Gagalo euda Iesu Keriso umanawa Mak girumalena 12:10 - Kanasi

¹⁰ E buka bedewe giruma ema wisiaitene ewale ateiten, ba dia? Ema epe wadi wadiase, ‘Du wadawadala apanawa seu dea ewanadabue eiena, mai menamopona, dia. Tane seu sa ewadabuasaia eudidalene du awanediposidede.

Gagalo euda Iesu Keriso umanawa Mak girumalena 12:10 Iomraidhean Croise

Matiu 12:3

Mo epe waio Iesu etamone diamone wanase, “E Dawid dudunawa wisiaitene ateiten, ba dia? Dawid sosowa do omanatomono me dima dewasan?

Matiu 19:4

Iesu sipoamone wanase, “Buka bedewe e wisiaitene ateiten, ba dia, God bumpeido apana mona ita i auwepue waimompaa baiwa dewamone teamon. Mai nambenambe waimompaa baiwa teamopona, dia.

Matiu 21:16

Ita mo Iesu diane waienase, “Seda dima waia e eteiana, ba dia?” Iesu sipoamone wanase, “Oa, ne etedina! Tane e buka bedewe ema wisiaitene ateiten, ba dia, naepe wadi wadiase: ‘E seda kerakera ita otooto gegelau dewamoano e eboa wadaposisai.’”

Matiu 21:42

Mape Iesu wane wanase, “Ne dialedina, deawaa God gonaawa e manlawo wadepiaubepie ita apana da wanamopio wadapu, mo mida ia euda rua naupudewantopua. E buka bedewe wisiaitene ateiten, ba dia, naepe wadi wadiase, ‘Du wadawadalala apanawa seu dea ewanadabue eiena, mai menamopona, dia. Tane seu sa ewadabuasaia ipa eudidalene du awanediposidede. Tane ema ipa Tatamba God insaisawa rua dewasano segalen, mai di segalepona, dia. Ita insaisa sa me dewasana ewaewawa eudidalen no mainimbo.’

Matiu 22:31

Tane bo bedewe enawisa umanawa dima God buka bedewe e dialena mai wisiaitapona, ba? Me ema epe wadi wadiase,

Gagalo euda Iesu Keriso umanawa Mak girumalena 12:26

E sumanaitile inseilanase bolala mai bo bedewe enapuwimopue waimompa, dia. E inseilakadisaile mai ateitipona! Moses bukawa bedewe ia inilala idia dudunawa e wisiaitene ateiten, ba dia? God Moses ia idia tampe enedio diene wanase, ‘Ne ipa Abraam Godiwa, Aisak Godiwa ita do Iakob Godiwa.’ Insenadewaitana, me mai apana bolala Godiu, dia, tane mo wanwankasalala Godiu.”

Gagalo euda Iesu Keriso umanawa Mak girumalena 12:9

E tauma ambi inseilana irai apanawaida ema segalena mampe dima dewasapi? Ne dialedina, me wisepie iraiwa onieia apanawa bomopitue aupe wain iraiwa oniempaa apanawa da witaposapio oniempa.

Gagalo euda Iesu Keriso umanawa Mak girumalena 13:14

“E wisialala gagalo ema wisiaite ipawa atendewaitana: Walama ando nitu nuadabualalaida God bolawe itupuo enompe God bolawaida rebarebasampo ewaewawa koakoalepie kadilepi. Nitu nuadabualalaida sape enompo kadi rebarebaida segalepia baiwalempo mo Iudiawo wanwanlala kadi sawantopue bolau epue weuwapue wadiwa antopue waimompa.

Gagalo euda Iesu Keriso umanawa Mak girumalena 2:25

Iesu sipoamone wanase, “E Dawid dudunawa buka bedewe wisiaitene ateiten, ba dia? Me sosowa do omana toidamono dima dewasaiena?

Gagalo euda Iesu Keriso umanawa Luk girumalena 6:3

Iesu leusane mo wadewasamone wanase, “E Dawid dudunawa buka bedewe winedia wisiaitene ateiten, ba dia? Me sosowa do omanatoidamono dima dewasano omanatomodia dialen?

Paul letawa sumanailala Rom bedewe waimoia mampo girumalena 9:33

Seu sa umanawa buka bedewe wadi wadiase, “Ewana, ne seu bola Saion bedewe itudina. Seu ipa sa apana bagoramopio omepu, ita seu ema osowe mo ampupare kadi donsapu. Tane mida me bedewe sumanaileidia ando mai malalepi, tane sumanaiwa ipawaida ideita donsapie wadepi, mai di sumanaileipona, dia.”