Matiu 16:1 - Kanasi

¹ Parisi ita Sadusi apanawa isiwa Iesu rubusapua baiwa mampe wimone waitarasane waienase, “Ginasa dewasawo ewata e ulaipa God mukawa wadaana!”

Matiu 16:1 Iomraidhean Croise

Matiu 12:14

Sape Parisi apanawa dewa ema ewane nuau kadileno nomone antone ita Iesu bosapua baiwa inta banusaiena.

Matiu 15:1

Ema aupe Parisi ita anaana waeuwalala isiwa Ierusalemwae Iesu mampe wimone waitarasane waienase,

Matiu 16:6

Intasino Iesu diamone wanase, “Parisi ita Sadusi apanawa nanau da kerauda ist parawa bedewe ituio sasanaleidia mampe ewanadewaitana.”

Matiu 19:3

Sape Parisi isiwa wimone gagalo mampe Iesu rubusaiena me wapakadisapono wawusapona baiwa. Mo Iesu diane waienase, “E no dianewo etato no anaanamba ambi wade, apana manainapa nitu da kadisapio baiwa me dabuasapie epia intawa da winede, ba dia?”

Matiu 22:15

Parisi apanawa Iesu ene antone auwene gagalontone inta banusaie laga mampe Iesu waitarasampo wapikadisapio wadapua baiwa.

Matiu 22:18

Tane mo kadiwa dima inseia Iesu atenlene baiwa diamone wanase, “E lagawaauida! Dima baiwa laga mampe waitaraneilana?

Matiu 22:23

Walama sa deawaawo Sadusi apanawa waitara do Iesu mampe wimoiena. Mo sumanaintoie inseia apana bolala ando mai bo bedewe enapuwimopue waimompa, dia.

Matiu 23:2

“Anaana waeuwalala ita Parisi apanawa Moses aupawa wadeie anaana waeuwantoi.

Matiu 27:62

Imonemba Sabat walamawe pirisi debamau ita Parisi apanawa Pailat mampe antone

Matiu 5:20

Ne epe dialedina, ipawa e Parisi ita anaana waeuwalala dewau rua dewaitana e mai God gonaawa bedewe odana rua, dia! Tane e God insaisawa rua dodomana os dewasanune Parisi dewau ainaboe e God gonaawa bedewe odana.”

Matiu 9:11

Tane Parisi apanawa isiwa dewa ema ewane me wawe alala diamone waienase, “Dima baiwa e debamala takis manewa tamalala ita apana ebou kadiwa wawalala do nana naie waimoi?”

Gagalo euda Iesu Keriso umanawa Mak girumalena 10:2

Ita Parisi apanawa isiwa Iesu gagalo wapikadisapi, ba dima dewasapikadisapio ewapua baiwa wimone sape waimoie waitara badowa diane waienase, “E no dianewo etato no anaanamba ambi wade, apana nainaibu bedewe kadilempo manainapa dabuasapie epia intawa da winede, ba dia?”

Gagalo euda Iesu Keriso umanawa Mak girumalena 12:18

Ema aupe Sadusi apanawa waitara do Iesu mampe wimoiena. Mo sumanaintoie inseiase apana bolala ando mai bo bedewe enapuwimopue waimompa, dia.

Gagalo euda Iesu Keriso umanawa Luk girumalena 10:25

Walama dawo anaana waeuwalala dea waitara badowa mampe Iesu diedia me wapidewalepi ba wapikadisapio etepi. Ita me waitarasane wanase, “Ne dewa dainea dewasape inawinakasala donsapa?”

Gagalo euda Iesu Keriso umanawa Luk girumalena 11:16

Tane bedeuwo isiwa Iesu insakadisasaie inseia me Seitan mukawa mampe nolaleidie leide. Ita mo Iesu muka dainea mampe nolaleidia atendewantopua baiwa iririsaiena ginasa da dewasapi. Me ide God dewasadia rua dewasapio ewapu, ba ginasa nambea dewasapi.

Gagalo euda Iesu Keriso umanawa Luk girumalena 20:23

Tane Iesu mo lagauida aiawa dauwa etene baiwa diamone wanase,

Gagalo euda Iesu Keriso umanawa Luk girumalena 20:27

Ema aupe Sadusi apanawa waitara do Iesu mampe wimoiena. Mo inseie sumanaintoia apana bolala mai bo bedewe enapuwimopue waimompa, dia.

Gagalo euda Iesu Keriso umanawa Ion girumalena 8:6

Mo waitara ema mampe lagasaia, me aia da wapikadisapio osowe enapue wawusapua baiwa. Mo epe waio Iesu mai sipoamopona, tane me dunelene witapa uraupa mampe aia isiwa dogo osowe girumalen.

Aposel 4:1

Pita Ion nata apana mampo gagalontoiomawa pirisi isiwa, God duwa onieia uwaula, ita do Sadusi isiwa mo wadaitumopua baiwa mampo wimoiena. Mo Pita Ion nata mampo nuau kadiidalen, ipawa mo apana sumanai intawa waeuwamoie ita do benemamoie waiase, “Apana bolala Iesu bedewee bo bedewe enapuwimopu, mai dia.”

Aposel 5:17

Pirisi ionoidoa ita me sauwa apanawa uduudu, mo ipa Sadusi sosou, aposel nolau eweie nuaukadileno obumoiena.

1 Korint 1:22

Tane Iuswa mampo koros gagalowa ipa malawalalaida, etaetawa dabuantoi. Mo menamodia ginasa ewompe sumanaintompa. Do uwa daitada apanawa mampo koros gagalowa ipasiawaia rua, etaetawa dabuantoi. Mo menamodia aten daitada mampe debamantompe sumanaintompa. Tane no ipa Keriso koros osowe bolena benemawantite wainitana.