Gagalo euda Iesu Keriso umanawa Mak girumalena 16:1 - Kanasi

¹ Sabat walamawa dialeno Meri Magdalin, ita Iems inawa Meri, ita Salome antone ia asiwa bonabonaua gimarantoiena Iesu etepa osowe weisapuo euda winompaa baiwa.

Gagalo euda Iesu Keriso umanawa Mak girumalena 16:1 Iomraidhean Croise

Gagalo euda Iesu Keriso umanawa Mak girumalena 14:3

Mo insaisau deasaio walamawe Iesu Betani bedewe apana ebowa Saimon duwe wandie. Saimon sa mapo kero kito wadawadalala tane inalena. Iesu sape nana nadio i dea ia asiwa bonabonaua esapa dugi euda bedewe imaala winedio wadene Iesu mampe wisen. Ita me dugi moawa wadenaubene Iesu uwawa osowe ia esapa bonabonaua memenauben. Tane esa sa malesawa debamaia.

Gagalo euda Iesu Keriso umanawa Mak girumalena 14:8

Me dima mampeleno ewene rua ne mainawo dewasane ia esapa bonabonaua ne uwanawo memenauben. Sa ipa ne dobosaneapua baiwa benaimaanen.

Gagalo euda Iesu Keriso umanawa Mak girumalena 15:40

Tane ioto isiwa awoa enane Iesu emosaie, mo bedeuwo Meri Magdalin, ita Meri da, me Iems kerauda Ioses nata inau, ita do Salome.

Gagalo euda Iesu Keriso umanawa Mak girumalena 15:42

Rawi sawo omo pamedio Arimatia apanawa ebowa Iosep Pailat mampe alen, ipawa imonemba ipa Sabat walamawa, mo dewau rua mai nolantopu, dia. Sa baiwa me rawi sa bedewe Pailat mampe badowa alene wisene Iesu etepa wadepie itupidewalepia baiwa iririwalen. Iosep sa Iuswa onioniau apanawa sou dea, ebowa debama, ita me sumanaileidie God gonaawa wisepona onioniawaleidia.

Gagalo euda Iesu Keriso umanawa Mak girumalena 15:47

Tane Meri nata, sa ipa Meri Magdalin, ita Meri Ioses inawa, eweio Iosep Iesu etepa itun.

Gagalo euda Iesu Keriso umanawa Mak girumalena 16:2

Ita Sande tadinaida omo wisedio mo bo nagawa mampe antoiena.

Gagalo euda Iesu Keriso umanawa Mak girumalena 16:8

Apana sanaa garawa sapusapua tautaula ioto epe diamono etane nuau rowoleno saidantone tauwadea bo nagawa ene nomone diniwa mampe weuwane antoiena. Ita dima mo ewane eteiena nuau saidaleno mai apana da benemamopona, dia.

Gagalo euda Iesu Keriso umanawa Luk girumalena 23:54

Tane rawi sawo ipa Sabat baiwa teadewasantompaa walamawa ita Sabat walamawaida aitamana uwaalepia baiwaleidio baiwa Iosep tauwadea Iesu etepa wadenauben.

Gagalo euda Iesu Keriso umanawa Luk girumalena 23:56

Ita mo leuntone antone duwo ia asiwa bonabonaua ita esa bonawa euda Iesu etepa osowe weisapue antopua baiwa imaasaiena. Tane imonemba Sabat walamawe mo bubuanton, mo anaanau wadia rua.

Gagalo euda Iesu Keriso umanawa Luk girumalena 24:1

Tane Sande walama pumpu ioto ia asiwa bonabonaua imaala otene bo nagawa mampe anton.

Gagalo euda Iesu Keriso umanawa Ion girumalena 19:25

Tane Iesu seuienawo korosiwa tampeido me inawa enedie. Ita do me inawa wamba, ita Meri Kilopas manainapa, ita do Meri Magdalin sape eneie.

Gagalo euda Iesu Keriso umanawa Ion girumalena 19:31

Iesu boleno aupe Iuswa eiau Pailat mampe antone wimone diane waienase, “Mo mida koros osowe seumoana bo baiwantoi. E sorodiaa waaubamowo antopue mo wau epateiantopuo tauwadea bontopuo ita etepu wadaaubamopu.” Mo Pasowa odawa teadewasaa walamawe Pailat epe iririsaie, ipawa imonemba Sabat walamawa debama Pasowa odawa uwaalepi. Ita Iuswa mai menamoipona mo mida koros osowe bontone wineia Sabat walamawe seukasantopu.