Paul letawa sumanailala Rom bedewe waimoia mampo girumalena 2:27 - Kanasi

²⁷ E Iuswa God anaanawa wadalana buka bedewe girumalena winede, do God e ete nonowa dewawa enalen, tane e God anaanawa ampuiasailana. Uwa daitada apanawa etepu mai nonola, tane ideita God anaanawa ruawantoia bedewe sabamosai e ipa dewasailakadisailana.

Paul letawa sumanailala Rom bedewe waimoia mampo girumalena 2:27 Iomraidhean Croise

Matiu 3:15

Tane Iesu me sipoasane wanase, “Dima ne dieedina rua dewasaa, ita ema mampe dima uduudu God menasadia no dewasaipona ideita dewasata.” Sa baiwa Ion Iesu aiawa ruawalene me babatutusan.

Aposel 13:22

Ena sa 40 dialeno aupe God Saul wadenaubeno boleno aupawa Dawid ituno warerelene mo oniamodie. Ita God Dawid umanawa benemalene wane wanase, ‘Ne Iese Otopa Dawid ewana, me ipa ne nuana insaisawa rua wande. Me nitu uduudu ne menanedia rua dewamopituwapi.’

Paul letawa sumanailala Rom bedewe waimoia mampo girumalena 13:10

Naita e soa nuawadawadasana e mai ando kadiwa dewasaa me mampe, dia. Sa baiwa me mida soa nuawadawadasadia, me ipa anaana uduudu ruawaleidituwade.

Paul letawa sumanailala Rom bedewe waimoia mampo girumalena 2:15

Mo dewau mampe sabamosai God anaanawa ipa mo nuau bedewe atentoiena winede. Tane mo nuau insaisawa do sabamosade God anaanawa ipa mo bedeuwo winede. Ipawa mo dewau isiwa mampe nuau wawusade ita dewau isiwa nuau sausadie badosade.

Paul letawa sumanailala Rom bedewe waimoia mampo girumalena 2:20

E waie waianase, “No anaanamba bedewe God umanawa uduudu ita ulaipa waeuwa atenidanten.” Sa baiwa e inseiana e ipa apana insakoalala dodomanamoe ita God umanawa atensiawaia apanawa waeuwamoa rua.

Paul letawa sumanailala Rom bedewe waimoia mampo girumalena 2:25

E Iuswa ete nonowa dewawa dewasaiana. E God anaanawa do ruawaitona, sa ipa ete nonowa dewawa ipawanaleipona. Tane e anaana ampuiasaana, sa ipa e ete nonowa dewawa dewasaiana ipasialeide.

Paul letawa sumanailala Rom bedewe waimoia mampo girumalena 2:26

Tane bola da apanawa ete nonowa dewawa mai dewasaipona, tane dima God anaanawa wadia ruawaleidia, me ipa God emawe ete nonowa dewawa dewasapona apanawa rua.

Paul letawa sumanailala Rom bedewe waimoia mampo girumalena 2:29

Apana mida nuawa bedewe nonola, me ipa Ius apanawaida God mampea. Dewa ema mai anaana buka bedewe girumalena mampe segaleipona, tane Aleu kakaiwa mampe segaleide. Apana mida Aleu kakaiwa me nuawa nodia apana mai wadaposisaipona, tane God me wadaposisade.

Paul letawa sumanailala Rom bedewe waimoia mampo girumalena 3:30

Ipawa God dea os wande, ita me apana uduudu, Iuswa ete nonowa dewawa dewasaia ita do uwa daitada apanawa ete nonowa dewawa mai dewasaipona sumanaibu deawaa mampe dodomanamode.

Paul letawa sumanailala Rom bedewe waimoia mampo girumalena 8:4

God epe dewasana dima me anaanawa dodomana wadia ruawantonte wainenta bedewe ulaipaidalepia baiwa. Ipawa no mai apanaida etemba insaisawa asiasi wainipona, tane Aleu kakaiwa mukawa asiasi wainitana.

1 Korint 7:19

Naita e mida Iuswa ita ete nonowa dewawa dewasaana ba dia, sa ipa ipasia. Tane dea os, e dima God wadia ruawaitonune dewasanuna, sa ipa ipuipuaida.

2 Korint 3:6

God meba mukawa nenen me saua sanaa apana me do deantopua baiwa wane ituna nolawantontaa baiwa. God sauawa sanaa Keriso bedewe segalena ipa mai anaana asiasi nolaleipona, tane Aleu kakaiwa os mampe nolaleide. Anaana girumala no ampuiasaitana baiwa bo wadedi wisede, tane Aleu kakaiwa me inaida wadedi wisede.

Galasia 5:14

Epe dewaitonuna, ipawa buka bedewe girumalena wadi wadiase, “E soa nuawadawadasana e eba nuawadawadaitiana rua.” E epe dewaitona, sa ipa e anaana dima wadia uduudu ruawaitiana.

Epesus 2:11

Apana uduudu bedeuwo no Iuswa os ete nonowa dewawa dewasaite segarantite waitanase, “No ipa ide God apanawaida wainitana.” No uwa daitada apanawa ituaisimoite ebou waite waitanase, “E ete nosiawaia apanawa.” Ebo sa ipawaida ipa e mai God mampea, nambeido wanwanlala. Insenadewaitana e mapo ambi wainile. E mai Iuswaida Israel bedewe muitapona, dia, tane e uwa daitada apanawa nambeaido muiten. E Keriso mai ateitapona, dia, nambeido wainile. Ita saua eubuida uduudu God no Iuswa mida me apanawaida os sauanena nenepi, tane mai e umanala wapona enalepia baiwa, dia. E mai dima da euwa donsapona insaisawaitipe anuwa wanleipe, do Inawala wisepie inalepia mai insaisawaitipe wanleipe, dia. E mai God do, tawo osowe di wankoaitile.

2 Timoti 3:15

Ita insea e oto kerauda wainiana walamawe e gagalo kakaiwa buka bedewe girumalena ateiten. Gagalo sa e waeuwaepie insaisaa dodomanasapio sumanai mampe Keriso Iesu bedewe inaida donsaa.

Ibru 11:3

Sumanai bedewe no atenten uba ita tawo ipa God aiawa mukawa mampe seganton. Ema epe inta nitu ewaewala sa ipa God nitu ewasiawaia mampe dewamon.