता का पास नै पुज सकूनो।

यहूना 15:27

और तुम संसारा का लोगून म्यारा बारिमें बताला, क्याखिनकि तुम शुरू भटे म्यारा दगाड़ रैईनाका छा।

यहूना 16:28

मैं पिता का तरफ भटे आरयूँ, फिर संसार स छोड़भेरन पिता परमेश्वरा का पास जाछूँ।

यहूना 17:3

और अनन्त जीवन यो छै, कि लोग तैंस, मतलब एकमात्र सच्चा परमेश्वर स जाण सकून, और उन मैंस जाण सकून मतलब यीशु मसीह स जैस तैले भैजि रैछ।

यहूना 17:5

और अब हे पिता परमेश्वर, तैं अपून दगाड़ मेरि महिमा उ महिमा स कर जो संसारा का बनून है पैलि म्यारा दगाड़ तेरि छी।”

यहूना 19:35

जै आदिमी ले यो सब कुछ देखछ्य, उले गवै दीछ, ताकि तुमूले यीशु में विश्वास कर सका। और उकी गवै सच्ची छै। और उ जाणछो कि उ सच्ची बोलछो।

यहूना 21:14

यो तिसर बार छै, जब यीशु मरिन में भटे ज्यून हुना का बाद शिष्यून दर्शन दीछ।

यहूना 3:13

और कोई ले स्वर्ग में नै ग्यो, लेकिन केवल मैं आदिमी का च्योलो स्वर्ग भटे तलि आरयूँ।”

यहूना 7:29

लेकिन मैं जाणछूँ; क्याखिनकि मैं उक तरफ छूँ और उलेई मैंस भेज रैछ।”

यहूना 8:38

मैं उ चीजून का बारिमें बतूनमरयूँ जिनून मैंले देखछ्य जब मैं अपून पिता परमेश्वरा का दगाड़ छ्यूँ, लेकिन तुम उई कुँछा जो तुमूनले अपून पिता परमेश्वर थैं सुणछै।”

प्रेरितून का काम 10:41

सब लोगून ले ऊस नै देख्यो लेकिन उन गवाहन ले जो परमेश्वर ले पैलि चुन राख छ्या, मरिनान में भटे ज्यून हुना का बाद उक दगाड़ खाछ-पीछ;

प्रेरितून का काम 2:32

योई यीशु स परमेश्वरे ले ज्यून करछ्य, जैक हम सब गवाह छा।

प्रेरितून का काम 3:15

और तुमूनले जो लोगून अनन्त जीवन दीछो ऊस मरवा दीछ, जैस परमेश्वरले मरिनान में भटे ज्यून करछ्य, जैक हम सब गवाह छै।

प्रेरितून का काम 5:32

हम इन बातुन का गवाह छा, और पवित्र आत्मा ले गवाह छै जैस परमेश्वरले उनून दीछ, जो उक हुकुम माननान।”

रोमियून 8:3

क्याखिनकि जो काम मूसा का नियम-कानून हमार पापी स्वभाव का कारण कमजोर होभेरन नै कर सक्याँ, ऊस परमेश्वर ले करछ्य, मतलब जेले हमार पापून का माफी खिन अपून च्याला यीशु मसीह स बलिदान हुनखिन भेज दीछ, और जेले हम पापी आदिमीन का नियाती शरीर में रैभेरन करछ्य, इसिकै परमेश्वरे ले यीशु मसीहक शरीर में पापै की सामर्थ स तोड़भेरन सजा दीछ।

गलातियों 4:4

लेकिन जब सही बखत आछ जैकी योजना परमेश्वर ले बनाईना छी, त परमेश्वर ले खुद अपून च्याला का यो संसार में भेजछ्य, और उले आदिमी रूप में जन्म लीछ। उ एक यहूदी परिवार में पैद भ्योछ और मूसा का नियम-कानून का पालन करछ्यो।

1 तीमुथियुस 3:16

और येमें कोई शक नाहातिन की जो शिक्षा परमेश्वर दी राख्यान उन पुर तरीका ले सही छन, मतलब मसीह आदिमी का रूप में प्रगट भ्योछ, यो उक बारिमें पवित्र आत्मा का द्वारा साबित भ्योछ कि उ परमेश्वरो को च्योलो छै, स्वर्गदूतून ले ऊस देखछ्य, और प्रेरितून ले उक बारिमें सुसमाचार सब जातिन में सुणाछ, और संसारा का सब जातिका लोगून ले उमें विशवास करछ्य, और परमेश्वर ले ऊस स्वर्ग में उठा लीछ।

2 तीमुथियुस 1:10

लेकिन अब हमार मुक्तिदाता यीशु मसीह आ ग्यान, और उले हमून में अपूनो अनुग्रह करछ्य, जैले मौत की ताकत स नाश कर दीछ और सुसमाचारा का द्वारा हमून अनन्त जीवन को बाट दिखाछ।

तीतुस 1:2

येक कारण उन परमेश्वरा का दगाड़ हमेशा खिन रून की आश करनान, क्याखिनकि परमेश्वर जो कभै झूठ नै बोलूनो, उले संसारा बनून है पैलि वादा करिना को छ्यो कि उक लोग हमेशा खिन ज्यूना रौला।

1 पतरस 5:1

कुछ बात इसी छन जो मैं वाँक यहूदी अगुवान थैं कुंन चाछूँ किलैकी मैंले तुमोरो जैसो एक यहूदी अगुवा छूँ। मैंले खुद उन दुखून देखीना को छै जो भौत बखत पैलि मसीह ले सहन कर्यान। त मैंले उकी महिमा में भागीदार हूँलो, जब उ फिर यो संसार में वापस आलो। मैं तुमूनथैं बिनती करछूँ कि,

1 यहूना 1:1

हम एक आदिमी का बारिमें लिखूनमर्या, जो जीवन को बचन छै। उ दुनिया का बनून है पैलि भटे छ्यो जैस हमूले सुणछ्य और अपून आँखान ले देखछ्य, बल्कि जैस हमूले ध्यान ले देखछ्य और हातून ले छूँ रैछ।

1 यहूना 2:25

और जैको परमेश्वर ले हमूनथैं वादा करछ्य उ अनन्त जीवन छै।

1 यहूना 3:5

और तुम जाणछा, कि यीशु मसीह येक कारण आछ, कि पापून भटे छुटकारा दे, और उमें कोई पाप नाहातिन।

1 यहूना 3:8

जो कोई लगातार पाप करछो, उ शैतान का तरफ भटे छै, क्याखिनकि शैतान शुरू भटे पाप करनै आर्योछ; परमेश्वरो को च्योलो येक कारण आछ, कि शैताना का कामून नाश करो।

1 यहूना 4:14

हमूले च्याला स देख ले हालछ्य, और गवाही ले दीनू, कि पिता परमेश्वर ले च्याला स यो संसारो का लोगून खिन मुक्तिदाता हुन खिन भेज रैछ।

1 यहूना 4:2

परमेश्वरो को आत्मा तुम येले जाण सक्छा जो कोई यो मानछो कि यीशु मसीह आदिमी का शरीर में हो भेरन आछ, उ परमेश्वरा का तरफ भटे छै।

1 यहूना 5:11

और उ गवाही यो छै, कि परमेश्वरले हमून अनन्त जीवन दी रैछ, और यो परमेश्वरा का च्याला का द्वारा हमून मिलीना को छै।

1 यहूना 5:13

मैं यो चिठ्ठी तुमून येक कारण लिखूनमरयूँ कि जो परमेश्वरा का च्याला का नाम में विश्वास करनान, त तुम जाणा सका कि अनन्त जीवन तुमोरो छै।

1 यहूना 5:20

और यो ले जाणनू, कि परमेश्वरो को च्योलो यीशु मसीह आग्योछ, और उले हमून समझ ले दी रैछ, कि हम उ सच्चा परमेश्वर स पछयाणा, हम सच्चा परमेश्वरा का दगाड़ करीबी रिशता में छा क्याखिनकि उक च्योलो यीशु मसीह का दगाड़ हमोरो करीबी रिशता छै। सच्चो परमेश्वर और अनन्त जीवन योई छै।