Matiu 5:18 - Kanasi

¹⁸ Ne ulaipa dialedina, uba ita tawo diantopu, tane bauta giruma debama ita kerakera anaana bedewe girumalena mai ipusiantopu, ideita segantopu.

Matiu 5:18 Iomraidhean Croise

Matiu 10:15

Ne ulaipa dialedina, bola Sodom ita Gomora kotu walamawe pokawa etapu. Tane e bola dawo aitile wileilano bola sa apanawa dabualeie eleia matangelau rebarebaida osouwolepio poka etaidasapu, mai Sodom ita Gomora apanawa ruau!”

Matiu 10:23

Bola dea bedewe apana e kadilempa e tauwadea bola sa ene bola da bedewe aitane nolaitana. Ne ulaipa dialedina, e mai nolala dewasane Israel bolawa uduudu diasanuno Apana Otopa leulepi wisepi.

Matiu 10:42

Ne ulaipa dialedina, apana mida esa utepie ne wanawo alala bedeuwo dea da kerauda wanepia, ipawa apana sa ne wanawo alala, me ideita unewa wadepi, mai dia.”

Matiu 11:11

Ne ulaipa dialedina, apana uduudu mapo ita tauma gamomoia bedeuwo Ion ipa debamawaida segalene wande, mo uduudu onapolen. Ion bautalene wisena walamawe me ipa debamawa, tane mo sumanailala eboeboua ita ebousiawaia mida tauma God gonaawa bedewe odeia ita ando odompa mo ipa debamaidantopuo Ion atouwolepi.

Matiu 13:17

Ne ulaipa dialedina, peroweta ita apana eubu dodomanau uara menamona dewa pokawaau e ewamoile ateitilana rua ewamope atentopona, tane dia, mo ewasasia di waimoie. Ita do menamona dima e etamoile ateitilana rua etamope atentopona, tane dia, etasasia di bontoiena.”

Matiu 16:28

Ne ulaipa dialedina, apana isiwa e bedelawo mape eneia Apana Otopa me gonaawa bedewe wisepio ewapu, mo mai ewasasia waimompe di bontopu, dia.”

Matiu 17:20

Me sipoamone wanase, “E sumanaila kerauda baiwa mai tanana rua, dia. Ne ulaipa dialedina sumanai mampe dewa uduudu e dewasana rua. Naita e sumanaila paipai naumba kerauda rua manlawo winompa e rua os wadi ema diane wanase, ‘Riaite sisi aitaa,’ ruawa me rialepi.”

Matiu 18:18

Ne ulaipa dialedina, dima e tawo osowe anaanasailana, sa ipa uboo do anaanasade, ita dima e tawo osowe wadeilaaubeilana, sa ipa uboo do wadediaubede.

Matiu 18:3

“Ne ulaipa dialedina, mai mida God gonaawa bedewe odepia rua, dia! Dea os, mida insaisawa uduudu leusadie oto kerauda ruawaleidia me ipa God gonaawa bedewe odepi.

Matiu 19:23

Ita Iesu wawe alala diamone wanase, “Ne ulaipa dialedina, maura apanawa God gonaawa bedewe odaodawa badowaida.

Matiu 19:28

Iesu mo diamone wanase, “Ne ulaipa dialedina, nitu uduudu sanaalempaa walamawa osowe Apana Otopa kolaiwatawa sapawaida bedewe waimpo e mida ne waroronealana do kolaiwata 12 osouwo waine ita Israel apanawa dambu uduudu 12 oniamona.

Matiu 21:21

Iesu sipoamone wanase, “Ne ulaipa dialedina, naita e manlawo sumanai winompa ne dima karakai iawa ema mampe dewasana deawaa e dewasana rua. Ita do e rua os wadi ema diane wanase, ‘Enawie aite owa bedewe aubaubaitaa!’ E nuala bedewe mai insakoaitana ba sumanaila mai keraulepi, tane sumanaiidaitano ipawaida ando segalepi.

Matiu 21:31

Tauma e ambi inseilana, oto dainea dima mambu menasadia rua dewasan?” Mo sipoasane waienase, “Otopa tautua.” Iesu sipoamone wanase, “Ne ulaipa dialedina, takis manewa tamalala ita ioto ninalala bautantoie nanlanepe God gonaawa bedewe odei.

Matiu 23:36

Ne ulaipa dialedina, kadi sa uduudu matangelawa walama ande apanawa wadapu, mai dia.”

Matiu 24:2

Iesu sipoamone wanase, “E tauma du ema uduudu ewamoile asou wailana. Tane ne ulaipaida dialedina, du sa uduudu kadimopituwapi, mai seu da bolawe winepia rua, uduudu noanamopuo nomoputuwapi.”

Matiu 24:47

Ne ulaipa dialedina, du apanawa nitu uduudu me mampea nolawa dewalala sa witapesapio oniamompa.

Matiu 25:12

Mo epe badowa iririntoio nainai apanawa diamone wanase, ‘E mai odana rua, dia, e apana dainea, ne mai atenleipona!’”

Matiu 25:40

Ita warere leusapi wapiase, ‘Ne ulaipa dialedina, dima uduudu ne sumanai sona debama ba kerauda me mampe dewasalana, sa ipa neida baina dewasalana.’

Matiu 25:45

Ita warere sipoamopie wapiase, ‘Ne ulaipa dialedina, dima uduudu apana debama ba kerauda mampe e mai dewasapona, sa ipa ne baina dewasapona elana.’

Matiu 5:26

Ne diaidaedina, e sape wanempe mai di noe aitaa, tane ideita e mane ompa mo dieiena rua ituaubee, tauma dibura ee noe aitaa.”

Matiu 6:16

E iditonune mai apana lagawaauida dewantoia rua nuapareitilana eueuwa sabamosana. Mo idintoie mai etepu oniadewasasaipe benadewantoipona, dia. Apana uduudu mo idintoia ewapue atentopua baiwa benasia di waimoi. Ne ulaipa dialedina, God mai mo uneu da wanamopi, dia. Ipawa mo aitamana apana mampo asowawa wadeiena, sa ipa mo uneu.

Matiu 6:2

E nuaparelala nitu da wanamonune mai sabamo asowawa debama dewasano apana uduudu ewalepu, dia. E apana lagawaauida gagalo duwa bedewe ita do intanowainta apana uduudu asou wampaa baiwa epe dewantoie waimoia mai ruauitana, dia. Ne ulaipa dialedina, mo apana mampo asowawa debamawa wadane waimoi, sa ipa mo uneu, ita God mampe mo mai uneu da winedia wadapu, dia.

Matiu 8:10

Iesu aia ema etene memesalene apana wawe ieia diamone wanase, “Ne dialedina, Israel apanawa bedeuwo mai apana da sumanaiwa debamaia Rom sorodiawa ema sumanailena rua donsapona, dia.

Gagalo euda Iesu Keriso umanawa Mak girumalena 10:15

Ne ulaipa dialedina, me mida oto kerauda rua nuawa wadaaubala me God gonaawa bedewe odepia rua. Tane me mida mai oto kerauda ruawalepia me mai God gonaawa bedewe odepia rua, diaida.”

Gagalo euda Iesu Keriso umanawa Mak girumalena 10:29

Iesu sipoasane wanase, “Ne ulaipa dialedina, mida duwa, ba nonopa, ba weaweanapa, ba inawa, ba mamba, ba obampa, ba iraiwa emona ne baina ba Gagalo euda baiwa, me wandi leidia bedewe uaraia osoweosowe mampelempo wadompa, mai bauta wandie emona rua. Sa ipa duwa, nonopa, weaweanapa, inawa, obampa ita iraiwa mampelempatuwampo osowe waimpa. Tane me poka apana mampo do etompe waimpa, mai dia. Ita walama iedia wisepio me inawinakasala donsapi.

Gagalo euda Iesu Keriso umanawa Mak girumalena 11:23

Ne ulaipa dialedina, e nuala bedewe mai insakoaitonuna tane sumanaiidaitonune bedewe wadi emanta diane wanase, ‘Enawie aite owa bedewe aubaubaitaa!’ Dima e sumanaiwaitile wailana God e baila dewasapio segalepi, mai dia.

Gagalo euda Iesu Keriso umanawa Mak girumalena 12:43

Iesu me ewedie wawe alala apamono mampe wimono diamone wanase, “Ne ulaipa dialedina, obu sa pulowa ituna mai apana uduudu pulontoiena rua, me ipa debamawaida itun.

Gagalo euda Iesu Keriso umanawa Mak girumalena 13:30

Ne ulaipa dialedina, walama ande apanawa mai tauwadea bontoputuwapi tane mo waimompo dewa ema uduudu segantopu.

Gagalo euda Iesu Keriso umanawa Mak girumalena 14:18

Mo nana napua baiwa aisintone waimoiena. Ita mo nana naio bedewe Iesu wane wanase, “Ne ulaipa dialedina, dea e bedelawo mida ne do wante nana naitana ne laga mampe nananepie kotu apanawa mamposapi.”

Gagalo euda Iesu Keriso umanawa Mak girumalena 14:25

Ne ulaipa dialedina, nana ema naitana dialepio aupe ne wain mai napa, dia, ideita God gonaawa wisepie ipawanalepio tauma ne osowe napa.”

Gagalo euda Iesu Keriso umanawa Mak girumalena 14:30

Tane Iesu me sipoasane wanase, “Ne ulaipa dieedina, deama tadino e walama natadea ne wakoana wae lagaitaa, muriwa walama nata kanka aiawa wapi.”

Gagalo euda Iesu Keriso umanawa Mak girumalena 14:9

Ne ulaipa dialedina, bola daitada bedewe Gagalo euda amonantompe dima i ema dewasana do gagalowa wampe benemantompa. Ita me dudunawa sa winakasalepio apana insempa.”

Gagalo euda Iesu Keriso umanawa Mak girumalena 3:28

Ne ulaipa dialedina, apana mida God mampe dodomanalepona menasadia God me kadiwa uduudu insadabuamopie inasapi. Naita me God wakadisasana, kadi sa debama do insepidabuasapi.

Gagalo euda Iesu Keriso umanawa Mak girumalena 6:11

Tane aitonune bola dainea bedewe wilenuno bola sa apanawa mai wadalepue mampolepua bola sa apanawa mampo matangela eueuwa dewasane walawo dogo wineia uwakokosano ewapue atentopu. Ita bola sa apanawa adilawomone ene aitana.”

Gagalo euda Iesu Keriso umanawa Mak girumalena 8:12

Tane Iesu nuawa dabua mampe nuawa ituniene wanase, “Dima baiwa walama tauma apanawa ne ginasa dewasapo ewapua iririwanei? Ne ulaipa dialedina, apana ema ne mai ginasa da dewasapo ewapu, diaida!”

Gagalo euda Iesu Keriso umanawa Mak girumalena 9:1

Tane Iesu do diamone wanase, “Ne ulaipa dialedina, apana isiwa e bedelawo mape eneia God gonaawa mukawa do wisepio ewapu. Mo mai ewasasia waimompe di bontopu, dia.”

Gagalo euda Iesu Keriso umanawa Mak girumalena 9:41

Ne ulaipa dialedina, mida ne ebonawo simbialeidie esa enaledia ipawa e ne mainawoa, me unewa wadepi, mai dia!”

Gagalo euda Iesu Keriso umanawa Luk girumalena 12:37

Mo debamau wisepie mo imaantompe waimompo dommopia mo nuaeu debamaia donsapu. Ne dialedina mo nuaeuntopu, ipawa mo apanau debamawa meba diamopio nana baiwa wampuo me mo aupau wadepie nolawa gara taupie simbiamopi!

Gagalo euda Iesu Keriso umanawa Luk girumalena 13:35

Ewane, God Ierusalem ita me duwa sape enedia dabuamopie matangelawa osouwolepio kadintoputuwapi. E Ierusalemwa wanwanlala tauma ana ompa wineno ewaneilana. Ne dialedina, ne tauma elepe anteape wankasaidanteapo mai ewaneana, dia. Tane walama dawoido ne leunteape wineapo ewaneane auwadewasaneane wanase, ‘Me mida Tatamba ebowe iedia sau euda wadena apanawa wadaposisaitana!’”

Gagalo euda Iesu Keriso umanawa Luk girumalena 16:17

Naita uba ita tawo diantopona, tane giruma debama ita kerakera uduudu buka bedewe girumala wineia mai diantopue ipusiantopu, diaida.

Gagalo euda Iesu Keriso umanawa Luk girumalena 18:17

Ne ulaipa dialedina, me mida oto kerauda rua nuawa wadaaubala me God gonaawa bedewe odepia rua, tane mida mai oto kerauda ruawalepia, me mai God gonaawa bedewe odepi, diaida.”

Gagalo euda Iesu Keriso umanawa Luk girumalena 18:29

Iesu Pita waitarawa etene mo uduudu diamone wanase, “Ne ulaipa dialedina, mida me duwa, ba me manainapa, ba nonopa, ba gombawaida, ba obampaida emontue God gonaawa baiwa nolaleidia dima me emona rua God me eiasampe wanompo wadompe waimpa, mai dia. Ita do walama ando iedia bedewe me inawinakasala donsapi.”

Gagalo euda Iesu Keriso umanawa Luk girumalena 23:43

Tane Iesu sipoasane wanase, “Ne ulaipa dieedina, ande e ne nata bubua bolawa eudida bedewe wanta.”

Gagalo euda Iesu Keriso umanawa Luk girumalena 4:24

E epe inseilana baiwa ne ulaipa dialedina, peroweta meba bolaweido odene nolaleidio me apanawa ewanadabue eiena, mai wadape mamposapona, dia.

Gagalo euda Iesu Keriso umanawa Ion girumalena 1:51

Ita Iesu me diene wanase, “Ne e uduudu ulaipa dialedina, e uba wadaaubala ita God enseliwa Apana Otopa osowe odompe ita iompo ewana.”

Gagalo euda Iesu Keriso umanawa Ion girumalena 10:1

Ema aupe Iesu apana me asisusaie laia diamone wanase, “Ne ulaipa dialedina, me mida sipsip wanwambu bolawa gonaala winedia moawainta ruawaleidie odedia me gamo onionialala apanawaida wande. Tane mo uduudu mida nambeinta kawantoie odeia mai gamo oniadewasamompaa baiwa odeipona, dia, mo gamo poisamompe kadimompaa baiwa odei.

Gagalo euda Iesu Keriso umanawa Ion girumalena 10:7

Sa baiwa Iesu diadewasamone wanase, “Ne ulaipa dialedina, ne ipa sipsipna wanwambu bolawa gonaawa moawa wainedina.

Gagalo euda Iesu Keriso umanawa Ion girumalena 12:24

Ne ulaipa dialedina, wit naumba dea nosepie dogo bedewe alepi, ewaewawa bolepia rua, tane winompe tepolepie wit naumba uaraia teamopi. Tane naita mai epe segalepia naumba sa dea mai naupie uaralepi, dia.

Gagalo euda Iesu Keriso umanawa Ion girumalena 13:38

Mape Iesu leusane Pita diene wanase, “E ide ruaa inawaa itue ee ne baina boitaa, ba? Ne ulaipa dieedina, muriwa kanka aiawa wapi, e bauta walama natadea ne wakoana wae lagaitaa.”

Gagalo euda Iesu Keriso umanawa Ion girumalena 14:12

Ne ulaipa dialedina, mida ne bedenawo sumanaiwa itudia dima ne dewamodina rua deawaa dewamopi. Tane mai sa os, me nolawa bedewe dewa debamauida dewamopia rua, mai dima ne dewamona rua, ipawa ne Mamamba mampe antedina.

Gagalo euda Iesu Keriso umanawa Ion girumalena 16:20

Ne ulaipa dialedina, e ne ewaneanasue ke wane nuapareidaitana, tane tawo ema nuaeulepi. E nuapareidaitana, tane nuapare sa dialepio aupe nuala nuaeu nopesapi.

Gagalo euda Iesu Keriso umanawa Ion girumalena 16:23

Ne e do wainitana walamawe e mai dima da ne ebonawo iririwaitapona, dia. Tane ne e elepe anteapo aupe e mai dima da baiwa ne iririwaneana, dia, tane e ne ebonawo Mamamba mampe iriritonuna. Ne ulaipa dialedina, dima uduudu e ne ebonawo iririwaitonuna Mamamba ideita enalempa. E ando iriritonune ita donsanuna, ita ema bedewe e nuala nuaeu nopesampa.

Gagalo euda Iesu Keriso umanawa Ion girumalena 21:18

Ne ulaipa dieedina, e sanaa wainie benaitie eba insaisaawo aitie. Tane e tontaite gulauite wane witaa aubewo apana da e witaa wadepie banlaepio naepe e a dabuaitanawo aitana.”

Gagalo euda Iesu Keriso umanawa Ion girumalena 3:11

Ne ulaipa dieedina, no dima atentena umanawa waitana, ita do dima no ewatana benemawantitana, tane no benemamba e mai etape ruawaitapona, dia.

Gagalo euda Iesu Keriso umanawa Ion girumalena 3:3

Iesu me aiawa etene sipoasane diene wanase, “Ne ulaipa dieedina, mai mida da God gonaawa bedewe di odepia rua, diaida! Tane inta dea os, sa ipa apana mida osowe mulepie ina sanaa wadepia me ipa God gonaawa bedewe odepi.”

Gagalo euda Iesu Keriso umanawa Ion girumalena 3:5

Iesu leusane wanase, “Ne ulaipa dieedina, mai insakoaitaa! Mai mida da God gonaawa bedewe di odepia rua, diaida! Tane inta dea os, sa ipa apana mida esa ita Aleu kakaiwa mampe muleidie ina sanaa wadedia, me ipa God gonaawa bedewe odepia rua.

Gagalo euda Iesu Keriso umanawa Ion girumalena 5:19

Iesu mo sipoamone wanase, “Ne ulaipa dialedina, God Otopa mai dima da meba insaisawa rua Mamba dima menasadia ampiboe dewasapia rua, dia. Tane dima Mamamba dewasadio ewedia rua deawaa dewasade, ipawa Mamamba Otopa nata nolau deawaa os dewasai.

Gagalo euda Iesu Keriso umanawa Ion girumalena 6:26

Iesu sipoamone wanase, “Ne ulaipa dialedina, e ne banuneilana, ipawa e bured nale pokalen, mai ginasa ewape ipawaida ateitape baiwa ne banuneipona, dia!

Gagalo euda Iesu Keriso umanawa Ion girumalena 6:32

Iesu mo sipoamone wanase, “Ne ulaipa dialedina, Moses mai bured uboa e nosinosila wanamopona, dia. Tane tauma ne Mamana buredida uboa enalede.

Gagalo euda Iesu Keriso umanawa Ion girumalena 6:47

Ne ulaipa dialedina, mida sumanaileidia me inawinakasala wadedie mampesade.

Gagalo euda Iesu Keriso umanawa Ion girumalena 6:53

Iesu mo insakoau gagalowa etene baiwa diamone wanase, “Ne ulaipa dialedina, e mai Apana Otopa etepa ita me osinawa nana e bedelawo inaida dia.

Gagalo euda Iesu Keriso umanawa Ion girumalena 8:34

Iesu leusane wanase, “Ne ulaipa dialedina, apana mida kadiwa dewasadia, kadi me taudidodedio ita kadi nolawa dewala wanaleidie wande.

Gagalo euda Iesu Keriso umanawa Ion girumalena 8:51

Ne ulaipa dialedina, mida ne aiana oniempe ruawalempa, me tauma ita ando mai bolepi, dia.”

Gagalo euda Iesu Keriso umanawa Ion girumalena 8:58

Iesu mo wakoau gagalowa etene wane wanase, “Ne ipa wanwankasalala, ne wainedino Abraam mulen!”

1 Pita 1:25

Tane God aiawa ipa winakasalala.” Tane God aiawa, sa ipa Gagalo euda e manlawo amonantoie.

Gagalo Sabamolala 20:11

Ema aupe kolaiwata sapusapua debamawa ita mida osowe wandia ne ewedinee. Tane mida kolaiwata osowe wandia danawe tawo ita uba tauwadea os lawosantone dianton, mai muriwa ewaewalala, diaida.