Paul letawa sumanailala Rom bedewe waimoia mampo girumalena 8:14 - Kanasi

¹⁴ Ipawa mo mida God Aleupa banlamodio ruawantoia mo ipa God obampaida.

Paul letawa sumanailala Rom bedewe waimoia mampo girumalena 8:14 Iomraidhean Croise

Matiu 5:9

Apana mida sosou adiananantoie waimoio saumoie apana sa wanwambu dodomanasaio dealeidia, mo ipa nuaeuntompa, ipawa God mo ebou wapi wapiase, ‘Ne obainaida.’

Gagalo euda Iesu Keriso umanawa Ion girumalena 1:12

Tane mo bedeuwo isiwa mai me dabuasape epona, tane mo me ebowe sumanaintone wadane mamposaiena. Ita mo mida me bedewe insaisau itune sumanaiwantona me mukau wanamone dewamona God obampaida wanantopu.

Paul letawa sumanailala Rom bedewe waimoia mampo girumalena 8:19

Tane do nitu uduudu God dewamona onioniantoie inta ewaewantoie winei God me obampaida sabamomopia baiwa.

Paul letawa sumanailala Rom bedewe waimoia mampo girumalena 8:5

Mo mida apanaida ete insaisawa asiasi waimoia mo ideita ete ewanuauwa banlamodie wadia ruawa dewasai. Tane mo mida Aleu kakaiwa wadia rua waimoia mo insaisau ideita Aleu kakaiwa wadie banlamodio ruawa dewasai.

Paul letawa sumanailala Rom bedewe waimoia mampo girumalena 8:9

E sumanailala mai apanaida insaisawa asiasi wainipona, tane Aleu kakaiwa e banlaledio insaisawa rua wainilana, ipawa God Aleupa kakaiwa e bedelawo bola wadene wande. Tane apana mida Keriso Aleupa kakaiwa bedewe dia, me ipa mai Keriso mampea, dia.

Paul letawa sumanailala Rom bedewe waimoia mampo girumalena 9:26

Ita do God wadi wadiase, “E ipa mai ne apanana.” Tane bola ipa deawaa bedewe me apanawa diamope wapaase, “E ipa Godida wanwankasalala obampa.”

Paul letawa sumanailala Rom bedewe waimoia mampo girumalena 9:8

Gagalo ema ipawa ema epe: Mai Abraam obampa uduudu me osinawa bedewe muntoia God obampa, dia. Tane Abraam obampa isiwa Aisak bedewee God sauawa asiasi muntoia, mo ipa Abraam nosinosiwaida.

2 Korint 6:18

Do buka bedewe wadi wadiase, “Ne e Mamala wananteape ita e ebola wape wapaase, ‘E tauma ne obainaida!’ Ne ipa Tatala God mukamukaua epe wadina.”

Galasia 3:26

Ne epe wadina, ipawa e uduudu Keriso Iesu bedewee sumanai intawa asiasi God obampaida wanaitene wainilana.

Galasia 4:5

Me epe dewalena anaana no onianene taudoneno wainitana lotopiaubepie inanepio etaiate God obampaida wanantataa baiwa.

Galasia 4:6

Tane e God obampaida wanaitena baiwa me Otopa Aleupa kakaiwa wanaubeno e nuala bedeweido iene waine sidaleidie wadiase, “Aba, Mako!”

Galasia 5:16

Sa baiwa ne ema epe dialedina: E wanwanla bedewe Aleu kakaiwa banlalempe dodomanalempo wanlempa. Aleu kakaiwa e banlalempa e ando mai ete ewanuauwa kadiwa intawa asiasi aitana rua, diaida.

Galasia 5:18

Tane Aleu kakaiwa e banlalempa e mai anaana muka atowe wanleipona, dia.

Epesus 1:5

God bauta insaisawa ituna rua me no dewaneno obampaida wananten Iesu Keriso bedewe. Sa ipa dima euwa me menasana rua nuawadawadawa mampe dewasano segalen. No mai dima euda dewasapona, dia, tane God no di nuawadawadanene sonabanen. Ita me nuawa Otopaida Iesu Keriso bedewe nuawadawadawa amonawa di neneno inanten. Me epe dewasana God meba sapaidalepie ionolepia baiwa.

Epesus 5:9

Sapa apanawa eueuwau sabamosaie dewasaia ipa euda dodomana ita ulaipa mampe, mai kadi da ba laga do, diaida.

1 Ion 3:1

God no Mamamba nuawadawada inainamba dainea no baimba dewasana insene asowaida wana! Me nuawadawada ema bedewe no ebomba wane wanase, “Ne obaina!” Me epe wana, sa ipa mai aia os wapona, dia, no ipa me obampaida wainitana! Tane tawo ema osowe no ware rua wainitana, ita tawo no mai ateineipona no apa aitamana God obampa wanantene wainitana. Tawo Keriso mai ewape atensapona baiwa no do ewakoanei.

1 Ion 3:24

Apana mida God anaanawa ruawaleidia me ipa God bedewelene wande ita God me bedewe wande. God me Aleupa nenen, sa baiwa no atenten God no bedembolena wankasalepi.

Gagalo Sabamolala 21:7

Apana mida badowa enompe poka iompo nanausampa euwa uduudu ne mainawoa me mebaawa wanalepi. Ne ipa me Godiwa ita me ne otonaida.