Paul letawa sumanailala Rom bedewe waimoia mampo girumalena 1:7 - Kanasi

⁷ Ne Paul leta ema girumantedina e sumanailala Rom bedewe wainilana manlawo, mida God nuawadawadalene sonabalene apaleno mebaawaida kakaiwa segaitena apanawa. Ne rauparintedina God no Mamamba ita Tatamba Iesu Keriso nuawadawadau amonawa euwa ita wanwan euda enalepu.

Paul letawa sumanailala Rom bedewe waimoia mampo girumalena 1:7 Iomraidhean Croise

Matiu 5:16

Epe rua deawaa e sapala mai weregasana, dia, tane eno sapa sa apana mampo sapa wapi. E epe dewaitonuno mo e dewala eubu ewapue ita e Mamala uboo wandia ebowa wadaposisapue sapaidasapu.”

Gagalo euda Iesu Keriso umanawa Ion girumalena 20:17

Mape Iesu me diene wanase, “E mainawoitenee eneiana ne walama kerauda os bedewe Mamana mampe leuntape a baiwantedina mai wadaitunea, dia! Tane e ene aite ne sosonaida ne benemana diamowo etapua ne leunteape me mida ne Mamana ita e do Mamala wandia mampe anteapa. Me ipa ne Godna ita do e Godila wande.”

Aposel 15:23

Ierusalem ekelesiawa sumanailala Antiokiwa waimoia letau girumantone wanamoiena wadapue do antopu. Mo leta sa bedewe girumantone waienase, “No aposel ita apana eiau e uwa daitada sumanai sosomba bola Antiok, Siria ita Silisia bedewe wainilana auwaleitana! Euda e manlawo winompa!

Aposel 9:13

Ananaias Tatamba sipoasane wanase, “Tatamba, apana sa e umanawa waiana Ierusalem bedewe e apanaa kakaibu mampo kadiwa daitada dewasadia umanawa etedine.

Paul letawa sumanailala Rom bedewe waimoia mampo girumalena 1:6

E sumanailala Rom bedewe do God apalene sonabaleno Iesu Keriso meba apanawaida wanaitene wainilana.

Paul letawa sumanailala Rom bedewe waimoia mampo girumalena 5:1

Mapo no mai God do deantepona, dia. Tane tauma sumanaimba bedewe God mampe dodomananten ita Tatamba Iesu Keriso bedewe no God do deantene wainitana.

Paul letawa sumanailala Rom bedewe waimoia mampo girumalena 5:5

Ita dima bedewe no insaisamba badowa ituitana ando mai ipasialepi, dia. No epe atentena, ipawa God me nuawadawadawa no nuamba nopesan me Aleupa kakaiwa no nenena mampe.

Paul letawa sumanailala Rom bedewe waimoia mampo girumalena 8:28

No epe atenten: God apana mida me bauta insaisaulena rua apamono me nuawadawadasaia baibu me dewa daitada bedewe mo euwa donsampaa baiwa nolaleide.

Paul letawa sumanailala Rom bedewe waimoia mampo girumalena 8:39

Tane uba mukawa ba muka tawo atowea, ba nitu da God dewamona mai no God nuawadawadawa no Tatamba Keriso Iesu mampee nenena bedewe wainitana empuempunepia rua, diaida.

Paul letawa sumanailala Rom bedewe waimoia mampo girumalena 9:25

God peroweta Osea buka bedewe ema epe wadi wadiase, “Apana mida bauta mai ne mainawoa ne diamope wapaase, ‘E ipa ne apananaida.’ Ita apana mida bauta mai ne nuanawoa ne diamope wapaase, ‘E ipa ne nuawadawadana apanawaida.’”

1 Korint 1:24

Iuswa ita uwa daitada apanawa bedeuwo mo mida God sonabamone apamona koros gagalowa mai ipasiawaia malawalala, dia. Mo mampo God mukawaida ita aten debamaia Keriso bedewe ipawanaleidio atenidantoi.

1 Korint 16:23

Tatamba Iesu nuawadawadawa amonawa e manlawo winompa!

Galasia 6:18

Sumanai sosona, ne rauparintedina Tatamba Iesu Keriso nuawadawadawa amonawa euwa e insaisala bedewe winakasalepi! Ne epe menanede, amen.

Epesus 1:2

Mamamba God ita Tatamba Iesu Keriso nuawadawadau amonawa ita nuaeuwau enalempo wanwanla euwa obasa wanlempa.

Epesus 6:23

Sumanai sosona, Mako God ita Tatamba Iesu Keriso nuawadawada ita sumanai enalempe saulempo wanwanla euda obasa wanlempa.

Pilipai 1:2

God no Mamamba ita Tatamba Iesu Keriso nuaeuwau amonawa ita wanwan euda e enalempo wanlempa.

Pilipai 4:13

Ne dewa ema uduudu Keriso bedewee mida ne muka nedia dewasapaa rua.

Pilipai 4:20

No Mamamba ita Godimba mampe sapaida tauma ita ando winakasalempa! Ne epe menanede, amen.

Pilipai 4:23

Tatamba Iesu Keriso nuawadawadawa amonawa e manlawo winompa! Ne epe menanede, amen.

Kolosia 3:12

E ipa God sonabaidalena apanawa kakaibu nuawadawadaledia wainilana. Sa baiwa sosola nuapareuitana, ita e bedelawo dewa euwa, sosola atouwoitonuna, nuabibia dewawa dewasanune do etela aiaisiwa obasa wanlempa.

Kolosia 3:15

Ete dea bedewe deaitane wanwanla euwa obasa wanlempaa baiwa God e sonabalen. Sa baiwa Keriso nuaeuwawa bedelawolepie nuala eusapio walama uduudu dewa uduudu bedewe banlalempa. Ita do God auwasanuna.

1 Tesalonaika 1:1

Ne Paul, sosona Sailas ita Timoti do, leta ema girumantitana e ekelesia Tesalonaika bedewe wanwanlala manlawo, e mida Mamamba God ita Tatamba Iesu Keriso do deaitene wainilana. God nuawadawadawa amonawa ita wanwan euda e manlawo winompa, niapo!

1 Tesalonaika 1:3

No Mamamba God danawe raupari baiwa enonte e insalenta, ipawa e sumanaila bedewe dewa eubu dewamoilana baiwa, do nuawadawadala baiwa badowa nolaitilana. Ita do no God auwasaitana, ipawa e Tatamba Iesu Keriso ando wisepia bedewe insaisala ituilana baiwa poka eteile badowa eneilana, mai dabuaitipona, dia.

1 Tesalonaika 1:4

Sumanai sosomba God e nuawadawadaledia, no atenten e me sonabalala apanawaida wainilana.

1 Tesalonaika 4:7

God no mai dewa kadiu dewamontaa baiwa apanepona, dia, tane kakaiwa os wainentaa baiwa apanen.

1 Tesalonaika 5:28

No Tatamba Iesu Keriso nuawadawadawa amonawa e manlawo winompa, niapo!

2 Tesalonaika 1:2

Nuawadawada amonawa ita wanwan euda Mamamba God ita Tatamba Iesu Keriso mampoa e manlawo winompa, niapo!

2 Tesalonaika 3:16

Tatamba, mida wanwan euwa bumpaida walama uduudu ita do dewa uduudu bedewe wanwan euda enalempa. Tatamba Iesu e do wanlempa!

2 Tesalonaika 3:18

No Tatamba Iesu Keriso me nuawadawadawa amonawa e manlawo winompa, niapo!

1 Timoti 1:2

Ne otonaida Timoti sumanai bedewe waroroneiana manawo leta ema girumantedina. No Mamamba God ita Tatamba Keriso Iesu saubu amonawa euwa, do mo nuapareu e baia ita wanwan euda eneempa! Niapo!

1 Timoti 6:2

Tane nola dewalala me mida debamawa sumanaileidia baiwa nolaleidia me do wiwira mampe simbiasampa. Me mai insepiase, “Ne debamana ipa sumanai sona dea, sa baiwa ne wiwirawa epa.” Tane me insepiase, “Ne debamana ipa sumanai sona dea nuawadawadasadina. Sa baiwa ne ideita noladewantepina me euwa donsapia baiwa.” Timoti, gagalo ema mo mampo amonaite diamowo ruawantompa.

2 Timoti 1:2

Ne nuana otopaida Timoti, e manawo ne leta ema girumantedina. No Mamamba God ita Tatamba Keriso Iesu sau amonawa euwa, mo nuapareu e baia ita wanwan euda eneempa! Niapo!

2 Timoti 4:22

Timoti, Tatamba e aleua bedewe sauepie muka eneepi. God amonawa euwa e manlawo winompa, niapo!

Taitus 1:4

Taitus, ne otonaida, e no do uduudu sumanaimba dea bedewe wainitana manawo leta ema girumantedina. No Mamamba God ita no Inawamba Keriso Iesu saubu amonawa euwa ita do wanwan euda obasa eneempa! Niapo!

Pailimon 1:25

Ne letana kampaida mape dialeide. Tatamba Iesu Keriso nuaeuwa amonawa e manlawo winakasalepi, niapo.

Pailimon 1:3

God no Mamamba ita Tatamba Iesu Keriso nuawadawadau amonawa ita wanwan euda e enalepu!

Iems 1:1

Niapo sosona! Ne Iems e uduudu auwaledina. Nuaeuwa e manlawo! Ne ipa God ita Tatamba Iesu Keriso nolau dewalala. Ne leta ema girumantedina e sumanai sosona tawo bolawa daitada apanawa bedeuwo wainilana manlawo.

1 Pita 1:15

E tauma dewa uduudu bedewe dodomana os kakaiwaida wanlempa, ipawa God e sonabalene apalena me ipa dodomana kakaiwaida.

1 Ion 3:1

God no Mamamba nuawadawada inainamba dainea no baimba dewasana insene asowaida wana! Me nuawadawada ema bedewe no ebomba wane wanase, “Ne obaina!” Me epe wana, sa ipa mai aia os wapona, dia, no ipa me obampaida wainitana! Tane tawo ema osowe no ware rua wainitana, ita tawo no mai ateineipona no apa aitamana God obampa wanantene wainitana. Tawo Keriso mai ewape atensapona baiwa no do ewakoanei.

2 Ion 1:3

God no Mamamba ita me Otopa Iesu Keriso nuawadawadau amonawa, nuapareu no baimba, ita do nuaeu nenompo wainenta. God sauwa eubu ema ulaipa gagalowa ita nuawadawada bedeuwoe no nenompa.

Gagalo Sabamolala 2:1

Ita me ne dianene wanase, “Ne benema ema dieepo girumaite waaubewo bola Epesus ekelesiawa enseliu mampe alepi. Ema epe girumaite waa: Aia ema me mida kipora 7 witapa on osowe wineio wadadoleidia gagalowa, me ipa siwa enaenawa uduudu 7 gold mampe dewalala mampointa leidie ewamodia. Ita me e manlawo epe wade:

Gagalo Sabamolala 2:12

Ita me ne dianene wanase, “Ne benema ema dieepo girumaite waaubewo bola Peagamum ekelesiawa enseliu mampe alepi. Ema epe girumaite waa: Aia ema me mida isima moawa nata moamoaua mampe winedia gagalowa.

Gagalo Sabamolala 2:18

“Ne benema ema dieepo girumaite waaubewo bola Taiatira ekelesiawa enseliu mampe alepi. Ema epe girumaite waa: Aia ema ipa God Otopa gagalowa, me mida emawa ipa ia idie bumedia epawa rua. Ita me wawa irama badowa eudida sapaidaleidie kiboraleidia rua.

Gagalo Sabamolala 2:29

Mida asiwa winedia me asisudewalepi Aleu kakaiwa ambi ekelesia mampo gagaloleide.

Gagalo Sabamolala 2:8

Ita me ne dianene wanase, “Ne benema ema dieepo e girumaite waaubewo bola Simena ekelesiawa enseliu mampe alepi. Ema epe girumaite waa: Aia ema me mida bumpeido wandia ita ompeido wanwankasalala gagalowa, me mida bolene tane bo bedewe enenwisene inawaa wandia. Me e manlawo ema epe wade:

Gagalo Sabamolala 22:21

No Tatamba Iesu nuawadawadawa amonawa e manlawo winompa, amen.

Gagalo Sabamolala 3:14

“Ne benema ema dieepo girumaite waaubewo bola Laodisia ekelesiawa enseliu mampe alepi. Ema epe girumaite waa: Aia ema me mida ebowa Amen gagalowa. Me ebo ema wadena, ipawa dima uduudu me God mampe ewedie atenleidia ulaipa os benemawaleide ita God insaisawa rua os dewasade, mai etedabualeipona, dia. God dima uduudu dewasana mamba ipa me, ipawa uduudu me mampee segalentuwan.

Gagalo Sabamolala 3:22

Mida asiwa winedia me asisudewalepi Aleu kakaiwa ambi ekelesia mampo gagaloleide.

Gagalo Sabamolala 3:7

“Ne benema ema dieepo girumaite waaubewo bola Piladelwia ekelesiawa enseliu mampe alepi. Ema epe girumaite waa: Aia ema me mida kakaiwa dodomanaida gagalowa, me bedewe ulaipa os winede. Me ipa Dawid kiwa wadedidodedia apanawa. Ipawa Dawid mapo Israel bolawa oniedia ruawa me ipa muka wadene God gonaawa oniede. Dima me wadediaubedia mai mida gudulepia rua, dia, ita dima me guduleidia mai mida wadepiaubepia rua, diaida!