Gagalo euda Iesu Keriso umanawa Mak girumalena 14:41 - Kanasi

⁴¹ Mape Iesu osowe mo emone raupariwa ompa awa alen. Ita me raupari diasane leulene wawe alala mampo wisene diamone wanase, “E ituidaitile bubuaitilana, ba? Itu ena, ne walamanaida wisen. Taumaida Apana Otopa dabuasapuo kadi dewalala mampolepi.

Gagalo euda Iesu Keriso umanawa Mak girumalena 14:41 Iomraidhean Croise

Matiu 26:2

“E atenla walama nata bedewe Pasowa odawa walamawa segalepi ita sawana sa bedewe mo Apana Otopa koros osowe bosapua baiwa nanantopu.”

Gagalo euda Iesu Keriso umanawa Mak girumalena 14:10

Ema aupe wawe alala 12 bedeuwo sou dea Iudas Iskariot pirisi debamau mampo alene Iesu dabuasapie laga mampe mo saumopie mamposapia benemawa diamon.

Gagalo euda Iesu Keriso umanawa Mak girumalena 14:18

Mo nana napua baiwa aisintone waimoiena. Ita mo nana naio bedewe Iesu wane wanase, “Ne ulaipa dialedina, dea e bedelawo mida ne do wante nana naitana ne laga mampe nananepie kotu apanawa mamposapi.”

Gagalo euda Iesu Keriso umanawa Mak girumalena 14:35

Me epe diamone ene eseanama alene dogo osowe nuawa aintue itulene rauparileidie God diedia poka walamawa sa me baiwa iedia nambesapona baiwa.

Gagalo euda Iesu Keriso umanawa Mak girumalena 14:40

Ita ene leulene wawe alala mampo wisene mo emau lauidaleno baiwa osowe ituntoio ewamon. Tane mo mai dima da Iesu mampe wapona rua, dia.

Gagalo euda Iesu Keriso umanawa Mak girumalena 14:42

Enano ana, mida ne wadanepie nanalepia iede.”

Gagalo euda Iesu Keriso umanawa Mak girumalena 7:9

E God anaanawa dabuawa intawa atendewaidaiten ita eba waeuwala os dewamoile wainilana.

Gagalo euda Iesu Keriso umanawa Mak girumalena 9:31

Me menasadia wawe alala os do leumpe mo waeuwadewasamompa. Ita mo diamone wanase, “Mo Apana Otopa nanantopue apana witaposapuo insaisau rua me mampe dewasapue bosapu. Tane walama natadeawo me bo bedewe enepiwisepie waimpa.”

Gagalo euda Iesu Keriso umanawa Ion girumalena 12:23

Ita Iesu epe etene diamone wanase, “God insaisawa rua Apana Otopa bolepie bo bedewe enepiwisepie uboo odepi alepie Mamba tampe sapaidalepie wampia walamawa tauma wisenauben.

Gagalo euda Iesu Keriso umanawa Ion girumalena 12:27

Iesu aia ema wane aupe me bolepia maidaleidia insaisawalene nuawa pokakadileno wane wanase, “Ne nuana surakauidaleide, ambi wape Mamana diapa? Ne Mamana diape wapaase, ‘Mako, bonteapaa walamawa wisediaubede, saune inaneawo mai bonteapa!’ Tane ne mai epe wape diapaa rua, ipawa ne God insaisawa rua bonteapaa awa tawo ema osowe winen.

Gagalo euda Iesu Keriso umanawa Ion girumalena 17:1

Iesu gagalo sa diasane aupe pisiwane emawa uboo odeno rauparilene wanase, “Mako, ne walamanaida tauma wisenauben. Ne iririedina e Otoaida sapaidasaa. Tane ne menanedia bonteape sapaidanteapo ita ema bedewe apana e wadaposiepuo sapaidaitaa.

Gagalo euda Iesu Keriso umanawa Ion girumalena 7:30

Iesu mo dodomana sipoamono mo etane nuau kadiidaleno baiwa inta banusaie me wadapaitudepona baiwa. Tane mai mida da witapa me osowe itupona, dia, ipawa Iesu walamawaida mai wisepona.

Gagalo euda Iesu Keriso umanawa Ion girumalena 8:20

Iesu aia ema God duwa bedewe naepe pulo itutulawo waeuwamodie epe wan. Tane mai mida da me wadapaitudepona, dia, ipawa me walamawaida God insaisawa rua ituna mai wisepona.

Aposel 7:52

E nosinosila peroweta uduudu dabuamone kadimoiena. Ita do peroweta mida mapo benemantona God apana dodomanaida wapiaubepio wisepia e nosinosila epaboiamoiena. E ipa ensel mampoe me anaanawa wadalana, tane mai oniepadewaitapona, dia. Ita e apana sa dodomanaida God wanaubeno wisena nanaitene koros osowe bosalana.”