Paul letawa sumanailala Rom bedewe waimoia mampo girumalena 1:8 - Kanasi

⁸ Bauta ne Iesu Keriso bedewe e uduudu baila ne Godna auwasadina, ipawa bola daitada bedeuwo e sumanaila umanawa debamaleno etei.

Paul letawa sumanailala Rom bedewe waimoia mampo girumalena 1:8 Iomraidhean Croise

Matiu 24:14

Ita Gagalo euda God gonaawa umanawa tawo uduudu bedewe benemantopuo uwa daitada apanawa etapu. Epe segalempo tauma ompaida wisepi.

Gagalo euda Iesu Keriso umanawa Luk girumalena 2:1

Rom warerewa ionoidoa ebowa Ogastas warereleidia walamawe mo sensisintopua gagalowa wanaubeno bola uduudu me atowe gabemanintoie waimoia mampo alentuwan.

Aposel 11:28

Mo sape nolantoie waimoio sou dea ebowa Agabus sumanailala auweiena bedeuwo gagalo baiwa enenwisen. Me mo danauwo enene Aleu kakaiwa insaisa waneno atenlene osowe mo diamona natunakani debamawa bola uduudu Rom gabemaniwa atowe wanwanlala mampo segalepi.

Aposel 28:22

Tane no menanedia e insaisaa etata, ipawa no atenten uwa ebowa waia Waeuwa sanaa baiwa bola uduudu apanawa e wadabualei.”

Paul letawa sumanailala Rom bedewe waimoia mampo girumalena 10:18

E inseilana Israelwa Gagalo euda benemawa mai etapona, ba? Sa dia, mo eteiena, ipawa buka bedewe epe wadi wadiase, “Mo aiau nosene tawo uduudu bedewe aleno eteiena, do mo gagalou tawo moa daitada bedewainta alentuwan.”

Paul letawa sumanailala Rom bedewe waimoia mampo girumalena 16:19

Apana uduudu e Gagalo euda etale ruawaitena umanawa eteiena. Ema baiwa ne nuana eudidalen e baila. Ne menanedia dewa euwa insaisawa wadane manlawosano nopelepi, tane kadi insaisawa nuaawawaidasane ena.

Paul letawa sumanailala Rom bedewe waimoia mampo girumalena 6:17

Ulaipa, mapo e kadi mebaawaida nolawa dewalala wainile. Tane ne God auwasadina, e tauma nuala uduudu mampe Gagalo euda waeuwawa uduudu wadale ruawaiten.

1 Korint 1:4

Ne walama uduudu God auwasadina e baila, ipawa me Keriso Iesu bedewee nuawadawadawa amonawa enaleno wainilana.

2 Korint 2:14

Tane ne God wadaposisadine auwasadina. Keriso bedewee God kadi mukawa daitada nanausimona baiwa no tauma Keriso bedewentene mukamukaua sorodia ruau me do antitana. Ita me no dewanedio Gagalo euda amonantitano nitu bonawa eudida ruawa nosedie bola uduudu bedewe debamaleidio eteie Keriso atensai.

Epesus 1:15

God dewa eubu ema dewasana baiwa ne walama uduudu e baila God, me mida Tatamba Iesu Keriso Godiwa, auwasadina ita me mampe rauparintedina e baila. E Tatamba Iesu bedewe badowa sumanaitile ita God apanawa uduudu do nuawadawadamoilana umanawa ne etana walamawe ita tauma ne epe dewasadina. Ne iririntedina God, mida sapaida mamba, e insadewasa ita insaisala wadaaubala enalepio me insaisawa manlawosadia e dauwa etane mampeitana ita ema mampe e God atendewaidaitana.

Epesus 3:21

Dima God ekelesia bedewe ita do Keriso Iesu bedewe dewamodia baiwa apana tauma waimoia ita do mo uduudu mida ando waimompa God sapasampe wadaposisampa! Ne epe menanede, amen.

Epesus 5:20

Tane walama uduudu dewa uduudu baiwa Mamamba God auwasanuna Tatamba Iesu Keriso ebowe.

Pilipai 1:11

Tane do rauparintedina e wanwanla bedewe dewa dodomana euda Iesu Keriso dewasampo inilempe nopelempa ita apana ewalempe God ebowa wadaposisampe debamasampa.

Pilipai 1:3

Ne insaledina walamawa osowe ne Godna auwasadina e baila, mai da eipona, dia.

Kolosia 1:3

No e baila rauparintitana bedewe walama uduudu God, me mida Tatamba Iesu Keriso Mamba, auwasaitana.

1 Tesalonaika 1:2

No walama uduudu rauparimba bedewe e umanala waite ita e baila God auwasaitana.

1 Tesalonaika 2:13

Ita do ema baiwa no walama uduudu God auwasaitana: No God aiawa wadate wineno e gagalo sa mai apanaida gagalowa rua etape manlawosapona, tane God aiawaida rua etale manlawosalana. Ita dima no e manlawo gagalowantena, sa ipa ulaipa God aiawaida. Me aiawa sa e sumanailala bedelawo tauma nolaleidie ipawa naude.

2 Tesalonaika 1:3

Sumanai sosomba, no inseitana eulena walama uduudu e baila God mampe auwantonta. Ipawa e sumanaila inilene odene debamaidaleide, ita e eda nuawadawadala sumanai sosola mampo do debamaleide.

2 Timoti 1:3

Ne God auwasadina, mida ne nuana uduudu mampe simbiasadina, nosinosina dewantoiena rua. Ita mai dima da ne nuana wawusaipona, dia. Ne walama uduudu rauparina bedewe e insaedine ita God auwasadina.

Pailimon 1:4

Ne sona Pailimon, ne rauparina uduudu bedewe e insaedine ita e baia ne Godna auwasadina.

Ibru 13:15

Sa baiwa no walama uduudu God wadaposisanta. Sa ipa no pulomba Iesu ebowa mampe God waneitana ita ema bedewe Iesu ebowa sabamosaitana.

1 Pita 2:5

Sa baiwa e do du seuwa eubu ruau e eba etela God wanana me duwaida, sa ipa me ekelesiawa du rua wadepia baiwa. Ema bedewe e God pirisiwaida kakaibu wanaitane ita aleu amonawa daitada eubu Iesu Keriso bedewe God wanana. Pulo ema ipa God menasadia rua.

1 Pita 4:11

Me mida Gagalo euda amonaleidia insepidewalepie me God aiawaida wapi. Me mida simbia nolawa dewasadia, me ideita mukawa God wanedia mampe nolalepi. Dewa ema uduudu segantompo God ebowa Iesu Keriso bedewe wadaposisampa. Tane Iesu Keriso mampe sapaida ita muka debama do winakasalepi! Ulaipa, amen.