Gagalo euda Iesu Keriso umanawa Mak girumalena 7:36 - Kanasi

³⁶ Mape Iesu apana sape auweia anaanamona mai ginasa ema eweiena benemawa wapue apana da diamopu, diaida. Iesu mo osoweosowe diamodio tane mo benemantoiena, mai epona rua, dia.

Gagalo euda Iesu Keriso umanawa Mak girumalena 7:36 Iomraidhean Croise

Matiu 8:4

Ita Iesu me diene wanase, “E inaitena umanawa mai apana da diamoa, dia, tane dodomana aite pirisi mampe etea euwasawo ewepi. Muriwa Moses anaanawa wana rua e inaitena pulowa ituno apana ewapue atentopu e inaitene euiten, God duwe aitaa rua.”

Gagalo euda Iesu Keriso umanawa Mak girumalena 3:12

Tane Iesu mo badowa anaanamona me umanawa mai wapue sabamosapu me mida, diaida.

Gagalo euda Iesu Keriso umanawa Mak girumalena 5:43

Ita Iesu mo badowa anaanamona dima segalena umanawa mai wapue apana da benemamopu, dia. Ita Iesu diamona oto inalena nana da wanapuo napi.

Gagalo euda Iesu Keriso umanawa Mak girumalena 7:35

Iesu epe wadio tauwadea os me asiwa nasintone inantono aia eten, tane do epawa rebarebaleidia euleno dodomana gagalolen.

Gagalo euda Iesu Keriso umanawa Mak girumalena 7:37

Ita mo uduudu mida benema sa eteiena memesaidantone waienase, “Iesu dewa eubuida os dewamodie. Me apana asiu potalala dewamodio asiu nasintoio etei, ita do epau rebarebaleidia eumodio dodomana gagalontoi.”

Gagalo euda Iesu Keriso umanawa Mak girumalena 8:26

Mape Iesu me wadiaubedie anaanasane wanase, “Mai leuite bolaawo sosoa wadeene wimoienawo aitaa, tane eba wanwanawo aitaa!”

Gagalo euda Iesu Keriso umanawa Mak girumalena 9:9

Mo wadiwae iane antoie Iesu anaanamone wanase, “Dima wadiwa ewalana mai apana da benemamono etapu, dia. Tane Apana Otopa bo bedewe enepiwisepio tauma benemaitano apana atentopu.”