Matiu 21:15 - Kanasi

¹⁵ Tane pirisi debamau ita anaana waeuwalala Iesu dewa eubu dewamodio eweiena ita do seda kerakera God duwa bedewe ka waie waiase, ‘Osana, Dawid Otopa wadatapos,’ mo etamone nuau kadiidalen.

Matiu 21:15 Iomraidhean Croise

Matiu 20:24

Wawe alala isiwa 10 ema umanawa etane mo sosou nata mampo nuau kadiidalen.

Matiu 21:23

Iesu Ierusalemwa leulene wisene God duwa bedewe odene waeuwaleidio pirisi debamau ita apana eiau me mampe wimone waitarasane waienase, “E muka dainea mampe dewa ema dewamoiana? Mida muka eneen?”

Matiu 21:9

Apana Iesu danawe ita adiwe enane antoia mo aiau mukama wane waienase, “Osana, Dawid Otopa wadatapos! Euda me mampe mida God ebowe iediawo! Osana, God ionoidoa wadaposisate debamasata!”

Matiu 22:42

“E Keriso mida God sauawalen baiwa ambi inseilana, me mida otopa?” Mo sipoasane waienase, “Keriso ipa Dawid atanosiwa.”

Matiu 26:3

Tane walama sawo pirisi debamau ita apana eiau pirisi ionoidoa ebowa Kaiapas duwe auwene

Matiu 26:59

Tane pirisi debamau ita Ius onionialala uduudu laga apanawa banumoie. Apana sa laga mampe benemasikintopono mo Iesu bosapona baiwa.

Matiu 27:1

Tadinaida pirisi debamau ita apana eiau auwene gagalontone insaisau deasaiena Iesu bosapu.

Matiu 27:20

Tane pirisi debamau ita apana eiau apana uaraia waninamoiena mo Pailat iririsapuo Barabas wadepiaubepio inalepi, ita me Iesu bosapi.

Matiu 9:27

Iesu bola sa ene aleidio into apana emau potawa nata me wawe antoie mukantoie waiase, “Dawid Otopa, no nuaparembaite saunea!”

Gagalo euda Iesu Keriso umanawa Mak girumalena 11:18

Pirisi debamau ita anaana waeuwalala aia ema etane nuau kadileno inta banusaie Iesu bosapua baiwa. Apana uduudu Iesu waeuwawa nuau wadeno baiwa pirisi debamau ita anaana waeuwalala nuau saleno me bosapona insaisawa wadeie.

Gagalo euda Iesu Keriso umanawa Luk girumalena 20:1

Walama dea Iesu God duwa bedewe odene alene apana sape auweiena Gagalo euda waeuwamodio pirisi debamau, anaana waeuwalala ita mo eiau isiwa do awodea wimoiena Iesu mampe.

Gagalo euda Iesu Keriso umanawa Luk girumalena 22:2

Pirisi debamau ita anaana waeuwalala oda sa bedewe mai Iesu wadape kotu osowe itupe bosapona rua, dia. Mo apana uara sape auweiena Iesu adiwentopue mo amboitumopua sawanton. Sa baiwa mo inta banusaie Iesu weregainta wadapona baiwa.

Gagalo euda Iesu Keriso umanawa Luk girumalena 22:66

Walama pumpu apana eiau, pirisi debamau ita anaana waeuwalala gagalo baiwa auweieno Iesu banlene mo danauwo wimoiena.

Gagalo euda Iesu Keriso umanawa Ion girumalena 11:57

Tane pirisi debamau ita Parisi apanawa bauta Iesu wadapuitudepia umanawa badowaida waieno apana oda awa wimoia eteiena. Mo benemantone waienase, “Mida Iesu naepe wandi leidia atenlepia tauwadea mainimbo wimpie benemanepio ane wadataitudepi.”

Gagalo euda Iesu Keriso umanawa Ion girumalena 12:19

Tane Iesu Ierusalem bedewe odedio mo uaraia me wadaposisane wadane mamposaio Parisi apanawa ewamone nuau kadileno muba wane waienase, “Apana sa no bodeitalewantitana, tauma ambi dewasate wadataitudepi? Bola uduudu apanawa me wawentoio eweitana.”

Gagalo euda Iesu Keriso umanawa Ion girumalena 4:1

Apana uaraia Iesu baiwantoie antoie me asisusaio ita me babatutumodie. Iesu me mebaida mai dewa ema dewasaipe, dia, tane me wawe alala mo os apana babatutumoie. Tane Ion mampe mai apana uara wimoipe ita me nolawa oauaraleidie. Tane Iesu atenlen Parisi apanawa dewa ema segaleidia umanawa eteiena, sa baiwa me mai Iudia bedewe wankasalepona,

Gagalo euda Iesu Keriso umanawa Ion girumalena 7:42

E etale ateiten ba dia, buka bedewe girumalene wanase, ‘Keriso warere Dawid damba bedewe wisepie ita Dawid bolawaida Beteliem bedewe mulepi.’”