Paul letawa sumanailala Rom bedewe waimoia mampo girumalena 4:11 - Kanasi

¹¹ Abraam etepa nosiawaia walamawe God mampe dodomanalen. Ema aupe sumanai bedewe God mampe dodomanalena baiwa me ete nonowa dewawa waden. Ema epe inta Abraam sumanai apanawa uduudu mai ete nonowa dewawa dewasapona mambu wanalen, mo God emawe sumanai mampe dodomanantopua baiwa.

Paul letawa sumanailala Rom bedewe waimoia mampo girumalena 4:11 Iomraidhean Croise

Matiu 16:16

Saimon Pita sipoalene wanase, “E ipa Keriso Inawamba, Godida wanwankasalala Otopa.”

Matiu 8:11

Ne ulaipa dialedina, apana uaraia tawo moawa uduudu bedeuwoe wimopue God gonaawa bedewe Abraam, Aisak ita Iakob do bolau imaala wineiawo wampue odantompe nuaeuntompe os waimompa.

Gagalo euda Iesu Keriso umanawa Luk girumalena 19:9

Iesu Sakaias epe wano etene nuaeulene me diene wanase, “Walama ande bedewe du ema apanawa inaida donsane God mampe dodomanantone waimoi.” Ita me Sakaias umanawa wane wanase, “Apana ema kadi dewalala, tane tauma me do Abraam otopaida wande, mai dia.

Gagalo euda Iesu Keriso umanawa Ion girumalena 3:33

Tane apana mida me benemawa etedie ruawaleidia me eueuwa mampe sabamosade God me ipa ulaipaida,

Gagalo euda Iesu Keriso umanawa Ion girumalena 3:36

Tauma me mida God Otopa sumanaiwaleidia inawinakasala donsane waden. Tane mida me Otopa aiawa mai eteipe ruawaleipona me inaida mai donsapie wadepi, dia, tane God nuakadiwa matangelawa me osowe winakasalepi.

Gagalo euda Iesu Keriso umanawa Ion girumalena 6:35

Tauma Iesu wasabamosane wanase, “Ne ipa buredida apana inawinakasala wanamodina. Mida ne mainawo iedia mai omanatopi, diaida, ita mida ne mainawo sumanaileidia mai nuawa makolepi, dia.

Gagalo euda Iesu Keriso umanawa Ion girumalena 6:40

Ita do ne Mamana waaubanena insaisawa ema epe: Apana mida me Otopa ewedie me bedewe sumanaileidia inawinakasala wadedie mampesade. Ita ne walama ompa osowe me inasapo bo bedewe enepiwisepi.”

Gagalo euda Iesu Keriso umanawa Ion girumalena 6:47

Ne ulaipa dialedina, mida sumanaileidia me inawinakasala wadedie mampesade.

Gagalo euda Iesu Keriso umanawa Ion girumalena 8:33

Tane mo Iesu sipoasane waienase, “No Abraam obampa wainitana, dima God Abraam sauasana, sa ipa no nubaamba. Ita mai dima da no taudoneipona, dia. E ambi waiana no lotonepono inantepona?”

Paul letawa sumanailala Rom bedewe waimoia mampo girumalena 10:11

Dima buka bedewe wadia rua segaleide. Epe wadi wadiase, “Apana uduudu mo mida me bedewe sumanaintoia ando mai malantopu, tane sumanaibu ipawaida ideita wadapu, mai di sumanaintoipona, dia.”

Paul letawa sumanailala Rom bedewe waimoia mampo girumalena 10:4

Ne ema epe wadina, ipawa Keriso Moses anaanawa mukawa ipasiasan ita sumanai bedewe apana God mampe dodomanantopua intawa wadenauben.

Paul letawa sumanailala Rom bedewe waimoia mampo girumalena 10:6

Ambi God mampe sumanai bedewe dodomanantataa intawa umanawa buka bedewe ema epe wadi wadiase, “Mai eba nuaawo insease, ‘Mida uboo odepi alepi?’” Sa ipa, mida odepi alepie ita Keriso banlepie iepi?

Paul letawa sumanailala Rom bedewe waimoia mampo girumalena 3:22

Apana God mampe dodomanantopua intawa me meba wadenaubene sabamosan. Inta ema bedewe apana uduudu mo mida Iesu Keriso sumanaiwantoia God do deantopu. Apana uduudu God emawe ipa deawaa, mo kadiwa dewasane ita me sapawaida ene nambeidontoiena. Mai mida da dodomana wainipona, dia.

Paul letawa sumanailala Rom bedewe waimoia mampo girumalena 3:26

Tane tauma walama ema bedewe God apana kadiu ewedie me Otopa Keriso Iesu bowa bedewe dodomanasade. Inta ema bedewe God sabamoidosan me meba ipa dodomanaida ita mo mida Iesu bedewe sumanaintoia dewamopio dodomanantopu.

Paul letawa sumanailala Rom bedewe waimoia mampo girumalena 3:30

Ipawa God dea os wande, ita me apana uduudu, Iuswa ete nonowa dewawa dewasaia ita do uwa daitada apanawa ete nonowa dewawa mai dewasaipona sumanaibu deawaa mampe dodomanamode.

Paul letawa sumanailala Rom bedewe waimoia mampo girumalena 4:10

Tane walama dainea Abraam God mampe dodomanalen? Ete nonowa dewawa muriwe, ba bauta me God mampe dodomanalen? Me bauta dodomanalen ita muriwa ete nonowa dewawa dewasan.

Paul letawa sumanailala Rom bedewe waimoia mampo girumalena 9:30

Dewa ema ipawaida dima? No ema epe eweitana: Uwa daitada apanawa God mampe dodomanantopona mai banuwa inseipe, tane ideita mo inta donsane sumanai bedewe God mampe dodomananton.

Paul letawa sumanailala Rom bedewe waimoia mampo girumalena 9:33

Seu sa umanawa buka bedewe wadi wadiase, “Ewana, ne seu bola Saion bedewe itudina. Seu ipa sa apana bagoramopio omepu, ita seu ema osowe mo ampupare kadi donsapu. Tane mida me bedewe sumanaileidia ando mai malalepi, tane sumanaiwa ipawaida ideita donsapie wadepi, mai di sumanaileipona, dia.”

Paul letawa sumanailala Rom bedewe waimoia mampo girumalena 9:6

Mai insenase, dima God Israel mampo sauawalena ipasialen. Sa dia, ipawa mai Israelwa uduudu ipa God apanawaida, dia.

2 Korint 1:22

Do me lomisanen, tauma no me mampeaida wainitana. Ita me Aleupa kakaiwa neneno nuambo wande. Sa ipa uduudu God no baimba imaasano winedia moawa bautaa, ita ema bedewe sabamosade no ando God mampe uduudu me sauawalena wadataa rua os.

Galasia 3:22

Buka bedewe girumalena sabamo wade apana uduudu kadi bedewentono taudomono waimoi. Ema segalena ando sumanailala sumanai asiasi God sauawa euda donsate inantataa baiwa, ipawa Iesu Keriso bedewee God sauawa ipawanalen.

Galasia 3:29

Tane e ipa Keriso mebaawaida, sa baiwa e ipa Abraam nosinosiwa, dima God sauawalena wadana apanawa.

Galasia 3:7

Abraam eueuwa mampe aten wadane ateitana apana mo mida sumanaintoie bedewe waimoia, mo ipa Abraam obampaida.

Galasia 5:5

Tane no badowaida insaisamba ituite inseitana God me dewanepio me mampe dodomanantata. Ita ema bedewe no Aleu kakaiwa sauwa mampe sumanai bedewe inta ewaewantite onioniawantite wainitana.

Galasia 6:16

E mida ne gagalona wano etale ruawaitile dewasailana wanwan euda ita God sauwa euda e manlawo winepi. E ipa Israelwa, God apanawaida.

Epesus 1:13

Deawaa, e uwa daitada apanawa ulaipa benemawa, sa ipa Gagalo euda inaida enaledia umanawa etale God dewaleno Keriso bedewe me apanawaida wanaiten. Ita e etale sumanaiteno God lomi mampe makasalena me mampea wainilana. Tane God makasalena lomiwa, sa ipa Aleu kakaiwa God saualena rua enalen.

Epesus 4:30

E God Aleupa kakaiwa mai dewasano nuaparelepi, dia. God Aleupa kakaiwa enalena, sa ipa e makasalen me mebaawaida tauma ita ando inaida ipawanalempa walamawe do baiwa.

Pilipai 3:9

ita me ne nata deaidantata. Inta ema bedewe ne mai anaana oniadewasamodina asiasi God mampe dodomananteapona, dia. Tane ne sumanaina Keriso bedewe ituna baiwa God ne kadina insendabuasano me mampe dodomananten. Ne nebaida mukana, ba dewana mampe mai dodomananteapona rua, tane God me meba ne sumanaina asiasi dodomananen.

Ibru 11:7

God Noa bautasane dima ewasiawaia ando segalepia umanawa dien. Sumanai bedewe Noa God aiawa etene Godida dauwa atenlene ruawalene waa debama dewasane me meba ita manainapa, obampa, ita tawatawabinawa do inantoiena. Dewa ema mampe Noa sumanaisiawaia apanawa dewau kadiwa sabamosan. Tane me sumanailena baiwa God me diene wanase, “E ipa apana dodomanaida.”

2 Pita 1:1

Ne Saimon Pita Iesu Keriso mebaawaida nolawa dewalala ita aposeliwa leta ema girumantedina. Iesu Keriso no Godimba ita Inawamba, me mida dodomanaida, no sumanaimba uwatauwa neneno wadatana. Ne e sumanai sosona, mida sumanai uwatauwa ema no wadatana ruawa deawaa wadalana manlawo girumantedina.

Gagalo Sabamolala 9:4

Ne aia etedino kapoi anaanamone wanase, “Mai tawo osowe ina, ia ba nitu uduudu inintoia kadimona! E apana mida mai God mampea ita God makawa nambu osowe mai wineipona mo os kadimona!