Matiu 1:1 - Kanasi

¹ Ema ipa Iesu Keriso nosinosiwa ebou: Iesu Keriso me ipa warere Dawid atanosiwa, tane Dawid me ipa Abraam atanosiwa.

Matiu 1:1 Iomraidhean Croise

Matiu 1:18

Iesu Keriso muwa ema epe inta winin: Iesu muriwa mulen me inawa Meri tarabensaiena apana ebowa Iosep naisepi. Mo anaanau ruawantone nainaiidantopua anuwa nambenambe waimoie mai etepu deasapona, dia. Tane Meri awoa wandie dauwa etene atenlen me Aleu kakaiwa mukawa mampe bulen.

Matiu 1:2

Abraam ita warere Dawid wisena Iesu nosinosiwa uduudu 14, mo ebou reresawa ipa ema epe: Abraam Aisak mamba, Aisak Iakob mamba, ita Iakob Iuda wanwamba do mambu. Iuda, me ipa Peres ita Sera mambu, mo inau ipa Tama. Tane Peres Esron mamba, Esron Ram mamba, ita Ram Aminadab mamba. Aminadab me ipa Nason mamba, Nason Salamon mamba, ita Salamon Boas mamba, ita Boas inawa ipa Raab. Tane Boas Obed mamba, ita Obed inawa ipa Rut. Obed me ipa Iese mamba ita Iese warere Dawid mamba.

Matiu 15:22

Sape i dea wisene mukama Iesu apasane wane wanase, “Tatana, Dawid Otopa, nuaparenaitaa! Aleu kadiwa ne anona bedewe wandie dewasadio pokaida etede, mai rua!” Tane i sa mai Israel iwa, me bola Kanaan bedewe wanwanlala.

Matiu 3:16

Iesu babatutuleno dialeno tauwadea os esa bedewe enenwiseno uba siolene wadenauben ita Aleu kakaiwa ewaewawa nene bunebune rua ewedio me osowe iene wain.

Matiu 9:27

Iesu bola sa ene aleidio into apana emau potawa nata me wawe antoie mukantoie waiase, “Dawid Otopa, no nuaparembaite saunea!”

Gagalo euda Iesu Keriso umanawa Luk girumalena 1:33

Me Iakob bedewea muntoia oniakasamompa ita warerewa winakasalala, mai ompalepi, dia.”

Gagalo euda Iesu Keriso umanawa Ion girumalena 7:42

E etale ateiten ba dia, buka bedewe girumalene wanase, ‘Keriso warere Dawid damba bedewe wisepie ita Dawid bolawaida Beteliem bedewe mulepi.’”

Aposel 2:30

Dawid ipa God perowetawa dima God me sauasana atenlene do wandie. God nuawa uduudu mampe me sauasane wanase. ‘Ne dewasapo e atanosia dea aupaa wadepie warerelepi.’

Paul letawa sumanailala Rom bedewe waimoia mampo girumalena 1:3

Ita benema ema ipa me Otopaida no Tatamba Iesu Keriso umanawa wade. Iesu ete mampe me ipa Iuswa warereu Dawid damba bedewe mulen. Tane me mai apanaida os, me ipa kakaiwaida, ita muka debama bedewe sabamolen me ipa God Otopa, ipawa me bo bedewe inalene enenwisen.

Paul letawa sumanailala Rom bedewe waimoia mampo girumalena 4:13

God Abraam ita me nosinosiwa do sauamona bola wadapu. Tane Abraam mai anaana ruawaleipe asiasi God sauawa ema wadapona, dia. Me sumanai bedewe God mampe dodomanalena baiwa saua ema waden.

Paul letawa sumanailala Rom bedewe waimoia mampo girumalena 9:5

Mo ipa Israel apanawa debamau eboeboua nosinosiu. Tane do Keriso me ipa ete mampe Israelwa bedeuwo mulen. Me ipa God, nitu uduudu me atowe. Tauma ita ando me ebowa ipa wadaposilalaida! Ulaipa, amen.

Galasia 3:16

Ema epe rua deawaa God me sauawa Abraam ita me nosiwa nata baibu sauasan. Tane buka bedewe girumalena mai waiponase, “Sau euda e manawo ita do e nosinosia mampo.” Sa dia! Tane ema epe wadi wadiase, “Sau euda e manawo ita e nosia mampe.” Ema bedewe God mai Abraam nosinosiwa uara umanau wapona, tane nosiwa dea os umanawa wan, me ipa Keriso.

1 Timoti 2:5

God dea os wande, tane apana dea God ita no sawanambo enedie banlanedia God mampe wineta. Me ipa apanaida Keriso Iesu,

2 Timoti 2:8

Iesu Keriso ambi dewalena kainokaino insene poka bedewainta aitona. Keriso, me ipa warere Dawid damba bedewe mulen, ita me ideita poka etene bolen. Tane bolala bedeuwo God me inasano enenwisen. Dima ne mape wadina, sa ipa Gagalo euda ne amonantedina ruawa.

Gagalo Sabamolala 22:16

Ne Iesu enselina wanaaubena e manawo benema ema dieepio e wadee ekelesia benemamoa baiwa. Ne ipa Dawid waapawa ita seupawa, ne ipa walama kiporawa sapaidaleidia Tauragaraga.