Matiu 9:2 - Kanasi

² Ita apana isiwa sou tampa bobopa rasirasi bedewe aine awanene Iesu mampe wimoiena. Iesu mo sumanaibu ewene apana tampa bobopa diene wanase, “Otona nuaeuitaa, e kadia insendabuasan.”

Matiu 9:2 Iomraidhean Croise

Matiu 14:27

Tane Iesu tauwadea mo mampo wane wanase, “Mai saitana, ne iedina, siribaba ena!”

Matiu 4:24

Ita Iesu benemawa sape debamalene Siria tawowa uduudu bedewe alentuwan. Sa baiwa apana sosou kerolala, poka daitada wadamodia, apana bedeuwo aleu kadiwa wanwanlala, bosulala isiwa ita apana tampu bobopa banlamone Iesu mampe wimono inamon.

Matiu 6:12

Ita no kadiwamba inseadabuasaa, no sosomba kadiwa mainimbo dewasaiena inseitadabuasaitana rua.

Matiu 8:10

Iesu aia ema etene memesalene apana wawe ieia diamone wanase, “Ne dialedina, Israel apanawa bedeuwo mai apana da sumanaiwa debamaia Rom sorodiawa ema sumanailena rua donsapona, dia.

Matiu 8:16

Rawi sawo apana sosou uara aleu kadiwa bedeuwo wanwanlala banlamone Iesu mampe wimon. Tane Iesu aiawa os mampe aleu kadiwa tanamono nomon ita me kerolala uduudu inamon.

Matiu 9:22

Tane Iesu leulene i sa ewene wanase, “Anona nuaeuitaa, eba sumanaia inaen.” Iesu epe wadio tauwadea os i sa inalen.

Matiu 9:5

E inseilanase ne mai muka da wadapona tane di apana ema diane wanase, ‘E kadia insendabuasan.’ Dauwa e inseilanase kadi insadabua ipa mai emamboido sabamo ewataa rua, dia, sa baiwa ne di ema epe wana, ba? Tane tauma ne ginasa sabamoido dewasapo e ewane ateitana Apana Otopa apa muka wadena kadi insadabuamompaa rua, mai dia!” Sa baiwa Iesu apana tampa bobopa diene wanase, “Enawie nogia wade aitaa duawo!”

Gagalo euda Iesu Keriso umanawa Mak girumalena 1:32

Rawileidio omo pameno apana sosou kerolala ita apana bedeuwo aleu kadiu wanwanlala uduudu banlamone Iesu mampe wimoiena.

Gagalo euda Iesu Keriso umanawa Mak girumalena 10:49

Ita Iesu me sau baiwa wadio etene amuwa enene apana diamone wanase, “Me apasano mainawo wimpi.” Mo Iesu wana rua emawa potawa inta waiwe wandia apasane waienase, “Nuaeuwa mampe enawie winea, Iesu e umanaa wade!”

Gagalo euda Iesu Keriso umanawa Mak girumalena 5:34

Ita Iesu i diene wanase, “Anona, mai nuabolaitaa, nuaeu mampe bolaawo aitaa, e sumanaia inaen, poka eteiana tauma dialen.”

Gagalo euda Iesu Keriso umanawa Mak girumalena 6:50

Mo siribabantoio Iesu tauwadea diamone wanase, “Mai saitana, ne iedina, siribaba ena!”

Gagalo euda Iesu Keriso umanawa Ion girumalena 16:33

Ne gagalona daumawa ema uduudu dialena e ne bedenawo poka saiwa bedewe nuala obasa aiaisiwa do wanlempaa baiwa. Tawo ema osowe e poka etonune nuapareitonuna. Tane badowa enana mai nuala pola wapi, ipawa ne tawo ema saiwa uduudu nanausana.”

Gagalo euda Iesu Keriso umanawa Ion girumalena 2:25

Me mai apana da enepie sosowa benemau wapia insaisawaleipona, dia, ipawa me meba mo nuau bedewa ewedia atembaida.

Gagalo euda Iesu Keriso umanawa Ion girumalena 21:5

Ita mo ewakoasaio Iesu mukalene waitaramone wanase, “Sosona, e moia da wadalana, ba dia?” Mo leusane waienase, “Dia, no borounten.”

Aposel 14:9

Ita Paul sape Gagalo euda amonaleidio me waine asisusadie. Tane Paul me ewene insaisawa atenidalen tampa bobopa sa sumanaiidaleidia inalepi.

Aposel 19:12

Ita apana ginasa pokawaau sa ewane osowe gara kepau ita gara danauwo tautaula Paul ibuwa wiramodia otamone apana kerolala mampo antone etepu osowe teamoieno inanton. Ita deawaa mo apana mida bedeuwo aleu kadiwa waimoia mampo dewantono aleu kadiu emone nomone nambe antoiena.

Aposel 23:11

Tane tadina sawo Tatamba Paul mampe segalene tampe enene diene wanase, “Mai saite insaisaa omepi, dia! E mape Ierusalem bedewe ne wasabamona waana rua e ideita Rom bedewe aite ne wasabamona waa.”

Paul letawa sumanailala Rom bedewe waimoia mampo girumalena 5:11

Tane mai sa os, do no Tatamba Iesu Keriso baiwa nuaeuntite God asowa waitana, ipawa Keriso bedewe no intamba dodomanasano God sosowa wanantene wainitana.

Iems 2:18

Tane apana da waponase, “God amona daitada apana wanamode, mo isiwa di sumanaintompa ita isiwa sumanaintompe eueuwa do dewamompa.” Ne me sipoasape waponase, “E sumanaitiana, tane sumanaia eueuwa mai dewasaipona, dia. E sumanaia sa euwaneawo ewapo dima rua? Tane ne sumanaintedina eueuwa dewamodina euwaepo bedewe sumanaina ewaa rua.”