Pilipai 2:9 - Kanasi

⁹ Keriso epe dewalena baiwa God me wadenposidene ionoido itune ebowa debamaia wanen, mai ebo isiwa ruau, dia.

Pilipai 2:9 Iomraidhean Croise

Matiu 11:27

Dewa uduudu onioniau mukawa ne Mamana mampe winedia mainawosano oniamodina. Tane mai mida da ne ateineapona, dia, Mamamba os ne ateinen. Ita mai mida da Mamamba atensaipona, dia, tane Otopa os me atensadio wande. Ita mo mida me sonabamodia do Mamamba atensaie waimoi, ipawa Otopa mo mampo sabamosano atentoiena. Tane apana da dia.

Matiu 28:18

Ita Iesu mo mampolene wanase, “Muka uduudu uba bedewea ita tawo osowea ne nen.

Gagalo euda Iesu Keriso umanawa Luk girumalena 10:22

Dewa uduudu onioniau mukawa ne Mamana mampe winedia mainawosano oniamodina. Tane mai mida da ne ateineapona, Mamamba os ne ateinen. Ita mai mida da Mamamba atensaipona, dia, tane Otopa os me atensadio wande. Ita mo mida me sonabamodia do Mamamba atensaie waimoi, ipawa Otopa mo mampo sabamosano atentoiena. Tane apana da dia.”

Gagalo euda Iesu Keriso umanawa Ion girumalena 13:3

Iesu wandia bedewe atenlen Mamba dewa uduudu me atowemontuwana oniamompaa mukawa wanen. Ita do atenlen me God mampee tawo osowe iene wandia tane leulepie God mampe alepi.

Gagalo euda Iesu Keriso umanawa Ion girumalena 17:11

Ne tawo emawo mai wankasanteapa, walama kampaida os wampe epe manawo wineapa. Tane mo mai ne do tawo ete manawo winta, dia, mo tawo emawo waimompa. Sa baiwa ne mo insamone baibu rauparintedina. Mako, e ipa kakaiwaida wainiana. Ne iririntedina mo tawo emawo waimompe poka daitada etompe sumanaibu epuiapua sawa e eboa mukawa mampe ewadewasamono sumanaintompe waimompa. Mo empuempuntopua sawa e mo ewadewasamono deaida waimompa e ne nata deaida wainitana ruawa. Ita e eboa mukawa ne neaana mampe ne mo do wainite leitanawo ewadewasamodino sumanaibu bedewe waimoidewantoie, mai da rebalepona, dia. Tane dea os rebalena, sa ipa dima buka bedewe girumalena ulaipalepia baiwa. Rebalala sa me mida bola kadiwaida bedewe alepia saiwa osowesana apanawa.

Gagalo euda Iesu Keriso umanawa Ion girumalena 17:5

Mako, ne iririedina tauma manawonee sapaidanea tawo segasia walamawe nata wainite sapaidantite wainitana ruawa.”

Aposel 5:31

Ita God Iesu uboo meba witapa on deneuwe itunposideno no wareremba ita Inawamba wanalena, me no Israelwa banlanepio insaisamba leusate kadimba eto God insepidabuasapia baiwa.

Kolosia 1:18

Keriso ipa ekelesiawa bumpau ita uwau nepa. Tane ekelesia ipa me etepa rua, ina me mampe wadeie nolantoi. Me dea os bautalene bo mukawa nanausane bo bedewe enenwisene ina intawa wadenauben. Ema segalena, sa ipa nitu uduudu me atowemopie ionoidolepia baiwa.

2 Tesalonaika 1:12

Ne epe rauparintedina no Tatamba Iesu ebowa e bedelawo sapaidalepie debamalepio edawa e me bedewe sapaidaitane debamaitana. Dewa ema uduudu no Godimba ita Tatamba Iesu Keriso nuawadawadau amonawa bopawa wadatana bedewe segalepie sabamolepi.

Ibru 1:4

Ita ema baiwa God Otopa ensel amboiamone ionoidolene ita ebowa debamaia waden, mai ensel ebou ruau.

Ibru 1:9

E dewa dodomana nuawadawadasaie ita kadiwa nibuasaiana. Sa baiwa God, e Goda sonabaena e nuaeua baiwa ia asiwa bonabonaua esapa osoawo itune warereen, ita sosoa bedeuwo ituposien.”

Ibru 12:2

No weuwante bedewe Iesu ewadosante antonta. Tane Iesu, me ipa no sumanaimba bumpa ita ompa. Me nuaeuwa debama winedia ewene baiwa koros pokawa etedie do koros osowe bowa malawa mai insepona. Ita ompa osowe me God kolaiwatawa on deneuwe aisidene wain.

Ibru 2:9

Tane no Iesu ewate atentata. God me walama kerauda os bedewe itunaisideno ensel atouwolen. Me no uduudu baimba bolen, ipawa God no nuaparembalen. Tane tauma God me sapaidasane me ebowa debamasan, ipawa me bauta poka etene bolen.

1 Pita 3:22

Keriso bo bedewe enenwisene aupe uboo odene alene God witapa on deneuwe aisiden wain. Ensel ita uboo wanwanlala mukamukaua uduudu ipa me atowe.

2 Pita 1:17

Mamamba God sapawaida bedewe wandia aiawa Iesu Keriso mampe wan, ita me ebowa debamasane sapawaida wanedie wane wanase, “Ema ipa ne Otonaida, ne nuawadawadasadina. Me nuaeu debama ne nedio wainedina.”

3 Ion 1:7

Gagalo euda amonalala apanawa ne umanau wadina, mo ipa Keriso ebowa baiwa waaubamoieno nomone antoiena, tane mo mai dima da osowe wampona baiwa wadapona sumanaisiawaia apanawa mampo, dia.

Gagalo Sabamolala 1:5

Tane do amona euwa ita wanwan euda e manlawo Iesu Keriso mampe, mida God gagalowa ulaipa mampe benemaleidia. Uduudu bedeuwo me bautalene bo bedewe enenwisen. Me ipa apana debamau tawo onieia uduudu oniamode, mo uduudu ipa me atowe. Iesu Keriso no nuawadawadanede ita me osinawa kadi taunedia lotonauben.

Gagalo Sabamolala 11:15

Ema aupe ensel namba 7 me tarampetiwa sudio ne aia debamau uboo etedino waie waiase, “No Tatamba God ita Keriso me sonabena tawo uduudu tauma mo gonaau wanalene witapoleno oniei. Ita mo onioniau winakasalala, mai dialepi.”

Gagalo Sabamolala 19:16

Ita me garawa ita abupa osowe ebo girumalala winedie. Giruma sa wadiase, ‘Tatamba ionoidoa, warere uduudu bedeuwo me dea os debamawaida.’

Gagalo Sabamolala 3:21

Apana mida badowa enompe poka iompo nanausampa, ne me diape muka wanapa ita ne nata kolaiwatana osowe wanta, ne badowa enane poka iedio nanausana ita Mamana nata me kolaiwatawa osowe wainitana ruawa.”

Gagalo Sabamolala 5:12

Tane aiau debamaia etamodino waie waiase, “Sip sanaa mida bosaiena ipa dodomanaida, sa baiwa eulena muka uduudu, maura uduudu, do aten insaisawa ita kasawoga uduudu me wadepi. Do eulena me ionoidosante sapasante wadaposisanta.”