Gagalo euda Iesu Keriso umanawa Mak girumalena 8:2 - Kanasi

² “Apana ema ne do wainitano walama natadea dialen, tane nanau dia, ne nuapareuntedina.

Gagalo euda Iesu Keriso umanawa Mak girumalena 8:2 Iomraidhean Croise

Matiu 14:14

Ita Iesu doa waiwa dawo wisene waa ene nosene apana uaraia wawe wimona ewamone nuapareuidalen ita bedeuwo kerolala uduudu inamon.

Matiu 20:34

Ita Iesu mo nuapareulene witapa emau osowe ituno tauwadea emau euleno sala ewane Iesu warorosaiena.

Matiu 9:36

Iesu apana uaraia sape ewamone nuapareuidalen. Ipawa mo ewaewau nuabolala mai eda sauntopona rua, sipsip onioniausiawaia ruau waimoie.

Gagalo euda Iesu Keriso umanawa Mak girumalena 1:41

Iesu kerolala sa nuaparewalene ibuwa wadene wanase, “Ne sauepaa menanede, inaitaa!”

Gagalo euda Iesu Keriso umanawa Mak girumalena 5:19

Tane Iesu me wanitudena mai do antopu, dia, ita diene wanase, “E bolaawo aite gombaaida mampo ginasa debamawa Tatamba manawo dewasana ita do ambi e nuaparealene inaena benemawaitawo atentopu.”

Gagalo euda Iesu Keriso umanawa Mak girumalena 6:32

Ita mo bola sa ene waa bedewe odane muba os bola obasawe antoiena.

Gagalo euda Iesu Keriso umanawa Mak girumalena 6:34

Mo bola sawo wimone Iesu waa ene nosene apana uaraia sape auweio ewamone nuapareuidalen, ipawa mo sipsip mubaida onioniau apanawa dia rua waimoie laie. Ita Iesu mo uaraia waeuwa daitada mampe waeuwamodie.

Gagalo euda Iesu Keriso umanawa Mak girumalena 8:3

Naita mo nana nasasia ne di waaubamopo bolauwo antompe emau dubalepio etepu garigariidalepi, ipawa mo isiwa inta daumawa wimoiena.”

Gagalo euda Iesu Keriso umanawa Mak girumalena 9:22

Aleu kadiwa bedewelena otona boidasaipona baiwaleidie kainokaino ia iilala bedewe do esa bedewe aubedio aleide. Ita me dewa ema bedewe pokaida etedie. Naita inta da manawo winompa no nuaparembaite saunea!”

Gagalo euda Iesu Keriso umanawa Luk girumalena 15:20

Me epe insedie alene mamba mampe wisedio me otopa intawa ewedi os wandia nowa dawo iedio ewene nuaparewaidalen. Ita me tauwadea otopa mampe weuwane alene wadene mampesane isuruasane auwadewadewasan.

Gagalo euda Iesu Keriso umanawa Luk girumalena 7:13

Tatamba obu ewene nuaparewaidalene diene wanase, “Mai nuaa pareidalempa, ke ea!”

Ibru 2:17

Sa baiwa God inta dea os ituno winede. Ema epe: Iesu me ideita apanaidalen dewa uduudu bedewe sosowaida ruaulen. Ema bedewe me Pirisi ionoidoa wanalene God baiwa noladewaleidie ita no nuaparemba do God ita apana sawanauwo enede. Me meba etepa itune en, apana kadiu siniepiaubepia baiwa.

Ibru 4:15

No Pirisimba ionoidoa Iesu no dewamba oauara mai atensialepona, tane no daumba etaetawa me atembaida. Ipawa me do no ruambalene rubu daitada donsan, tane mai kadiwa da dewasapona, dia.

Ibru 5:2

Me dewa oauara meba bedewe winedia baiwa sowa insakoaleidie nambe aleidia dauwa etedie aia bibia mampe wasausade.