Matiu 8:4 - Kanasi

⁴ Ita Iesu me diene wanase, “E inaitena umanawa mai apana da diamoa, dia, tane dodomana aite pirisi mampe etea euwasawo ewepi. Muriwa Moses anaanawa wana rua e inaitena pulowa ituno apana ewapue atentopu e inaitene euiten, God duwe aitaa rua.”

Matiu 8:4 Iomraidhean Croise

Matiu 10:18

E ne waroroneilana baiwa mo e wadalepue banlalepue apana debamau ita warere mampo aitane kotuitana. Tane ema epe segalepia e Gagalo euda mo ita uwa daitada apanawa mampo amonaitano etapua baiwa.

Matiu 16:20

Ita Iesu me wawe alala gagalo badowa mampe diamone wanase, “Mai apana da diana ne ipa Keriso God sauawalena, dia.”

Matiu 17:9

Tauma mo wadi iwe leuntone ieie into Iesu diamone wanase, “Dima e ewalana mai apana da benemamono etapu, dia. Tane Apana Otopa bo bedewe enepiwisepio tauma benemaitano apana atentopu.”

Matiu 3:15

Tane Iesu me sipoasane wanase, “Dima ne dieedina rua dewasaa, ita ema mampe dima uduudu God menasadia no dewasaipona ideita dewasata.” Sa baiwa Ion Iesu aiawa ruawalene me babatutusan.

Matiu 5:17

“Mai insenase, ne dima anaana ba peroweta bukawa bedewe girumamona ipasiamopaa baiwa wineapona. Ne mai dima buka bedewe girumalena ipasiasapaa baiwa wineapona, dia, tane ne ipawaida sabamosape ipawanasapaa baiwa winen.

Matiu 6:1

“Ewanadewaitana, God sumanaiwaitilana nolawa mai sabamo apana uduudu ewalepua baiwa dewasana, diaida. E naita sabamo dewasana, e Mamala uboo wandia mai unela da enalepi, dia!

Matiu 9:30

Me epe wano mo emau euleno sala eweiena. Ita Iesu mo badowa anaanamone wanase, “Dima manlawo segalena umanawa mai apana da diamona, dia!”

Gagalo euda Iesu Keriso umanawa Mak girumalena 13:9

E insaisala wadaaubalala os emoitonune wanlempa, mai di wankoaitonuna. Mo e wadaitulepue kotu apanawa mampolepu. Ita mo gagalo dubu bedewe ba kotu bolawa osowe sabamo apana emauwo epaepabobolempo malaitana. E ne wanawoitilana baiwa gabeman apanawa debamau ita do warere danauwo enane kotulempo e ne wasabamoneane Gagalo euda benemaitano mo etapu.

Gagalo euda Iesu Keriso umanawa Mak girumalena 3:12

Tane Iesu mo badowa anaanamona me umanawa mai wapue sabamosapu me mida, diaida.

Gagalo euda Iesu Keriso umanawa Mak girumalena 5:43

Ita Iesu mo badowa anaanamona dima segalena umanawa mai wapue apana da benemamopu, dia. Ita Iesu diamona oto inalena nana da wanapuo napi.

Gagalo euda Iesu Keriso umanawa Mak girumalena 6:11

Tane aitonune bola dainea bedewe wilenuno bola sa apanawa mai wadalepue mampolepua bola sa apanawa mampo matangela eueuwa dewasane walawo dogo wineia uwakokosano ewapue atentopu. Ita bola sa apanawa adilawomone ene aitana.”

Gagalo euda Iesu Keriso umanawa Mak girumalena 7:36

Mape Iesu apana sape auweia anaanamona mai ginasa ema eweiena benemawa wapue apana da diamopu, diaida. Iesu mo osoweosowe diamodio tane mo benemantoiena, mai epona rua, dia.

Gagalo euda Iesu Keriso umanawa Mak girumalena 8:30

Pita Iesu wasabamowa wano etene me badowa wawe alala anaanamona dima Pita Iesu umanawa wana mai apana da benemamopuo etapu.

Gagalo euda Iesu Keriso umanawa Mak girumalena 9:9

Mo wadiwae iane antoie Iesu anaanamone wanase, “Dima wadiwa ewalana mai apana da benemamono etapu, dia. Tane Apana Otopa bo bedewe enepiwisepio tauma benemaitano apana atentopu.”

Gagalo euda Iesu Keriso umanawa Luk girumalena 17:14

Mo epe iririntoio Iesu ewamone diamone wanase, “Aitano pirisi ewalepu.” Iesu wana rua mo ene antoio etepu inalentuwan.

Gagalo euda Iesu Keriso umanawa Luk girumalena 21:13

Ema epe inta e Gagalo euda benemaitano mo etapu.

Gagalo euda Iesu Keriso umanawa Luk girumalena 4:41

Tane mo kerolala bedeuwo sosou uara bedeuwo aleu kadiwa waimoia Iesu tanamono nomoiena. Aleu kadiu apana emoiieie mukantoie Iesu dieie waie waiase, “E ipa God Otopaida wainiana!” Mo epe waia, ipawa mo atentoiena me ipa Keriso. Tane Iesu badowa anaanamona me umanawa mai wapu, epu.

Gagalo euda Iesu Keriso umanawa Luk girumalena 5:14

Me inaleno Iesu anaanasane wanase, “Dima manawo segalena mai apana da diamoa, diaida! Tane tauwadea pirisi mampe aite etea inalena euwasawo ewepi. Muriwa Moses anaanawa wana rua e inaitena pulowa ituno apana ewapue atentopu e inaitene euitena baiwa God duwe ode aitaa rua.”

Gagalo euda Iesu Keriso umanawa Luk girumalena 8:56

Oto bo bedewe inalene enenwiseno gombawa nuaeu do memesaidanton dima eweiena mampe. Tane Iesu mo badowa anaanamona dima segalena umanawa mai wapue apana da benemamopu, diaida.

Gagalo euda Iesu Keriso umanawa Luk girumalena 9:21

Pita Iesu wasabamowa wano etene me badowa wawe alala anaanamona wasabamowa sa Pita wana mai apana da benemamopuo etapu, diaida.

Gagalo euda Iesu Keriso umanawa Ion girumalena 5:41

Ne mai apanaida asona wanuna insaisawa wadeipona, dia.

Gagalo euda Iesu Keriso umanawa Ion girumalena 7:18

Apana mida meba mukawa mampe waeuwaleidia, sa ipa me meba ebowa ituposisampaa baiwa nolaleide. Tane apana mida me wanaubena ebowa wadaposisampaa baiwa nolaleidia, me ipa ulaipaida, ita me bedewe mai laga da wineipona, dia.

Gagalo euda Iesu Keriso umanawa Ion girumalena 8:50

Ne mai neba ebona sapaidalepia baiwa nolawantipona, dia. Tane mida ne ebona wadaposiwa menasadia wande, ita me ando ne nolana ewepie umanawa wapidewalepi.