Matiu 10:34 - Kanasi

³⁴ “E inseilana ne tawo osowe wanwan euda obasa wadane winen, ba? Dia, ne mai wanwan euda obasa wadape wineapona, ne ona wadane winen.

Matiu 10:34 Iomraidhean Croise

Aposel 14:2

Tane Iuswa mida Gagalo euda eteie sumanai dabuamona enane uwa daitada apanawa mampo sumanailala kutumbu waiena. Ema mampe uwa daitada apanawa insaisau kadisaieno sumanailala adiananamone seuamoiena.

Aposel 14:4

Aikonium apanawa Gagalo euda etane ita ginasa pokawaa ewamone insaisau empuempulena mida wauwontopu. Bola sa apanawa isiwa aposel wauwontoiena, tane isiwa Iuswa wauwonton.

Aposel 28:29

Rom bedewe Paul ena nata duwa bedewe meba os wandie tane du sa malesawa itudie. Apana uduudu mida Paul ewaewa menamodia me mo banlamodio duwe odeie.

Gagalo Sabamolala 6:4

Me epe wadio oas da etepa osinaosinaua segaleidio ewana. Me mida oas osowe waine aleidia isima debamaia ita muka wanena tawo osowe wanwan euda obasa wadepiaubepie nambesapi ita apana onantopue epaepabobontopue bontopu.