Gagalo euda Iesu Keriso umanawa Mak girumalena 4:14 - Kanasi

¹⁴ Gagalo babawa ipawaida ipa ema epe: Irai apanawa lawuru naumba laraimodia, sa ipa me mida God aiawa amonaleidia umanawa wade.

Gagalo euda Iesu Keriso umanawa Mak girumalena 4:14 Iomraidhean Croise

Matiu 13:19

Lawuru naumba into nonosintoia, sa ipa apana mida God gonaawa gagalowa etede tane mai atenleipona, ita kadi mamba Seitan wisedie dima apana sa nuawe winedia wadediaubedio di wankoaleide.

Matiu 13:3

Ita Iesu gagalo babawa uara mampe apana waeuwamodie wadiase, “Irai apanawa dea lawuru naumba aimopia baiwa nosene alen.

Matiu 13:37

Iesu sipoamone wanase, “Mida lawuru eubu aimona, sa ipa Apana Otopa.

Gagalo euda Iesu Keriso umanawa Mak girumalena 2:2

Apana uaraia du Iesu wandia bedewe auweieno nopeidolen ita du moape do apana uduudulen. Ita Iesu God aiawa amonaleidio

Gagalo euda Iesu Keriso umanawa Mak girumalena 4:13

Mape Iesu mo mampo wane wanase, “E lawuru naumba gagalowa babawa ipawaida mai ateitapona, ba? Gagalo babawa ema ne sabamo wana, tane ambi e mai ateitapona? Naita ema mai ateitana e gagalo babawa isiwa do mai atenmona rua, dia!

Gagalo euda Iesu Keriso umanawa Mak girumalena 4:15

Lawuru naumba into nomoio nene namoituwadia, sa ipa apana mida God aiawa eteia bedewe Seitan wisedie aia sa mampo poileidio nuau koakoaleidia umanau wade.

Gagalo euda Iesu Keriso umanawa Mak girumalena 4:3

“Ne asisudewaneana! Irai apanawa lawuru naumba aimopia baiwa nosene alen.

Gagalo euda Iesu Keriso umanawa Luk girumalena 1:2

Apana dewa ema bumpe segaleidio emauwoido ewane odane antoiena dewa ema benemawa nuau pola wano benemawantoie waimoie. Ita mo no mainimbo benemantoieno etatana.

Gagalo euda Iesu Keriso umanawa Luk girumalena 8:11

Ita Iesu wawe alala waeuwamone wanase, “Ne gagalo babawa wana ipawaida ema epe: Lawuru naumba apana laraimodie leidia, sa ipa God aiawa.

Aposel 8:4

Mo sumanailala mida deaantoiena bola daineawo wimone waimoia sape Gagalo euda amonantoie.